2017 四國自駕之旅 (21) 1/5/2017 Day 15 (Mon)
今日我哋就返香港啦，所以無咩特別行程，都係最後衝刺。今日我哋早咗起身，因為要執好個喼，所以就早咗去食早餐，不過今日就無咗好邪惡嘅方包。
食完我哋就返咗房Hea 下，大概0930我哋先出發，因為驚間Youme Town未開晒D嘢!!今日我哋淨係得一個景點就係呢個YouMe Town，酒店去一陣就到，我哋去到大概10點鐘。
呢個YouMe Town多嘢行過Aeon，其實今日我哋係唔夠時間行嘅，好多嘢我哋都係快睇。重又呢到都幾多嘢買個喎，所以用咗唔少時間買嘢，如果來高松，一定要行呢個 YouMe Town。Lunch我哋都係呢到食，選擇非常之多，我哋最後揀咗個Buffet食，不過其實唔係好多款。
我哋大概1245先走，因為要去搞埋D退稅，搵咗一陣。還車前我哋又去入下油，不過其實尋日已經入咗次，基本上係唔入都可以，所以今次入得個幾百日元。
還完車，佢哋車我哋返去機場，之後就要去執下D行李，因為頭先我哋買咗D嘢要放返入個喼到!搞好去排隊Checkin，嘩~~好多人~~呢班機原來係超賣，又兩個日本人排係我哋前面嘅，佢個位已經俾咗人。搞咗好耐，唔知最後佢哋有無上到機呢?不過如果讓個位出來係會俾返成兩萬日元，有幾個香港人睇到話如果讓出來可以賺突，不過最後都見佢無讓到，因為其實航空公司唔知幾時俾返個機位你，所以係唔知留幾耐~~
班機可能超賣，人數好似有D出入，所以見到佢哋不停咁係到點人數，搞到遲咗成40分鐘先起飛!!原定呢班機係1735返到香港，都遲咗成30分鐘先返到。之後去等行李又Delay，睇來HK Express嘅行李係一定會Delay，因為呢幾次都係搭佢，次次都係Delay!! 返都屋企都成8點鐘啦!!呢個四國之旅，好似無咩比較深印象嘅景點~~~
SuperHotel早餐
無咗好邪惡嘅方包
Youme Town
Lunch Buffet
Checkin
又Delay
