影相.....

唔知幾時開始見到野就影就想拍低o既習慣
不過呢個習慣都要有個條件...就係要有相機
身邊有部份朋友o既相機係Ｄ DSLR 級數...影o既相當然靚啦...
但係代價就係一袋二袋...我鍾意小型o既相機...唔洗有咁多野囉呀嗎...
不過電話o既相機係最方便，因為電話基本上每日都會帶出街呀嗎...

2007-04 日本和歌山之旅第五天

Day 5 – 9 April 2007

今日係行程嘅最後一日，因為聽個導遊講日航酒店嘅早餐係係頂樓同四樓到食，頂樓個View幾正個喎。所以就七點鍾就去排列罷位喇…好在排頭位，不過全部都係香港人，Ｄ日本人一開Lift 見咁多人就會搭Lift 走人。食完個美味嘅早餐之後，就係去今日嘅行程第一站，大阪城 <大阪城，地圖>。話時話，入面都幾大下，好彩重有Ｄ櫻花睇下，重可以影下Ｄ櫻花被風吹落嘅景象。睇完大阪城，就係去另外一個景點，參觀田崎真珠店，入面Ｄ野基本上就無咩睇，但係就好o岩Ｄ鍾意真珠頸鍊嘅人睇，不過我地都夾份送咗一條真珠頸鍊俾外母呢…睇完呢個真珠城，就係去最後一站嘅 Rinku Premium Outlets<地圖>，午餐就要自費嘅，咁我地就係入面一個Food Court到食咗Ｄ拉麵，然後就行下入面Ｄ商店，買咗少許野。所有行程便完結了，最後由京都乘旅遊車到關西空港 <地圖> 乘飛機回香港。

2007-04 日本和歌山之旅第四天

Day 4 – 8 April 2007

第四天的行程很簡單，無觀光景點，淨係去大阪 Universal Studio 同埋道頓堀。去大阪的路程頗遠，所以集合時間比之前的三天為早，所以天還未亮便起床了。

從酒店出發，一直沿高速公路離開和歌山，進入大阪府向 Universal Studio Japan <ユニバーサル・スタジオ・ジャパン，地圖> 進發，當天在 USJ 玩了大概五小時，最精彩最好玩的是蜘蛛俠，同埋睇咗個海盜表演，其餘都無玩到，因為太多人排隊喇，大約係下午三點半到離開。行咗去附近嘅一間迴轉壽司店，入面Ｄ壽司真係好好味，尤其係帶子壽司…食咗好多碟

之後就去到心齋橋 <心斎橋 Shinsaibashi，地圖> 購物，買咗Ｄ香港比較貴咗野，然後就係心齋橋嘅一間上樓的日本燒烤料理享用晚餐。之後就返去環球影城日航酒店<ホテル日航ベイサイド大阪 | JALテーマパークリゾート&スパ，地圖>，間酒店都幾正下…今日重要找埋Ｄ同導遊買野Ｄ數…攪到好夜先有得訓呢…

