沖繩八天自駕之旅 - 第四天行程 28/5/2008

第四天行程 28/5/2008

沖縄美ら海水族館 à 熱帶夢幻園 (熱帯ドリームセンター) à Lunch @海人料理海邦丸 @海の駅  à今帰仁城跡(其他網 (1) (2)) à 奧武島 (其他網 (1) ) à 屋我地島 à 古宇利島 (其他網 (1) ) à Jusco 名護店 à Dinner @ Jusco 名護店



住宿 : SuperHotel Okinawa Nago



今日嘅行程主要係去沖繩好出名嘅水族館沖縄美ら海水族館，呢個水族館係號稱全亞洲最大嘅水族館。不過係出發出梗係要食返個早餐先啦，呢間酒店都係包早餐任食嘅，佢嘅網頁就緊Show咗幾個麵包，寫住健康早餐，我開頭以為咁嘅價錢，都應該同東橫 Inn差唔多啦 ! 所以都無咩寄望，只要食得飽就得喇~~~~點只簡直就係意想不到呀~~~咁嘅價錢多有得小型自助餐，重要唔係差個喎 ! 只可以用一個字來形容~~~正 ! 食完個美味嘅早餐之後就出發去沖縄美ら海水族館，由酒店去呢個水族館只係需要30分鐘到就到達，但係去水族館之前係要係Lawson 或者FamilyMart到買水族館嘅入場卷，因為係呢Ｄ地方買有10% Off，於是就係去嘅沿途留意下，但係其實好多間到有得買，重要係有成年先到期，最後都係係Lawson 到買咗。沿途去到係行條58國道，Ｄ車依然係開得好慢，不過都有一Ｄ開幾快下 ! 話咁快就去到嘅水族館喇，重要都有唔少嘅人，重見到Ｄ日本學生、同埋Ｄ日本人嘅旅行團。未開始行到已經覺得好熱，今日嘅天氣都幾曬下添呀 ! 第一個景點就係去睇個水族館，呢個水族館係要收費嘅，好在先前係 Lawson 到已經買咗Ｄ入場卷，一入到去~~嘩~~都幾多人喎 ! 個水族館其實係一路行一路睇，有Ｄ似泰國嘅水族館，行行下就見到一個好大嘅尉藍色嘅大銀幕係眼前，好靚啊 ! 呢個大銀幕我諗係有去沖繩嘅人都會去 ! 重有就係好多魚係入面，有幾條幾大嘅魔鬼魚同埋鯨鯊係到遊來遊去，好正嘅呢 ! 係個水族館逗留咗大約個幾鐘，之後就行去睇第二樣嘢，本來想搭佢哋Ｄ電車，但係又係要行去個熱帶夢幻園。係行去嘅途中見到有個海龜同埋海牛館，又去睇一睇…點知個海龜閂咗門，無得睇，個海牛館入面就有幾隻海牛係入面，動作好慢咁係到游緊水。不過入面好涼，係到 Hae 咗一陣，行出去見到有個沙灘仔到幾靚下。睇完之後就繼續前進去熱帶夢幻園，經過一個叫海洋文化館嘅地方，一眼睇埋去就係講Ｄ沖繩捕魚嘅資料，原來又係要俾入場費，因為我哋對呢Ｄ嘢無咁大興趣，所以我哋就無去到啦 ! 繼續行去個熱帶夢幻園，睇幅地圖要行好遠咁，不過原來行一陣就到 ! 呢個景點係要買入場門票架，不過如果去沖縄美ら海水族館的話呢，就可以用半價買入場卷 ! 呢個熱帶夢幻園入面其實係種咗好多熱帶植物係到，其實應該可以講系一個好大嘅溫室。裡面有好多唔同種類嘅蘭花同埋其他嘅熱帶植物，係呢個熱帶夢幻園入面重有一個好似巴比倫塔嘅塔係到，外形睇落去都幾靚仔。但係行呢個熱帶夢幻園都會幾熱下，唔知係唔係因為係溫室嘅關係呢，入面無咩風 ! 行到去個塔到以為要行上去添，就咁睇落去起碼到有成七、八層樓咁高，行上去都幾係嘢 ! 不過原來係有升降機搭~~~上到去好舒服，因為好大風好正 ! 重可以睇晒成個公園添呀 ! 睇完呢個熱帶夢幻園之後就睇原想睇嘅嘢啦，見時間差不多就走人去揾地方食 Lunch 喇 ! 因為揸車入去呢個沖縄美ら海水族館途經一個叫海の駅嘅地方，可能會有嘢食，所以就揸去睇睇喇 ! 係呢個海の駅入面有個買Ｄ手信同埋一間食店，不過見到佢入面應該重有一間食店係二樓吧，但係就閂咗門。咁我哋就去唯一一間嘅食店喇，呢間食店叫海人料理海邦丸，去到我哋都係叫咗個 Set ，味道都唔錯。食完個Lunch 就去另外一個景點今帰仁城跡，但係係去嘅途中都有Ｄ雨落緊，個個偉大嘅 GPS 又傻咗，又帶咗我哋唔知去咗邊到 ! 不過都去到附近，唯有自己睇路去啦，呢個今帰仁城跡係一個以前有權有勢嘅人住嘅地方，睇返Ｄ資料，個面積其實都幾大，但係現在就只係得返幾幅牆同埋一Ｄ柱位係地下到。成個城跡依住個山來起，附近重有一條河流添呀。之後我哋就去睇下一個島叫做古宇利島，不過去呢個島係要經過另外兩個島，一個叫屋我地島而另外一個就叫奧武島，點解要去呢幾個島，因為有幾條橋駁住先去到呢幾個島囉 ! 去到第一個奧武島嘅時候，個偉大嘅 GPS 話我哋係個海到行緊，Ｄ資料真係唔係好 Update ! 去到個古宇利島有個沙灘，嘩~~~Ｄ水非常之清 ! 如果有藍天白雲就正啦~~~可惜今日嘅天氣都係密雲多。睇完呢個，我哋就返酒店附近兜下睇下呢個名護市附近有Ｄ咩嘢睇。去到酒店附近又發現咗個叫琉球窯嘅地方，見Ｄ旅遊指南都有介紹，係一Ｄ教人整玻璃嘅體驗地方~~~Not my cup of tea la…於是我哋又繼續周圍兜啦 ! 跟住我哋就返酒店到 Hae 返一陣，然後再出來揾地方食晚餐。休息咗一陣，我哋又出發，又四圍兜下睇下有無Ｄ好嘢食，兜兜下又見到一間藥房，於是又入去睇睇啦，見到Ｄ防曬有特價於是就買返Ｄ返香港喇。跟住兜來兜去都好似無咩嘢食咁，於是我哋就去間 Jusco 附近睇下有無嘢食，最後揀咗間食沖繩料理嘅攪掂個晚餐，個料理同其他嘅差不多…不過唔知點解沖繩Ｄ Set 唔包嘢飲嘅 ! 食完晚餐係 Jusco 行一陣，見到呢到都有為四川地震籌款鎮災，真係熱心嘅呢 ! 之後就返酒店休息喇~~~~今日又洗多一次衫之後先訓覺 !