2009 日本東北自駕遊(1) 24.10.2009
好喇，要寫下呢個18日嘅日本東北自駕遊喇，由於本人住係呢個新界大西北嘅地方，班機就係朝早8:35，但係就要成六點幾搭車去機場喇。
一早去到機場點咁多人~~~咦 ! 原來呢一日都好多人去旅行架。
睇下去個時個喼都有成二十幾公斤重呀...
第一次搭西北航空嘅機，所以 Check-in 唔知係點喎，因為早一日已經係網上面做咗 Online Check-in ，所以應該去到機場淨係寄行李。但係就好多人囉，同埋家下好多航空公司都係用咗自助Check-in，即係未Check-in就自己Check-in埋，同埋Print埋張機票出來，然後去寄行李。做咗Online Check-in而又自己係屋企到Print咗張機票嘅，就直接去寄行李。因為我呢就無Print到張機票，所以就要係機場到Print喇。但係就弊家火，有好多人都唔識用呢個自助Check-in，企咗係部機到網住又唔識用，所以有時要醒目唔好跟住Ｄ十下十下嘅人，不過航空公司都有Ｄ職員係到幫手嘅 !! 寄完行李，緊係去醫下個五臟廟先啦~~~平時去旅行都係會食BurgerKing同大家樂，但係就食大快活。嘩~~行埋去見到條人龍真係好長下，好在Ｄ人食完就走，食完就入去海關出景喇。但係去到唔知點解今次無行過咩地方，唔去到候機嘅地方就夠鐘，攪到要奔走去上機 !!
每個機位都有電視機仔睇下架
飛機餐...味道都可以個喎..
係飛機到都無咩做，又係睇下有咩戲睇喇，不過呢個西北航空果然係做外國客多，全部嘅戲都係西片兼無字幕，都睇得幾辛苦，不過又好過無嘢做嘅。係機上面食下小食，過無耐就食返個 Lunch 。因為個早餐都食到幾飽下，所以都無咩點食到Ｄ嘢 !! 好快就到咗成田機場喇，過海關嘅過程都好順利，但係係等行李期間有Ｄ輯毒犬係Ｄ行李帶到巡邏，重有好多人都俾人查行李，唔知係唔係因為先前有香港藝人藏毒嘅關係呢 ?
大家見唔見到神犬拉西呢..
呢一日都有好多旅客去到成田機場...
出到機場就要搵下租車公司個 Counter 喇，轉咗 一兩 個圈都唔見喎，係網上面查過係係入境大堂附近個喎 !! 咁就問下Ｄ機場職員啦，原來係要繼前行先見到 。嘻嘻 ! 張 Print 好嘅確認信俾個職員，佢重問我係唔係租18日，可能真係無咩人會租18日咁長，俾咗錢之後就等佢哋攞架車來~~~係等咗期間買咗支嘢飲。
等咗大約15分鐘到，有個職員就示意話架車到咗，帶我哋去攞車。佢帶我哋行咗出去一個避車處。咦 !! 見到有架好型仔嘅白色車，呢架就係會陪伴我哋18日嘅車啦，就係 Toyota 嘅 Pruis 1.8 混燃車。去到有另外一個職員同我哋一齊Check下架車，同埋講下架車點用，不過其實佢都無咩點講到，可能同我哋溝通唔到呱 !!
呢個就係 Toyota Rent-a-car 嘅 Counter 喇..
呢架就係會陪伴我哋18日嘅戰車啦..外型係咪好靚仔呢..
呢個就係個 GPS System 喇..係個Monitor右下角隔離個圓圈掣就係個"Power"喇...
好喇，放咗行李上車我哋就出發啦。日本嘅 GPS 可以用電話去搵目的地，但係個職員其實無詳細咁講俾我哋知點用，又要摸一排先。開頭入咗電話，嘩~~~又唔識導航喎，原來係按漏咗一下 “Enter" 然後"Guide" 所以就開唔到個導航 !!
好啦，但係架車點用呢 ?? 唔同一般車喎，係混燃車來個喎，係香港都無揸過 !! 無車匙，得個搖控開閂門掣，架車重要得一個 “Power” 掣，究竟開著架車未架 ? 無Engine聲嘅 ! 左攪右攪，我就按一下個 “Power” ，咦 ! 弊 ! 架車熄咗嘅，咁頭先架車咪開著咗囉，但係一Ｄ聲都無喎。點開返架車呢 ? 按個"Power"掣一下先，唔得嘅，無反應喎 !! 架車都係無著到喎...職員又無講點開車喎，淨係講個搖控要放係個"Power"掣附近~~~重有就係佢走咗人喇喎..點算呢 ??
係囉，點算呢？睇到呢度好緊張就冇得睇嘞，咁點算呢？
回覆刪除[版主回覆11/23/2009 19:30:00]嘻嘻...等等先...等我慢慢嘔出來
From HK to Japan is very convenience leh! From Singapore to Japan always need to boarding at mid-night, somemore I can't sleep at fight (take 7 hours fight from here) Ticket also double charge la...
回覆刪除[版主回覆11/23/2009 23:46:00]嘩...係半夜就真係唔係一個好嘅時間喎...去到就無咗一日，重要可能無車搭添 ....機票重要Double..咁真係好貴喎...不過妳可以去香港留一排再玩日本都得嘅啫
架車幾型仔喎!
回覆刪除嘩 ... 好緊張呀, 快 d 寫埋下一篇啦
[版主回覆11/24/2009 04:58:00]架車真係幾型仔架 !! 嘻嘻...我一得閒就寫架喇，如果唔係會唔記得呢....