2007-04 日本和歌山之旅第三天

Day 3 – 7 April 2007

一早起身，就去食個早餐，然後就係係酒店四圍睇睇，由於酒店是位於小山丘之上，所以可以望到附近的景點，例如紀伊大島、橋杭岩等景點 <地圖>。橋杭岩是當天第一個參觀的景點。串本是南紀最南端的陸地，長年受到三面的海浪衝擊，岸邊的岩石形狀獨特，橋杭岩 < span>，地圖> 就是一個受風浪衝擊形成的景點。離開橋杭岩，下一個目的地就是串本海中公園 <地圖>，與橋杭岩相隔只有五分鐘車程，這是一個水族館，這個水族館特別之處是有一個可以觀賞南紀海洋世界的海中展望塔，但前往展示館的橋被風浪打斷了，所以只有在水族館內欣賞不同類型的海洋生物。欣賞完海洋世界已接近午膳時間，南紀白濱是沿海地方，海鮮產量豐富，而當天的午膳就是在海鮮市場享用。乘旅遊車沿海岸線往北走，到達とれとれ魚市場 魚市場，地圖>，這個魚市場的海鮮可謂價廉物美，刺身、壽司、海鮮燒烤等等也非常鮮美，個日就買咗新鮮嘅刺身、重有新鮮的海膽壽司。午膳後，繞過了南紀最南端的串本，開始沿著西面的海岸線進發，去到位於白濱的三段壁 andanbeki，地圖>，三段壁是一個天然形成的海上洞窟，曾經成為古代熊野水軍隱藏船隻的地方。參觀完三段壁洞窟，唔洗十分鐘車程就到逹下一個景點 - 千疊敷 <千畳敷 Senjoujiki，地圖>。千疊敷的指岩石的形狀就像是千張塌塌米疊在一起。一連參觀了備長炭紀念館以及紀州梅干館 <地圖>。備長炭是日本一項很實用的發明，有清潔吸味的作用，有煮飯用的、燒水用的、有放在冰箱內吸味、也有製成肥皂和洗面膏的。梅干基本上的日本人的必需品，一粒梅乾就可以吃下一碗飯，他們對梅乾的要求也很高，高品質的梅乾一點也不便宜，在梅乾館中，可以見到梅工場的製作工序，有一個小劇院播放 3D 動畫介紹梅乾，不過唔知佢講咩……，下面有間專買梅o嘅商品嘅商店。不過就無買到野，係咁係到試食…第三天的行程結束，來到了白濱以北、離南紀梅乾館不遠的一個山丘上的紀州南部皇都酒店 <紀州南部ロイヤルホテル，地圖>，由於到達時還有陽光，在酒店周圍參觀了一會，原本希望在還有日光的時候到露天溫泉享受一番，奈何當日已是星期六，酒店一早已擠滿了日本人 <看下圖三的停車場可想而知人數之多...>，對於日本人不是太接受與遊客同用溫泉的心態我也是了解的，所以唯有待晚上比較少人都時候再浸溫泉好了。當天晚膳是 sabu sabu 還有炸雪糕做甜品，外面熱裡面凍的炸雪糕吃起來很有趣。

2007-04 日本和歌山之旅第二天

Day 2 – 6 April 2007
因為要搭一段幾長嘅車程所以第二日就要一早便起身。整理好所有嘢之後，就去尋晚食晚餐嘅地方食早餐，酒店嘅早餐反而好過夜晚嘅自助餐喎 ! 食完之後係在酒店附近影下相，原來酒店附近有一間教堂個喎，如果係日落嘅時候應該會重靚。

好喇終於去旅行第一個景點就係去位於鳥羽市<地圖>嘅真珠島<地圖>到睇海女採珠嘅表演喇…跟住就係去位於伊勢市 <地圖> 的 伊勢神宮 <地圖>。伊勢神宮已有二千年歷史，係日本全國神社的中心，日本人認為一生至少要到這裡參拜一次。行入伊勢神宮參觀途中經過一條橋，有幾棵櫻花樹係旁邊，櫻花嘅顏色都幾靚，重有就係行入去神宮嘅路旁有好多好大棵嘅樹一路沿住路兩邊生長，慢慢行入去都幾舒服下…

睇完伊勢神宮就行去睇係伊勢神宮隔離嘅伊勢古典街，呢條街兩旁都有好多食店同埋傳統工藝品，我地重試手打烏東<好似係撈烏東>、豆腐雪糕，同埋燒生蠔<好好味呢…食嘅時候好有海水味>，裡面重有個伊勢橫丁嘅地方，不過無時間睇。之後就係附近嘅餐廳到食個午餐，個午餐真係非常之簡單重要有頭先食過嘅撈烏東添…因為先前搵唔到招財貓間舖頭，所以完就用餘下嘅時間重去多一次，終於搵到間舖頭重買招財貓擺設添…
離開伊勢神宮，跟住就搭旅遊車往南行，前往位於熊野市東面海岸的鬼城 <鬼ケ城，地圖>。這是一個長年被風浪侵蝕的懸崖，岩石被侵蝕成獨特的形狀，置身其中你會感受到巨浪拍打岸邊的震憾，加上當天下著微微細雨並刮著大風，地獄般令人毛骨悚然的感覺更見強烈。

睇完鬼城，就沿著南紀州東面的海岸線往南下，穿過新宮市，到達了那智浦勝町 ，參觀位於那智山上的世界遺產之一 - 那智瀑布 <那智大滝，地圖>，這是一個從133 米懸崖上落下的瀑布，瀑布旁是熊野那智大社的別宮 - 飛瀧神社，有很精美的護身符發售。條瀑布水流當日唔算太多，但係就不過不失咁啦..... 參觀完那智瀑布，第二日的行程亦就此結束了，繼續沿著海岸線南下來到了串本町 ushimoto，地圖>，當晚入住的是串本皇都酒店 <地圖>，當晚在酒店內品嚐到色香味俱全的懷石料理。晚飯後，當然又是享受露天溫泉的時候 …

