香港 à 台北
第一大飯店 à 城品書店 à 101 大樓 à 紐約紐約 à 市林夜市
今日搭國泰嘅CX460 係原定係 08:50 分起飛嘅，點知唔知做咩攪到成差不多09:30 先起飛，因為係早機，所以係飛機到都係俾Ｄ簡單嘅嘢食，今次係一個包，不過又幾好食喎....
呢個包其實都幾好味......最衰入閘前食咗嘢喇
去到台北就大約11:00到。之後就搭咗國光巴士去台北市中心，都幾快下，搭咗大約40分鐘就到咗國賓飯店，然後落車行去我哋住個間酒店，原來落車個位行去我哋住個間酒店都幾遠下，行到成身汗。去到酒店大約12:00到，諗住佢哋會俾間房我哋添，點知個Font Desk個員工好似殺咗佢全家咁…口黑面黑，重話15:00先至可以入住得 ! 一來到就感覺唔係咁好，重俾我見到個房號係112喎…嘩 ! 住係一樓…不過算，住兩晚咁大把~~~~無得入房我哋唯有去行街，寄存咗件行李之後就去城品書店。我哋住間酒店係中山站同復興北路站嘅中間，於是我哋就行去中山站，但係行去都要成15分鐘，幾遠下~~~~之後就搭捷運去市政府站落車去城品書店，中途經過新光三越…又係新光三越…台北真係唔知有幾多間新光三越 ! 見都成13:00 就係個 Food Court 到食埋個 Lunch 先去城品…去到城品睇下呢樣睇下個樣就行咗成個鐘。
呢本暮光之城(即係個套吸血新世紀)係台灣都好hit架....
之後就去咗101大樓睇下，點知要俾錢先可以去到觀景個一層，於是我哋無去到。
101大樓入口.....
望上去都幾高 !
之後就行去紐約紐約到睇下嘢，係入面間無印買咗Ｄ嘢，之後就搭101大樓架免費穿梭巴士去返捷運站，不過架巴士多人到好似玩歡樂滿東華咁…由於都差不多成六點，我哋就決定去埋士林夜市先返酒店。
去到士林夜市，開頭都未係咁多人，到我哋走嘅時間已經係人山人海啦…係士林夜市到食咗個炸雞皮、炸大雞排、荵油餅、阿亮米線加甜不辣、冰糖士多啤梨重有飲咗杯青蛙呵…
炸雞皮...食落都幾好味，完成唔覺得係食緊雞皮 !
塊炸雞排真係好大塊架 !
荵油餅，味道真係幾一般........
麵線加甜不辣 ! 個麵線都幾好味 !
行行下見都有檔嘢好多人排隊，於是又排埋一份，後來知道係荵油餅就無買到喇 ! 之後就搭鍛返酒店
係車站到有條地下書街，行咗一陣就真係返酒店，係返酒店前去咗酒店附近間7-11 攞返訂咗嘅牛爾面膜同凍膜。
係網上面都幾多人講嘅牛爾用品.....面膜 & 凍膜 ! 用係網上面訂先有，係無門市買架...
因為先前Font Desk 個員工態度唔好重見到房號係112，所以對間房都無抱住咩期望，點知夜晚嘅員工態度好好多，攞完房匙搭Lift去一樓點知係無嘅，同Lift個外國人就同我哋講112號房應該係19樓! 咦，10樓，最高個一層，入到間房又唔錯喎，重幾大間下添啊~~~~今日都行得幾多路下，好攰….
間房睇落都幾好架 !
重有 LCD 電視添呀 !
廁所有兩個沖涼嘅設施...
*間酒店唔好嘅地方係地點唔就腳，廁所無沖涼鹼液…重有就係沖涼設施去水好慢，好容易就會水浸
*我哋本來想買地鐵個$1099個Package去玩，但係我睇下Ｄ Condition...嘩~~~頭100位先有，之後就要加$200~300再加手續費每位$75，再加埋Ｄ稅都要成$1600~1700到，呢個價錢係旅行社都買到.....重有就係呢個Package係要坐長榮機，雖然網上面Ｄ人話無咩嘢，但係印象都唔係咁好...所以就去咗旅行社搵，最後係國泰假期都買咗個Package，$1899再加埋$311嘅稅....個Package原來重包埋旅遊保險同埋悠遊咭(即係類似香港嘅八達通，可以搭捷運同埋巴士，都幾好用，最重要係唔洗錢呀嗎....) ，又可以慳返幾百，咁就出發喇...
嘩,台灣夜市 睇到口水流!!
回覆刪除[版主回覆02/17/2009 11:05:00]係呀....真係唔會有肚餓嘅感覺
e...你去台灣慶祝 "情人節" 牙??!!
回覆刪除[版主回覆02/17/2009 13:31:00]呵呵...係呀....整返個短線旅遊呀嗎...
講起房號, 令我想起有一次我收到鎖匙, 一望而 "618"(我係6月18日生日的 ),我即刻問佢係唔係特別為而設呢??佢諗都唔諗就答"NO",超無穩 !!
