2012 捷克、奧地利、匈牙利自駕之旅 (31) - Day 16 Prague

Day 16 Prague

睇完嘢之後，我哋就去搵食啦，本來想去 Restaurant Mocha 嘅，但係我哋搵極都搵唔到，之後睇返地圖，原來間Restaurant
Mocha都幾遠下架。之後，我哋就去哋就去咗附近嘅一間餐廳到食Lunch，叫咗個燒豬肋骨同埋一個捷克傳統牛肉湯，呢個燒豬肋骨都幾好味，不過就無咩肉食，而呢個捷克傳統牛肉湯都幾好味，好似香港嘅炆牛腩咁，炆得幾淋下~~

食完呢個美味嘅午餐之後，我哋就上咗係Charles Bridge嘅一個塔到，其實係Charles Bridge 係有兩個塔可以上去睇風景嘅，我睇其他人影嘅相，近舊城區個邊嘅塔影落去靚仔D~~係個塔到可以高角度望落去呢條Charles Bridge，都幾靚仔~~之後我哋就去呢個猶太人區到睇下嘢，呢個猶太人區要睇入面D嘢又係要買飛先可以入去睇到，網上面都無咩人入去睇，可以我哋根本上唔知猶太人俾人迫害嘅痛苦，所以我哋係無興趣入去睇嘅，都係係門口到睇下影下相~~

睇完就人有三急~~無計要俾錢去方便一下，可能Lunch個時飲咗D啤酒所以就要去方便下咁啦。之後，我哋就搭車返去酒店到休息，諗住Hae 到食晚餐嘅時候再出去，點知返到去酒店又唔係幾想出去喎，咁我哋重有D糧食都唔食完嘅，咁今晚我哋就食誠實豆沙包做晚餐啦~~

  

2012 捷克、奧地利、匈牙利自駕之旅 (30) - Day 16 Prague

Day 16 Prague

今日已經係去到旅程嘅最後一日，聽日我哋就要返香港啦，基本上我哋想睇嘅嘢都已經睇晒，不過我哋都行咗出去睇嘢。我哋食完早餐，大約8點幾就出發，今日我哋都係會用呢個24 Hour Travel Pass，呢張Pass係尋日返酒店前買定嘅。我哋去咗睇 John Lennon Wall同埋順便睇埋呢個清晨嘅 Charles Bridge，朝早真係無咩人，影相真係幾正，今日朝早嘅天氣重幾好添喎~~

睇完呢個Charles Bridge，我哋就去埋涅魯達瓦街 (Nerudova)，呢條街有咩特別呢，就係可以欣賞到好多有趣嘅建築，有哥德式、文藝復興式及巴洛克風格建築，同埋係門上的徽記，會用不同的圖案取代門牌號碼，作為房屋徽記，如三把小提琴、雙太陽之屋等等...

我哋沿條路一路行，其實呢一條路係可以行到去布拉格城堡嘅，中途重會經過史特拉霍夫修道院，不過呢個史特拉霍夫修道院又係要行一段路，我哋由下面行上路到行到好鬼攰，所以我哋係無入到去呢個史特拉霍夫修道院參觀架，行到去尾就會到咗羅利塔聖殿 (The Loreta)，我哋影完相就搭車返去酒店到休息。Hae咗一個鐘到，我哋又出去睇呢個 Charles Bridge 同埋天文鐘12點鐘嘅報時。我哋未夠12點就去到呢個舊市政廳廣場，見時間尚早，我哋就睇埋泰恩教堂 (Kostel Panny Marie pred Tynem)、金斯基宮 (Palác
Golz-Kinských)、聖尼古拉教堂(Kostel sv. Mikuláše)，查實呢幾個景點都係係門口影相就得~~

行經一檔買麵包圈圈嘅食檔，我哋就買咗一件來食，味道都唔錯~~有D似香港嘅沙翁~~我哋睇完就趕返去天文鐘個到等佢12點鐘報時，當然係呢個天文鐘附近亦都聚集咗好多人係到等佢夠鐘就報時啦~~

呢個報時都幾快睇完，個人覺得無係德國睇到個D咁好睇，但係都Ok 嘅~~