Trakai 特拉凱 > Vilnius 維爾紐斯 35.4km(35m)
Vilnius市內遊
Old Town
White Apartments > Amber Museum-Gallery琥珀博物館 > Cathedral Square 天主教廣場 > 維爾紐斯主教座堂 > Gedimino pilies bokštas蓋迪米納斯瞭望塔 (遠望) >三十字架雕塑Three Crosses (遠望) > St. Anne's Church > St. Francis of Assisi (Bernardine) Roman
Catholic Church > Republic of Užupis 烏茲皮斯共和國 (對岸共和國 Užupis） > 聖母主教座堂 Vilniaus Dievo Motinos Ėmimo į Dangų katedra > Literatų gatvė文學之路 > Russian Orthodox Church of St. Nichola 聖尼可拉斯東正教堂 > 聖加西彌祿教堂 Šv. Kazimiero bažnyčia > 聖三一教堂 Holy Trinity Church > Orthodox
Church of the Holy Spirit聖靈修道院 > The Church of St
Theresa 天主教的聖德蕾莎教堂 > Aušros Vartų黎明門 > Lunch@McDonald > IKI Supermarket > Maxima X Supermarket > Old Town White Apartments >
Dinner@ Forto Dvaras > Saint Catherine's Church > Old Town
White Apartments
今日本來係想諗住早啲出發去Vilnius 維爾紐斯，不過間酒店要9點先有早餐食，之前佢第一個講係話要10點添呀。
我哋就6:30就起咗身，原來呢一間房係可以睇到日出個喎，重要係望住個城堡，都幾靚~~~
之後我哋就未夠9點就去酒店嘅餐廳到，早餐已經準備好，都係得我哋一枱客。呢個早餐都幾豐富，味道重要幾好食添。
尋晚應該幾凍下，架車成架都鋪咗一層冰。食完早餐，我哋成9:45先出發，由Trakai 去 Vilnius 大概40分鐘內會到，我哋就1030到先到咗間Apartment。之前都有同呢一間Apartment嘅屋主溝通開話想一早泊架車係佢入面，然後我哋就去市中心到遊覽。呢一個屋主又幾好喎，可以比我哋早泊車不特止，重可以一早就比間Apartment我哋喎。呢架Apartment都幾大間下，重有設備都幾齊下添喎，不過係入屋之前搞咗好耐，因為度門要好大力咁扯先開到。我哋放好咗啲行李後，就去呢個市中心出發。
間Apartment離開啲景點大概10分鐘腳程，我哋第一個景點就係去睇呢個Cathedral Square 天主教廣場途經一間Amber Museum-Gallery琥珀博物館。本來想入去參觀下，但係度門就閂咗，入面又唔見有人，可能未開都唔定，所以我哋就繼續行喇。
去到呢Cathedral Square 天主教廣場，可以順便遠眺呢個Gedimino pilies bokštas蓋迪米納斯瞭望塔同三十字架雕塑Three Crosses。我見到都又人行上去睇，不過我哋就無咁多腳骨力啦。
我哋入咗去個天主教教堂入面睇下，無咩特別。
之後我哋就順路行去呢個對岸共和國 Užupis個邊，會途經St. Anne's Church 同 St. Francis of Assisi (Bernardine) Roman Catholic Church呢兩個教堂嘅，我哋都係係出面到影完就算，因為其實呢歐洲實在太多教堂啦。
好喇，影完呢兩個教堂我哋就要去另一個國家啦，就係一個叫對岸共和國 Užupis - 對岸共和國（立陶宛語：Užupio respublika），也譯作奧蘇比斯共和國，是一個微國家，它位於申報聯合國教科文組織世界遺產的立陶宛首都維爾紐斯老城區。立陶宛語「Užupis」的意思是「河的對岸」，指的是被維爾尼亞河圍繞的地區。1997年4月1日愚人節，該區宣布成為一個獨立的共和國[1]，並擁有自己的國旗、貨幣、總統、憲法，並成立一支12人的「軍隊」，不過後來因為立陶宛加入北約，「軍隊」宣布解散。
對岸共和國暫時未被任何一國政府承認，與其說它是一個獨立國家，將它形容為一個藝術家組織更為貼切，「共和國」是藝術家與文化人的集中地（現任總統Romas Lileikis是一個詩人、音樂家和電影導演），當地設有藝術畫廊，藝術家工作坊，和不少咖啡館，放蕩不羈的氛圍可毗美巴黎的蒙馬特，維爾紐斯市長Artūras Zuokas，亦經常出席對岸共和國舉辦的活動。
呢個微國家其實都幾細下，我哋都係睇咗一小部份，不過我哋就唔覺得有啲咩特別囉。我哋一路行一路睇下有無啱嘅嘢食，跟住就睇聖母主教座堂 Vilniaus Dievo Motinos Ėmimo į Dangų katedra 同 Literatų gatvė文學之路，呢條文學之路呢，就貼晒啲嘢係啲牆到。之後就沿路行去Aušros Vartų黎明門方向，其實今日都幾凍下，係無太陽嘅地方到真係幾凍。一路都搵唔到啱心水嘅嘢食，最後我哋就去搵麥當當食喇，順便搵超市買嘢，不過啲超市全部都係好細間，即係好似香港嘅便利店咁，買下小食同飲品咁。
最後，我哋都係去食麥當當，食完又去搵超市。搵到一間都幾大嘅，入面都幾多嘢買，買咗啲水之後我哋就返去Apartment到休息下，我哋Hea咗個幾鐘就出去食晚餐，係網上面搵咗一間叫都幾多人去食嘅Forto Dvaras，食地道嘅立陶宛菜。我哋叫咗一個併盤、一個麵包載住嘅磨菇湯同埋一杯Local Beer。講真個併盤真係4個人都夠食，我哋基本上係食唔晒嘅，個湯就真係一般。食飽飽我哋就返去Apartment休息同埋洗下衫，呢一間Apartment個洗衣機有埋乾衣功能，梗係唔好嘥啦~~~聽日我哋就會去拉脫維亞喇…
住:
Name: Old
Town White Apartments (One-Bedroom Apartment)
Address:
Trakų g. 6-13 Vilnius Old Town LT-01132
Vilnius Lithuania Phone: +370 686
21217 (Rasa)
GPS:
54.6801, 25.2791 (N 054° 40.806, E 25° 16.749)
Price: €45 Parking: Free
房可以睇到日出
架車結咗冰
早餐都幾豐富，重要幾好食添喎
維爾紐斯嘅Apartment
有呢一間都幾大，大尋日個間三倍有多
有埋洗衣乾衣機
Cathedral Square 天主教廣場
三十字架雕塑Three
Crosses
St. Anne's Church
St. Francis of Assisi (Bernardine) Roman
Catholic Church
Republic of Užupis 烏茲皮斯共和國
(對岸共和國 Užupis)
聖母主教座堂
Vilniaus Dievo Motinos Ėmimo į
Dangų
katedra
Literatų gatvė文學之路
Russian Orthodox Church of St. Nichola
聖尼可拉斯東正教堂
Aušros Vartų黎明門
Lunch@McDonald
呢一種魚成日係佢哋嘅超市見到
啲電話咭二十幾蚊就有
呢一間超市好大間
呢隻有啲似尋龍魚
間超市有好多嘢食買
甜品都唔少
Forto
Dvaras
Local Beer
麵包磨菇湯
併盤
最後我哋係食淨咁多
立陶宛夜色
