酒店 à 台北火車站地下街 à 江記華隆豬肉紙 à 酒店 à 台北書局街 à 西門町 à 師大夜市 à 酒店
今日本來諗住去平溪或者菁桐放天燈，點知起身見到個天色好灰同埋天氣報告話會落雨，所以最後都無去到放天燈。於是就去台北地下街到買家下係香港幾多人買嘅我的美麗日記面膜，根據網上嘅資料係台灣嘅康是美買係最平，呢一間康是美係台灣基本上好多地方都會見到…
台北地下街嘅康是美
台北地下街都真係幾大，如果香港都有你話幾好呢....
一去到就見到我的美麗日記面膜做緊特價，當然係買返Ｄ啦 ! 當時係做緊3盒NT$549，即係大約HK$45/盒到，都平成差不多HK$15一盒 ! 係呢到掃完貨之後就諗住返酒店，不過到係去買埋豬肉紙喇，其實係幫人買嘅，呢間嘢亞蘇都有介紹過。呢間舖頭真係係Ｄ好偏僻嘅地方到，都唔知點解會有人搵到 ?! 我哋呢Ｄ步行族當然係要行路去啦 (不過下次咪攪，都係搭車好Ｄ)，首先我哋就係搭捷運去到民權西路站，然後就落車行去，睇好似好近，原來都行咗成15~20分鐘路程 ! 行到去睇下附近環境真係唔多似有得買呢Ｄ嘢，最後都俾我哋搵到~~~Ｄ伙計都幾好，不停咁俾Ｄ嘢我哋試，最後就買咗Ｄ杏仁豬肉紙同埋一Ｄ豬肉乾就走入，走嘅時間個伙計重問我哋洗唔洗Call Taxi
係民權西路站落車....行去....
真係講你都唔信係呢呢條街有間買嘢食嘅嘢，重要係幾出名添
呵呵~~~滿載而歸...不過好多都唔係我哋...幫人買 !
不過我哋都係諗住行，最後我哋選擇係搭公車返酒店，不過台灣Ｄ公車真係唔知佢係行去邊一個方向，但係如果你識搭係好過搭捷運，因為好多地方捷運都離開好遠下，但係公車車站就好近喇 ! 之後就返到酒店放低Ｄ嘢，休息咗一陣就出發去搵胡椒餅食，呢一檔胡椒餅係街邊檔，位於NET 與ATT購物廣場之間，點知去到唔見檔嘢，唉~~~重行咗好耐下先到架嗎 ! 咁我哋唯有去條書局街到睇下書啦，去到又見到有Ｄ豬肉餅買喎，於是就買件來食，但係呢~~~味道就真係一般，香港嘅豬肉包好食好多
呢一間嘅包好一般
隔多兩個舖位有一間買胡椒餅嘅排晒大隊咁，唔理咁多照跟喇~~~排隊其間係隔離間舖頭到買返杯嘢飲下先 !
點解排晒隊嘅...排埋一份唔好蝕底 !
原來係胡椒餅
其實我覺得香港嘅生煎牛肉包、豬肉包重好味...
個胡椒餅味道都唔錯，但係就無咩胡椒味 !
書局街成日都咁多人 ! 之後就係Ｄ書局到睇下書....
之後我哋就去咗西門町到行下，嘩~~~好多人呀.....
好多街頭買藝嘅人係西門町，呢個就係剪紙...真係剪得出神入化...
呢間食店Ｄ嘢都幾好味 !
食咗個魷魚"匙"同柯仔煎
個柯仔煎都幾好味~~~yummy
食完嘢就向第二個夜市出發，走嘅時間係捷運站附近見到一個男人係到扮女人，重要播緊梅艷芳嘅紅唇烈焰....真係...勁 !
睇到差不多我哋就去師大夜市到行下呢個師大夜市其實都幾多嘢食，有幾檔嘢係自己揀Ｄ嘢食，然後就俾佢哋淖來食…我諗應該幾好味，可惜我哋已經食飽咗…之後重越來越多人添呀，好似行緊呢個年宵市場咁呀~~~睇完呢個就返酒店休息喇….
真係人山人海....好多人
係同一條街有兩檔買差不多嘅嘢，就係滷味 + 麵...好多人排隊買..係自己挾，想食幾多就挾幾多 ! 想食咩就挾咩...可惜，我哋食飽咗....
好似行緊年宵市場咁多人...