2007-04 日本和歌山之旅第一天

Day 1 – 5 April 2007

今次係有史以來唔洗俾錢就可以係公眾假期去旅行，因為係由我外父外母請嘅~~~幸福~~~

今次揀跟旅行團連Stay Behind，但係Stay Behind 就攪唔成，如果唔係都幾好~~~~可惜、可惜<後來先知原來係旅行社方面無幫我地做，真係有Ｄ失望，都幫襯o左好次呢一間旅行社，估唔到越做越大，質素維持唔到>…今次揀東瀛遊參加一個大阪京都和歌山的五天旅行團 JOTA05 ，主要行程係 參觀伊勢神社、那智瀑布同大阪城，主要係由日本的東海出發去到關西，沿著南部的海城市觀光，先從東海的愛知縣出發，往三重縣、到達關西的和歌山，再到大阪、京都。

第一日基本上係用晒係搭飛機同搭車，飛機由早上十點起飛，大約日本時間下午三點幾到名古屋中部國際空港 <地圖>。然後便往當晚入住的酒店出發，由名古屋市 中部空港到志摩市 ，入住的合歡之鄉<地圖>， 需要大約三小時車程，第一日嘅行程就係咁喇。去到酒店都已經係夜晚喇，食埋個酒店Dinner Buffet<無咩嘢食嘅 !!>，之後就去酒店嘅溫泉到浸下。呢個溫泉都幾簡單下，得個一個室內大熱水同一個小型室外熱水池浸，感覺好似大陸嘅溫泉，所以浸一陣就走，重要就係無備長灰嘅用品嗎…

泰國自由行船河一日遊

泰國自由行船河一日遊

2005年北海道之旅有用連結

北海道觀光實用網址

愛上北海道的風景-實用地圖

日本旅遊活動

北海道周游之旅-北海道觀光信息满载!

北海道資料庫

日本旅遊綜合資料

二世谷觀光網頁

二世谷觀光網頁

二世谷市網頁

ニセコ駅すぐ前、綺羅街道の途中に誕生した「綺羅乃湯」

北海道魅力

http://kanko.pref.hokkaido.jp/kankodb/foreign/c1/o2_yam18.htm

俱知安

http://www.npg.ne.jp/hirafu0.html

札幌

http://www.sapporo-factory.co.jp/travel/chai_han/index.html

http://www.sapporo-net.com/guide/index.htm

http://www.welcome.city.sapporo.jp/tourism/t/index.html

函館

http://www.city.hakodate.hokkaido.jp/syoukan/kankou/chinese/

http://www.hakodate.or.jp/sight/default.htm

http://www.hakodate.or.jp/

http://www.hakodate-kankou.com/f/index_ch.html

Hakodate Town Management Organization

層雲峽

http://www.rurubu.com/entame/03autumn/channel/index.asp?TYPE=31301&SozaiNo=010314

