呢一間叫
赤丸製麵所位於九龍灣德福商場入面，每當繁忙時間都要排隊。而佢主力係買烏冬，亦都係日本一個出名做烏冬嘅地方嘅出品，呢個地方就係讚岐...不過我未去過日本呢個地方，有機會去下先....好 ! 其實今次係第二次食呢一間食肆，今次叫咗個冷烏冬，上次都有食都幾好味，熱食烏冬就未試過 ! 重有就係一個燒汁豚肉飯、香蔥蛋辣牛肉飯同埋一個炸魚餅。個兩個飯Ｄ飯就比較淋咗Ｄ，個魚餅就幾好味，整體都幾好食，兩個人埋單都唔洗一百蚊 ! 呢間赤丸製麵所係青衣同觀塘到有分店架 !
冷烏冬
炸魚餅
香蔥蛋辣牛肉飯跟個麵豉湯
燒汁豚肉飯跟個麵豉湯
apm果間都好多人食~日本d鳥冬的確係幾好味o既~
回覆刪除[版主回覆04/16/2008 14:59:00]係九龍灣呢一近都好多人食架....
炸魚餅個樣好似唔錯咁喎．．．． 掂唔掂呢？
回覆刪除[版主回覆04/17/2008 04:59:00]呢個魚餅都幾好味.....不過如果平Ｄ就好啦...要成二十幾蚊一塊呀 ! Sogo 成日有Ｄ Counter 擺都成十幾蚊一塊，但係又真係幾好味個喎 !
而家天氣咁熱,食個冷烏冬就至正啦!!!
回覆刪除[版主回覆04/17/2008 05:01:00]係呀~~~我都幾鍾意食呢一類嘅食物架...
九龍灣同apm對我嚟講太遠呀!!唔知香港島有冇呢?
回覆刪除[版主回覆04/17/2008 05:02:00]香港....呢一間野淨係係九龍有咋 ! 青衣重有一間 !