2005年北海道之旅第四天

01.11.2005 (星期二)  天睛---> 陰天

第四天:

洞爺湖溫泉酒店 --> 小樽 --> 札幌

又係要早起身，呢間酒店個早餐又係幾正架喎(朝放題)。食完呢個豐富嘅早餐之後就出發去小樽參觀，車程都要成二個幾鐘，又可以訓下覺喇。



去到小樽之後就睇下呢條手信(精品)街，都有好多唔同嘅日本美食同重有d玻璃製品(北一硝子)，不過好多都係之前係北海道其他地方見到有得買。不過，日本d食品商店真係好鬼死好架，無限量甘俾人試食，份量都唔少架。日本d葡萄酒(紅酒同白酒)嘅味道都唔錯重幾好味添呀，所以都買o左一支。行行下見都有一對團友係一個海鮮市場到買新鮮燒帶子 (JPY$300)食，見到帶子個樣都幾正咁，我哋又叫o左一隻來食。嘩 ! 原來新鮮燒帶子落d牛油落去係好好味架。





行完之後就去食午餐，午餐嘅地方叫做小樽運河食堂，又係一個幾正嘅午餐，食完午餐就係去小樽運河到拍照留念，之後就驅車返札幌。







返札幌嘅狸小路行街，導遊重帶我哋去一間有折扣嘅手信舖頭買嘢，因為我哋會 Stay behind 嘅關係，所以我哋無買到，等臨走前先去買，成條狸小路行晒，發覺普遍嘅嘢都同香港差不多，不過有部份嘅就平香港好多，一樣就係個 d FANXL 嘅 Product ，平香港一半，基本上係北海道好多間嘅商店都有得買。另一隻就係 DXC ，因為無買開唔知平唔平~~~睇完嘢就係去食燒烤晚餐，今餐係有加送嘅，就係神戶嘅牛柳同埋牛扒喇。係由神戶空運到來架，價錢兩樣夾埋要成七百幾蚊港幣，不過香港無得食梗係要試下啦。試過兩樣比較，我哋覺得牛扒好食d，因為脂肪多少少~~~食飽就返酒店，今晚住宿嘅酒店係KEIO PLAZA HOTEL SAPPORO(京王プラザホテル札幌) ，又完成一個嘅旅程喇。