~~~活在當夏~~~

2013/07/06

2013 大鵬所城南澳兩日一夜之旅 (3)

入到去呢間MoMo House之後，我哋就攞埋房放好行李之後就出發去呢個大鵬古城參觀啦。呢間MoMo House個外型都幾靚仔，不過就唔近海邊，友人話睇到有人寫係其他民宿嘅評語話海邊夜晚好噪～～所以呢一間MoMo House係入面都唔錯 !! 呢間MoMo House有免費WiFi提供，不過就要自備呢個毛巾。

攪好晒所有嘢，我哋就出發去呢個大鵬古城，由呢個MoMo House去大鵬古城其實識行大概10分鐘就會到城門，今日我哋去到嘅時間都唔係好多人，所以影下相就無咩問題。呢個古城有部份嘅景點係要收費先可以參觀嘅，我哋最後都無入到去呢D收費嘅地方～～成個古城，如果要慢慢睇，真係可以睇半日～～睇完古城，我哋就返去民宿，順便搵下嘢食。咁啱路經一間係古城入面嘅食店叫盛和農家菜，佢放咗D叫古瑤雞，我哋就睇下咩來啦，咁啱佢哋就問我哋有無興趣，又話平俾我哋喎，咁我哋就決定食呢一間啦。

我哋叫咗一隻古瑤雞、半隻炆鴨、蓮藕南乳餅、一個湯同埋有一碟菜～～呢個雞都幾好食，好入味!!鴨重出色，好淋無臊味，重有個蓮藕南乳餅有係好好食～～食飽我哋就行返去民宿到休息～～

食嘢期間重同間食店嘅一個員工吹下水，原來佢都係香港人，不過唔知點解返咗來呢到做嘢嘅呢?

2013 大鵬所城南澳兩日一夜之旅 (2)

講返去嘅交通先，開頭我哋就諗住係搭永東嘅南澳線去呢個大鵬，點知呢條線取消咗，重要係我打電話去問下佢係粉嶺係咩位置先知道無咗咋，如果唔係都幾瀨嘢。又好在同行友人搵到有另外一間叫環島嘅跨境去到大鵬，會係粉嶺或者係九龍塘上車，我哋係粉嶺上車要HK$60。發現無咗條線嘅時間已經係出發前一日，為咗安全起見，我哋就去買定車飛先。

個一日，我哋搭11:05個一班，由粉嶺去到呢個大鵬王母墟都已經係點幾喇，咁我哋就係車站附近個到食返個Lunch先，呢一間叫做清真蘭州拉麵。我哋4個人叫咗一個雞鍋同埋一個油餅食，呢個雞鍋都幾好食～～

食完我哋就去附近嘅王母站到搭B756去到呢個鵬城橋到落車，然後就行入去搵呢間民宿。去搵呢間民宿途中我哋沿呢個沙灘行，順便睇下附近有咩嘢食，同埋睇下其他民宿係咩樣～～

粉嶺上車位置

我哋就係搭去南澳啦...

沙頭角過關

呢個就係係KFC對出個一個車站，但係我哋搭車入去就係對面搭

呢到就係搭過境巴士落車個地方

街邊小食

午餐地點 : 蘭州拉麵

入面Ｄ人帶晒頭巾

佢哋個廚房

呢個我都唔記得叫咩名，有雞嘅

俾我哋清晒

之後又叫多個薄餅

搭車入去較場尾嘅車站

2013 大鵬所城南澳兩日一夜之旅 (1)

19/1/2013 Day 1
粉嶺 > 沙頭角 > 大鵬 > Lunch@王母墟清真蘭州拉麵 > 大鵬較場尾 > MoMo House > 大鵬古城 > Dinner@盛和農家菜 > MoMo House
呢個 Trip 真係幾突然，有個老友係呢個Trip出發前幾日突然問我呢個週末有無興趣去呢大鵬古城加南澳，我就無咩所謂嘅，因為其實我都未去過～～問埋另外一半，無問題就朴鎚啦。
本來就諗住Book旋木家嘅，因為有D雜誌報導過，睇落又幾特別，不過到我哋去搵資料想Book個時已經Full晒。間旋木家有三間館，但係都可以Full Book架，真係勁 ! 不過可能又同佢個個位置有關，因為佢個幾間都係係海邊。其實，係海邊都重有好多間可以選擇，但係靚D嘅價錢又好貴，平嘅又真係好民宿下。又可能因為呢到有深圳墾丁之稱，所以每逢週末就會有好多深圳住嘅人過來呢一邊玩架啦～～
上一次搵咗一排，其實都係係網上面搵嘅，有個網專門係Book D 住宿嘅，叫檸檬網Lemonsay。我哋就係呢到搵到呢一間MoMoHouse，呢一間個Café個樣都幾吸引，老闆又幾Nice。經呢個檸檬網Book住宿係要落訂，俾錢嘅方法就係用支持寶，但係我個個支持寶好耐無用，所以唔知得唔得。好在友人嘅亞哥係深圳有戶口可以入錢落去，咁就攪掂埋住宿喇～～

2013/07/05

遊歐洲小心巴黎

遊歐洲 小心巴黎

24/06/2013

今年四月巴黎羅浮宮200名工作人員罷工抗議扒手過於猖獗，博物館被迫休館一天。
任職旅行社的朋友知我計劃遊歐行程，再三提議剔走巴黎，以策安全。
友人提到，巴黎治安變壞，曾經試過有匪徒洗劫整輛旅遊車上的旅客，當中主要針對華人。
匪徒針對華人，是因為強國人在彼邦豪掃名牌、手挽愛馬士、Chanel和Prada手袋、戴名錶晒鑽戒，成為匪徒打劫首選對象。
旅行團的導遊，也是匪徒一大目標，因為導遊身上通常必定會有大量現金以備不時之需，加上導遊每帶旅客到商店消費都會即時收取可觀佣金，洗劫導遊收穫有保證。
巴黎的少年劫匪肆無忌憚的犯案，因為近年通過法例，不可拘捕十六歲以下青少年，導遊指曾目睹一少年扒手犯案，通知警察，警察望望那少年說：「他今年只有14歲，我們不能拘捕他。」
原來少年是慣匪，警察明知他犯案纍纍，拉不得。
遊歐洲，要小心巴黎。

From 睛報查小欣專欄