~~~活在當夏~~~: 2010 土耳其自駕之旅 (3) Day 1

2010/10/23

2010 土耳其自駕之旅 (3) Day 1

2010 土耳其自駕之旅 Day 1 21/10/2010

出發前幾日

無神神有個超級颱風出現咗，重要係直吹香港，最接近香港個日就係我出發個日~~真係未出發就先興奮啦，隨時無得去，因為一Delay就會接唔到Ｄ接駁機就會好麻煩，重有就係Ｄ酒店同埋車都Book好咗，就算係No Show都要Charge，所以係臨出發前就Send咗Email去Ｄ頭一兩日住個Ｄ酒店同埋租車公司話我行程有機會會Delay。另外，就係打電話去航空公司問下如果呢個情況下會點安排，得到嘅答覆係，到時會打電話通知Ｄ乘客喎，吓 !! 咁咪得個等字囉 !! 於是我又在問下航空公司到睇下可唔可以轉早幾班機出發，避開個颱風，只要離開咗香港就可以去到土耳其喇~~~好在問到有位可以早兩班機走，不過就要俾返Ｄ行政費同埋手續費囉~~~總算係搞掂啦，可以出發去土耳其啦

後來知道個風最後都無打到來香港，轉咗灣去咗第二到，Ｄ朋友重話個日風平浪靜添呀~~~不過打唔成都好嘅，唔會有咩破壞呀嗎~~~

Day 1 21/10/2010

今日就要出發去土耳其自駕啦，因為改咗早兩班飛機出發，所以就要十點幾去到機場啦。去到機場寄好行李，諗住入禁區到食返個BurgerKing，點知原來無咗，個位遲下會開麥當當~~~咁唯有食其他啦，最後就係食咗大家x同埋翠x，食完嘢原來都唔係淨返好多時間~~~
出發個時個天陰陰哋，但係就無咩風

個機場無咩特別，都係咁多人...

無得食 Burger King 就食下粥加燸米雞先

係呢個時候，我發覺我帶漏咗嘢，就係支長鏡~~~不過算啦，有其他機影下都無所謂啦。我哋呢一程機要飛去新加坡轉機，然後再飛去杜拜停一停先到土耳其伊斯坦堡。係飛機到無咩做就係睇戲啦，有潛行空間睇喎，當然睇下啦，飛咗大約個幾鐘之後又有嘢食啦，嘻嘻....因為我哋 Join 咗佢哋做Ｄ普通 Memebr (係唔洗錢架)，有得揀食咩種類嘅飛機餐，我哋呢幾程機全部都揀晒食海鮮餐，個餐真係幾正個喎..

有帶子又有蝦，係咪睇到留緊口水呢 ??

重有Haagen-Dazz 雪糕食呀...

我哋去到新加坡都係下午大約三點幾，但係我哋下一班機要到成夜晚十一點半先起飛，於是我哋就係新加坡行來行去，其實我哋可以出去新加坡行返一個圈返來都得，不過我哋又費時出出入入咁。呢個新加坡其實都幾多設備俾Ｄ轉機嘅乘客使用，重有Ｄ凳係用來瞓架，最重要有一樣野就係有得免費Wifi 上網，所以呢差不多成十個鐘嘅時間其實好快就過咗~~~其間我哋基本上去晒呢個"章魚"機場所有嘅Terminal，最好座嘅就係 Terminal 3~~~

"章魚"機場俾人嘅感覺都幾整潔