2008 美食博覽會

美食博覽會年年都有去，我都唔記得去咗幾多年啦。只係記得我最初去嘅時候係無咩人去，重要係有好多嘢試食，真係食到你飽 ! 重要真係有好多新產品可以試食，係街到係重未有得買添架 ! 不過係3、4年前呢一種模式改變咗，美食博覽會已經係變咗平價貨售買地方，一家大細暑假嘅好去處。試食開始要俾錢，人就越來越多，重要係由3年前開始有人帶Ｄ車仔去攞住Ｄ戰利品~~~真係一個唔小心就會俾Ｄ車仔整親雙腳 ! 舊年開始重發覺有Ｄ團體帶Ｄ老人家同埋傷殘人士去參觀，我絕對贊成呢種做法，但係大會應該編一個時間淨係俾呢Ｄ老人家同埋傷殘人士去參觀，因為佢哋跟本就埋唔到去Ｄ攤位到睇嘢~~~~

講返今次個博覽會，買嘅嘢同出面同類貨路差不多，所以個一類嘅唔會係入面買，主要係買咗Ｄ韓國麵同埋超力一隻新出嘅即食米線。Ｄ韓國麵平出面一Pack平幾蚊.....之後想搵下一Ｄ雜誌介紹嘅新產品，不過係完全搵唔到嘅~~~行到最後個一行買急凍食品嘅~~~嘩~~~真係好似去咗街市咁~~成條行到係手拉車仔，Ｄ人多到係行唔到~~~唯有走人~~~

中午12點幾去到都已經人頭湧湧~~~

排隊試食係成個場館入面成日都見到

超力呢個Counter做得幾靚~~

大班每年都會整一個主題，今年緊係奧運啦!!

出前一丁

公仔人行到好辛苦，休息下先 !!!

五豐年年都有鮮內試食，所以條人龍都幾長下

新加坡美食 Counter

鴻星有$100三隻鮑魚仔食，買咗來試下~~~味道就一般，不過最過癮有一個人買咗之後叫個職員幫佢剪一剪，剪完攞出來，點知好多人以為係有得免費試食，係咁伸手去攞來食~~~個買個個人大叫~~~跟住個亞姐先話唔係試食要俾錢 !!

呢個士多啤梨雪糕都幾好味~~~五蚊有三粒 !

呢條就係最後條行~~~你睇下人頭湧湧咁好恐怖架 ! 見唔見到有一架好大嘅車仔係到推緊添呀 !

因為會展裝修緊，所以要繞道而行~~~走嘅時候途經金紫荊廣場，話時話我都係第一次去呢個地方 !