北海道住宿

http://www.yado489.jp/index.htm

        札幌

        http://www.hotelmonterey.co.jp/sapporo/index.html

        美瑛

        http://www33.ocn.ne.jp/~potatovillage/hpeng/engtop.html

自駕汽車

        http://www.ec2japan.com/phpBB2/viewforum.php?f=40

出租汽車資料

ANA

http://www.anaskyholiday.com.hk/english/fly_drivee.html

Tocoo

http://www2.tocoo.jp/english/

http://www.jreast.co.jp/torenta/index.html

http://rent.toyota.co.jp/top.asp

http://www.wing-rent.co.jp/hokkaido/

Map Code

http://guide2.e-mapcode.com/

Japaren

http://www.japaren.jp/

        收費道路(IC)資料

http://www.nexco.ne.jp/

http://www.hinavi.jp/route/hinavi.html

北海道道路時刻表

http://www.hkd.mlit.go.jp/zigyoka/z_doro/timetable/

北海道道路距離及時間計算

http://northern-road.jp/navi/cht/index.htm

北海道道路情報

http://www.michieki.sp.hkd.mlit.go.jp/EKI/WEB/index.asp?ekiID=816500040

北海道新千歲機場資料

http://www.new-chitose-airport.jp/language/chinese/

查JR資料

http://www.jorudan.co.jp/norikae/norimap.html

http://supanavi.rurubu.com/supanavi/index2.html

http://transit.yahoo.co.jp/

http://www.hakodate.or.jp/JR/

http://ekikara.jp/

http://www.doconavi.com/index.html

http://members.aol.com/hisakyu/index_tw.html

http://www.travellife.org/viewtopic.php?t=1241

http://transit.goo.ne.jp/

http://www.ekitan.com/

美食指南

http://www.walkerplus.com/hokkaido/gourmet/

http://www.gnavi.co.jp/hokkaido/

遊記

http://www.asobu.hk.st/

http://www.ec2japan.com/ec2_plan2004_03.htm

http://anyway.sina.com.tw/bookmark/diary_show.asp?dyrfnbr=25416&dymbnbr=2146

http://www.dawndawndog.com/index.htm

http://www.demon-shop.com/maggie/

http://www.nobitaworld.com/

http://joesph.tc-43.com/travel/hokkaido/index.html

http://www.travelpooh.com/Hokkaido2003/main.htm

http://www.travelishappy.com/

http://ww4.tiki.ne.jp/~mmurakami/setoy/map.html

討論組

http://www.ec2japan.com/phpBB2/index.php?sid=a4db3a95ddaae5f9f8c716848a876412

http://www.jpstay.com/phpBB2/index.php

http://www.travellife.org/

日本網上地圖

http://www.mapion.co.jp/index.html

http://www.mapion.co.jp/bb/

2005年北海道之旅第十二天

09.11.2005 (星期三) 睛(朝早落雪)

第十二天:

札幌 --> 新千歲空港 --> 香港

行程簡介:

今日係係日本之旅既最後一日，基本上就無咩做，朝早食o左個飯糰早餐，之後，就休息下同埋執好晒d行李放o左係酒店大堂，執執下野突然見到出面落緊雪喎，

於是乎就落去影返幾幅相留念下啦。執好晒所有行李之後就放件行李落去酒店既大堂順便Check-out埋，落到去既時間都見到幾個香港人放o左行李落大堂，但係唔知佢地係到等緊咩。我哋要利用埋剩餘既時間去買野，雖然淨返既時間唔係好多，因為我哋要搭13:25個班既JR去新千歲機場，

而d百貨公司既營業時間又要成10點鐘至開始，所以都幾趕下。而今日既午餐就係想食車站便當，因為成日係網上面都見到人哋講札幌既車站便當係好好味既，不過最後我哋都係無食到車站便當，最後係去o左Sapporo-ESTA既地庫食品街到買便當食。

我哋走既時候重搭早一班車走o左添呀，所以去到機場就早o左好多，機場入面又係有好多試食，食到我哋兩個好飽咁上機，好在我哋早o左到機場，如果唔係Check-in機位就有排等喇，因為我哋入去候機室既時候見到一大條長龍係個Counter到排晒大隊~~~~入面個候機室唔係好大，又有好多人，尤其係d台灣客~~~佢地真係~~~返到香港到成夜晚八點鐘到，不過唔知係咪我哋早Check-in，件行李放得好入呢，等件行李都等o左成粒鐘。總算都完成o左呢個十二天日本之旅既遊記，都歷時成兩個幾月，真係要Dik起心肝先至可以完成呀~~~~

2005年北海道之旅第十一天

08.11.2005 (星期二) 陰--->雨天

第十一天:

札幌市內遊

住宿: 東橫Inn北口

行程簡介:

今日係札幌市內遊，主要既地方就係行百貨公司購物，不過朝早本來想去試下係 Sapporo Factory 啤酒廠既一個無料啤酒見學，點知去到一丁友都無，等左一段時間見唔對路就決定行街街算數 !

返到香港搵返d資料原來係另外一邊個個Shopping Mall到。跟住我哋就展開o左Shopping之旅，成日都買o左唔少既野，可以話係滿載而歸同埋大出血呀。

午餐就係 Sapporo-ESTA既地庫食品街到食，條食品街都真係有好多間食店，真係花多眼亂呀。最後我哋一間叫The丼既食店食o左d定食午餐，價錢適中味道都唔錯，呢條食街都係搵食之選，重見到有間Fancl-House添呀，入面既Product大部份到係平過香港有成半有多，本來見到其他野，譬如花茶包同埋其他野都想買，不過因為個行理o急無咩位，所以都係放棄o左。所以我哋都買o左少少野，之後就繼續我哋既血戰之旅。跟住行到去大丸札幌店既地庫個一層既Food Plaza，又係有好多野食，係免費既試食喎，d蛋糕半件半件咁試，食到我哋兩個飽晒。係因為係到試食食到飽晒，攪到我哋原本諗住係今晚去食既蝦蟹大戰既蟹放題都擱置o左，因為食到好飽，如果去食放題戰鬥力就會大減同埋會覺得好唔抵架嗎，所以今晚既晚餐就變o左Food Plaza美食大集會喇!

