2013 大鵬所城東部華僑城三日兩夜之旅 Day 3 (10)

19/5/2013 Day 3

 

MoMo House > 東山古寺 > Lunch@南澳建華海鮮酒家 > 南澳咸魚街 > 觀音山 > 龍巖古寺 > Dinner＠深圳香格里拉酒店香樂園

由民宿去呢個南澳其實都係十幾分鐘車程就到，去到南澳，我哋就搵返我上次食過嘅一間叫建華海鮮酒家到食Lunch，因為佢哋個海膽炒飯好好食～～

開頭唔記得係邊一間，要上網搵返張相先知道係呢一間。入到去，居然係無晒位喎～～我哋要上二樓入面嘅一間房到座，18個人真係有D迫～～不過無計 ! 之後睇下有咩海鮮叫，但係好多都無晒，因為我哋其實去到都成點半到喇～～不過我哋最主要係食海膽炒飯啫 !! 個海膽炒飯一上大家就係咁畢來食，重係保持到個水準呀，其他嘅菜式都OK啦，埋單18個人共RMB$980。

食完我哋就去附近嘅南澳咸魚街到睇下有無咩買，開頭以為大家無嘢買添，點知臨走時買咗D魷魚絲食～～

然後我哋就去觀音山嘅龍巖古寺參觀下，車我哋個司機見到有少少車就話塞車上唔入去，其實基本上係無塞車嘅～～

2013 大鵬所城東部華僑城三日兩夜之旅 Day 3 (9)

19/5/2013 Day 3

 

MoMo House > 東山古寺 > Lunch@南澳建華海鮮酒家 > 南澳咸魚街 > 觀音山 > 龍巖古寺 > Dinner＠深圳香格里拉酒店香樂園

 

今日其實行程都幾 Hea 下，不過就要自己去食早餐，今次我哋去返我上次去過食早餐嘅地方到食，都幾近民宿個到～～不過呢一間食店，改咗名叫做海邊餐廳，又裝修個咁 ! 入面淨係得牛腩湯米、炒米同埋粥食～～食完我哋就出發去呢個東山寺，呢個東山寺其實係大鵬古城附近，一出東門直行就可以去到。我哋又係踩單車去，不過段斜路之後我哋都係躁到一半就要推車喇～～

呢間東山寺，我上次來嘅時候就重係到裝修緊，今次去到都重係裝修緊，不過都完成咗七七八八。係個大雄寶殿入面有三座彿，而另外嘅三面牆上面就有好多個羅漢係到，都幾靚～～

睇完呢個我哋就去咗行古城，因為有一個門口我哋就未行嘅～～今日古城入面真係可以講係人山人海～～今日天氣好再加上又係星期日～～我哋睇完呢個古城就返去呢個民宿個到，順便帶遲來嘅親友們去睇下呢個沙灘。今日個沙灘都好多人係到玩，重有人玩水上單車添呀～～

之後就返去民宿 Check Out，不過我哋都攪到成1300先出發，因為大家都要搽身同沖涼，因為頭先出咗好多汗～～