回覆刪除[版主回覆02/17/2009 20:17:00]哈哈~~~佢可能唔知妳係個日生日都唔定....
嘩...,間酒店叫好好咖o刺!我上年去所謂既四星呀...,差到好似賓館咁,我諗長洲靚過佢多多聲果隻呀!
回覆刪除[版主回覆02/18/2009 22:13:00]哈哈~~~呢間酒店個Config我都覺得幾好，因為都見有好多日本、韓國同其他國家嘅人係到住....最大問題就係交通唔好囉....如果佢近少少捷運站，行5分鐘到就正喇
原來你喺呢日飛去過節，夠晒浪漫！士林夜市的胡椒餅同苦瓜汁，好正ga！本來我都打算去台北......
回覆刪除[版主回覆02/18/2009 22:14:00]嘻嘻~~係啊.....去幾多日呀.....無飲到苦瓜汁....因為飲咗太多嘢喇....
Wow~U're just back from TW~so nice ..." 架巴士多人到好似玩歡樂滿東華咁.... "make me laughing on the spot~wakaka The Taiwan airport also very outdate lor~ BTW do you feel that Taiwanese's service not so nice leh?? ~So disappointed!
回覆刪除[版主回覆02/19/2009 04:52:00]係呀...個機場真係好舊，可能因為香港個個大好喇...台灣個機場連食嘢嘅商舖都係得個一、兩間 ! 有Ｄ喇，真係好無禮貌，不過好多都可以嘅
我上年去果間就係捷運站隔離呀,超方便.係呢!我下個月會再去,有咩地方好介紹去呀?仲有想問你紐約紐約係咩o黎咖?
回覆刪除[版主回覆02/19/2009 04:49:00]地方其實就無咩...一係去平溪放天燈啦...紐約紐約係一個Shopping Centre 來架，係101大樓對面
thx!
回覆刪除[版主回覆02/28/2009 21:48:00]唔洗客氣...有問題在問我喇...我知道嘅就答你喇..
打算5日之內(視乎去唔去台南)，不過睇吓可唔可以放假先。
回覆刪除[版主回覆02/28/2009 21:49:00]5日之內重去埋台南...嘩~~~咁會好趕喎...去旅行要舒服架嗎
好想去士林呀~~
回覆刪除[版主回覆02/28/2009 21:50:00]師大夜市都好正喎...不過士林真係好大
淨係件炸雞排 ~ 食完都飽到訓低啦
回覆刪除[版主回覆03/03/2009 19:33:00]哈哈~~~呢見炸雞排真係好好味...香港食唔到...其實唔知點解有咁大塊，但係佢又唔係好厚，所以食晒都唔係好飽，重有好多戰鬥力
有無買 "贏" 呀??
回覆刪除[版主回覆03/03/2009 19:34:00]無呀!!!見唔到Ｄ想問嘅....不過其實想買Ｄ旅遊書，又唔知香港咩價錢喎...不過返來香港睇，原來台灣買係香港六至七折到...
我幾年前去過1次台北, 買左好多遊記呀!
回覆刪除但到依家都未睇呀!
[版主回覆03/03/2009 20:48:00]哈哈~~~係...不過家下我發覺去旅行鍾意去邊就去邊會好玩Ｄ...問題只係住宿上面...
你係男人, 梗係大把戰鬥力啦
回覆刪除要我食左塊炸雞排, 果餐真係乜都唔駛食la
[版主回覆03/03/2009 20:49:00]所以妳要同妳Honey一齊食囉...妳食少少之後佢包尾
我食過豪大大雞排，真係好大塊．．．．但我覺得無咩味道！
回覆刪除[版主回覆03/04/2009 05:12:00]其實呢塊雞排味道都淡淡地...不過佢有辣味，所以就好食Ｄ
原來你同我一樣, 都係好中意去旅行 wor~ 我大約 5年前 (or 再耐 d) 都住過 "第一", 果陣好舊式 ga, 而家靚好多 wor! 你唔應該搭國光, 搭飛狗會近好多!
回覆刪除[版主回覆07/01/2009 18:48:00]嘻嘻..係呀....真係想唔洗點做，又可以環遊世界.....其實我想去Ｄ無咩人去過嘅地方，睇下唔同嘅嘢
嘩~~~咁耐無去啦，家下台灣都幾多嘢玩。台南重要幾正下添呀~~~
飛狗我睇個地圖同國光差不多，所以是但搭一間囉....原來飛狗近Ｄ.....
我唔係好耐無去台北, 只係近年無住 "第一" 姐! 今年 4月中同 6月中都去咗~
回覆刪除最正係豪大大雞扒, 阿宗麵線都好正呀 @@
回覆刪除[版主回覆03/28/2010 15:55:00]係呀....Ｄ雞扒真係好大塊，都幾抵食，香港食唔到 !!
阿宗麵線就一般啦..