酒店 à SOGO忠孝街點 à Tokyu Hands 台北手創館@微風廣場 à 無印良品@微風廣場 à 酒店 à 台北車站 à 桃園機場 à 香港
今日就係最後一日，時間真係過得幾快下~~~係酒店食完個早餐之後，就係房入面Hae 到成差不多11點先走人，順便Check-out 埋，寄存咗Ｄ行李係酒店到，然後就去行街街。不過其實咁少時間都無咩地方可以行，我哋就去忠孝西路個邊行下。個邊有一間SOGO同埋有Tokyu-hands台北手創館行下，去到SOGO嘅時候無咩行到就去咗Tokyu-hands睇嘢喇，呢間Tokyu-hands其實都幾多嘢睇，大部份都係日本嘅貨品，睇睇下我哋重買咗個俾Netbook用嘅Case添…
都幾多嘢買.....
但係原來係個Size唔係好啱用架…真係吹脹，明明係寫住個個Size架嗎…不過都無辦法啦 ! 睇完之後，我哋就去返酒店攞行李去搭車去機場啦。諗住唔想行啦，搭巴士去台北車站…本來想係酒店附近搭長榮去機場架，不過呢個車站咩都無寫，又唔知幾時有車，又唔知幾耐去到機場，咁唯有就係搭返國光喇….講返架巴士，唔知點解呢個時間咁多人搭，先前我哋出去行街嘅時間都無咩人，點知來第一架嘅時候，嘩~~~滿晒上唔到車，到第二架車來嘅時候上到車喇…點知就行行下拋錨喎…頂呀 ! 於是就搭的士啦…其實都幾近，轉兩個灣就到啦…盛惠NT$75呀…其實我都唔知台北Ｄ的士收費，之後就要搵個國光車站，基本上資料就無咩，淨係知係台北車站隔離，都問過下人，講咗個方向，行來行去最後都搵到 ! 之後就去到機場 Check-in喇，呀~~~又唔知咩情序，要自己睇住件行李過完X-光機先走得喎…咁啱部機又唔知咩事停咗喎，又要係到等下啦 ! 好啦~~~等完就去睇下個機場有咩嘢買啦…台北呢個機場其實都比較舊同埋好落後咁 ! 係過海關之前都有幾間嘢買下嘢，新東陽同埋維格餅店，新東陽就無買到嘢，反而係維格餅店試食過Ｄ嘢又幾好味，於是就買來食喇….由於未食Lunch所以就係唯一一間食肆到食個麵，個麵就真係麻麻，價錢重要唔係幾抵 !
無得選擇下嘅牛肉麵...味道一般
過完海關，原來入面都有一間食肆…睇個樣好似幾何味咁 ! 好在係飛機都有個簡單嘅飯食下咋，如果唔係都會幾肚餓……
呢個台北之旅其實都幾簡單，台灣其實有好多嘢玩，係我哋去完之後返來Ｄ旅行社同航空公司出咗好多Promotion….唔知我哋會唔會係3個月之內再去多次呢..因為個台証可以再去多一次架 !
F
回覆刪除