Wa~~~ if go to HK and Japan~2 trip is also expensive ....No choice ....From here must take mid night fight, coz reach Japan is round 10:00am++ so after take JR can fit for hotel check in time! BTW I would like to plan go to Kyoto at CNY holiday ...any good hot spring hotel can introduce?! (no need high class) but so sad today I check all fight also very full leh...
回覆刪除[版主回覆11/25/2009 13:16:00]the booking in CNY is so full in Japan but you still can try try la...
Hotel 係 Kyoto 有溫泉呀...試下 SuperHotel
http://www.superhotel.co.jp/s_hotels/shijyo/
呢一間有溫泉浸，早餐重要幾好添...
如果唔係就要去大阪到住...
http://www.superhotel.co.jp/osakaspa/osakaspa.html
如果唔係就呢一間 Comfort Inn
http://www.choice-hotels.jp/cfkyoto/index.php
都有溫泉浸，價錢都唔係好貴....不過我無住過呢一間，但係Ｄ網友話呢間都幾好...
妳自己一個人去定兩個人去呢 ?
個gps真係好先進.........入電話就得.......... 歐洲個d....仲係要入地址呀..........
回覆刪除[版主回覆11/25/2009 20:25:00]係呀...韓國個Ｄ都可以架...可能大家唔同系統呱...要入埋地址咪幾麻煩
連過磅幾重都影到...都好手快喎
回覆刪除我只能夠抄低咋, 因為好快又過第2喼喇
[版主回覆11/26/2009 13:30:00]係...呢個西北航空做嘢得一個人，所以個喼放咗係個磅到都幾耐下...
得西片, 仲無字幕, 咁都好喎, 可以練多d聽英文嘛!!
回覆刪除不過, 坐長途機就攞命d, 成10幾個鐘都學英文, 又悶, 又辛苦呀
[版主回覆11/26/2009 13:30:00]係呀! 不過好過無嘢做呀..但係佢哋Ｄ Headphone成日都聽唔到架...
架車真係好型呀
回覆刪除我好少覺得白色車型0架!!
[版主回覆11/26/2009 13:32:00]係呀...開頭到唔覺架車型仔，揸揸下影下影下又發覺幾正喎..我係香港見過有其他色嘅，但係都係白色型仔Ｄ...
haha ~ 結果玩左幾耐, 至開到車呀???
回覆刪除[版主回覆11/26/2009 13:33:00]嘻嘻...好快妳就知啦...
襯埋黑蚊蚊玻璃, 會特別型
回覆刪除如果響香港, 要換番白玻璃, 咁可能似政府車 lu!!
[版主回覆11/26/2009 13:38:00]應該唔洗換玻璃，因為都係睇透光度，應該係無問題嘅
Oh~ is 2 pax~ ~but I also will make one more choice>> go to "Fukuoka", easy booking than go to "Kyoto", and the direct flight from Japan quite okey!(The price)Anyway, thank you for your info. Ben!!! Have you go there before?!
回覆刪除[版主回覆11/27/2009 05:06:00]hehe...not yet...a lot of place in Japan still not visit....
我今次有被搜行李呀 ,關員好搞笑一開喼見到有個大背包,就問shopping?? 跟住起勢咁摷,當然搵唔到嘢啦,不過佢問做乜帶咁多衫?? 條友都問咗好多問題!!
回覆刪除咦,架車係型喎!! 係咪好慳油架??
[版主回覆12/14/2009 04:59:00]係呀....佢問你係邊到來，如果係香港會摷得勁Ｄ...
嘻嘻...都幾慳油 !! 玩咗咁多日都係千幾蚊油錢...不過租車錢就貴Ｄ
去toyota-rent-a car取車時,係咪即係我0係佢個網上click 出發店舖同返回店舖都係..成田機場就得架啦???
回覆刪除[版主回覆09/08/2010 04:54:00]係呀...佢哋會係機場客運大樓到準備好車俾妳，但係還車就唔會係機場客運大樓到還，會係佢哋個停車場，到係附近，佢哋會俾個個場嘅資料俾妳，最緊要有個個停車場電話就得架啦...完全係無問題架..
即係我book取車同還車時係--> 成田市取香249-2,而唔係另一個選擇既terminal??!! 我book左Pirus 1.5呀!! 又要麻煩你既解答呀!!
回覆刪除[版主回覆09/09/2010 04:52:00]係呀...妳係要係 成田市取香249-2 到攞車...Prius 1.5 都幾慳油個喎...我個次Book咗架 1.8
Ben..又係我呀,我想問你仲記唔記得你架pirus有冇cd-player同usb架,因為我想帶D歌去聽呀!!
回覆刪除[版主回覆10/14/2010 19:12:00]CD Player 就有...USB 就唔見啦...
我個次就帶咗呢一款去用...
hahaaha..我都有呢個呀!!! 唔該晒你呀,Ben!!!
回覆刪除[版主回覆10/14/2010 21:09:00]妳都有呀..有無用過呢 ?
但係..我又想問...帶埋呢個USB去,又點tune個channel黎聽歌呢???
回覆刪除[版主回覆10/14/2010 21:11:00]呢個 MP3 Player 其實係一個發射器，你可以教到佢去指定頻道, e.g. FM99.90, 咁個車嘅收音機追到 FM99.90 就會播呢個發射器嘅歌架啦...真係好用...
我0係香港有用過,我係怕去到日本..唔知點搞架車既音響同追台,因為係日文丫麻!!
回覆刪除[版主回覆10/15/2010 05:25:00]嘻嘻...好容易追台架咋...試下就得架喇..