香蕉蛋糕

聖誕就到，又有聖誕扒地，即係又要竟嘢食，今年都唔知整咩好。咁啱見都有個扑友教個女整個香蕉蛋糕，連小朋友都整到就啱晒我啦...



材料(4人份量):

砂糖：　６５ｇ

蛋一隻

麵粉：７５ｇ

有鹽牛油：　７０ｇ (要

自發粉：　半茶匙

香蕉：　１５０ｇ（約一隻大Ｓｉｚｅ嘅。）　



好啦，開工...

首先將隻蛋同埋Ｄ糖用電動打蛋機打到變咗白色

然後就將Ｄ麵粉同埋自發粉放埋入去一齊攪

攪呀...攪呀...攪到混合晒，然後再落Ｄ溶至水狀嘅牛油放埋落去攪...

然後就將Ｄ壓到變咗醬狀嘅香蕉放埋入去又攪....

攪完就將Ｄ攪好咗嘅嘢倒入去Ｄ紙兜到

然後放入一個預熱到 170度嘅焗爐入面焗20分鐘(焗嘅時間要睇下用Ｄ咩嘢裝，我用Ｄ細細個嘅紙兜就快Ｄ，如果用一個大嘅兜就要起碼35分鐘啦)

嘻嘻...完成 !! 成間屋到好香嘅呢...