2005年北海道之旅第十天

07.11.2005 (星期一) 睛--->陰

第十天:自駕旅遊

札幌 --> 二世谷積丹小樽海岸國定公園 (地圖)--> 小樽 --> 札幌

住宿: 東橫Inn北口

行程簡介:

今日係自駕旅遊嘅最後一日，為o左爭取時間，我哋都幾早起身下! 係酒店食完個早餐就出發去我哋今日嘅地方積丹半島海岸公園，

呢個地方係我係一本講北海道駕車旅遊嘅小冊子都搵到嘅。返到香港搵返d資料先知原來呢個積丹半島海岸公園都有好多野外嘅嘢玩個喎，重有露天風呂添呀，不過我去嘅時候有唔多覺喎。基本上我哋都係行o左呢個積丹半島海岸公園一半路途到，夏天嘅時候應該會多嘢玩多d，不過我哋個日去嘅風景都好鬼死正。揸住駕車一路行一路睇住呢個原岸嘅風景真係非常正斗呢。基本上我哋都唔知個達地方叫咩名，睇住時間見到有路就行。原來我哋都去o左幾個景點架，有島武意海岸(地圖)、美國漁港(黃金岬)(地圖)同埋積丹岬，然後兜o左個圈返返去小樽。途中經過幾個地方都好靚，非常之有漁港嘅感覺，重有好多海鷗添呀，一行埋去就飛走架啦，完成o左呢個海岸之旅之後就返去小樽到食午餐。我哋去o左位於小樽嘅一個 Wing Bay Outlet 嘅地方行，又係一個好鬼死大嘅地方，重有摩天輪玩添呀，不過我哋去到嘅時候就維修緊。隔離重有間Otaru Hiton Hotel添呀，不過我哋無行過去個邊睇過，睇返資料入面有d食店都好似幾好味咁，有機會可以去試下。唔知係咪平日既關係，個 Shopping Mall 都唔係好多人行，店舖都唔係有好多間喎，反而個 Supermarket 就好鬼死大個。係入面搵o左一間係拉麵橫丁既橫麵店一人叫o左一個午餐定食，

味道就一般啦，無咩驚喜。之後就行o左一陣就驅車去另外一個景點，係位於札幌附近既羊之丘瞭望台，去到既時間都差不多係五點鐘，天色都開始變黑，重有少少雨添，頂~~~又係要俾入場費個喎，重要成JPY$500大元入場費添，所以我哋又係係門口到到此一遊算吧! 之後就要返去還車，不過途經有個地方又係個d有幾間商舖圍埋一齊既地方，入面又有一間UNIQLO，嘩，真係好似7-Eleven咁，梗有一間係左近。裡面重有一間買麵包蛋糕既商店，到唔知叫咩名但係d蛋糕同埋麵包整到鬼死咁靚，睇個樣好似好好味咁，見到就流晒口水~~~~不過我哋都買o左一件精美既栗子蛋糕仔，近住我哋就去還車仔啦。近住就到搵晚餐食既時候，本來想去札幌啤酒館到食放題，由酒店行去搵o左好耐先搵到，點知話無得食重要係預先Book先有得食，真係一肚氣呀。係無得食放題之下就行返去 Sapporo Factory 入面既食肆到食晚餐。今晚既晚餐我哋就揀o左食燒烤晚餐，成日都見到呢間野係d日本報章到買廣告既麥羊亭，重有Discount Coupon添呀!本來諗住食返個放題補數，不過經我哋兩人商量後都係叫定食算吧，因為都唔係好肚餓。我哋分別叫o左一個羊同埋一個牛既燒烤定食，嘩~~~原來d羊肉都幾羶下，好在無試食個個羊之放題，如果唔係就賴野~~~食完野就行下個商場，不過d舖頭差不多全部到閂晒門，咁我哋唯有返酒店休息，順便去行下附近既便利店。