~~~活在當夏~~~: 2015

2015/12/30

2015 北海道自駕美食之旅 - Day 13 29.10.2015

29/10/2015(星期四) Day 13

スーパーホテル函館 > 函館朝市 > 松前城 > 白神岬 > 青函トンネル記念館前 > 五稜郭塔 > 丸井今井 > 金森倉庫 > 函館駅 > Boni-moriya 棒二森屋店 > 大門橫丁 > スーパーホテル函館

今日我哋會係函館市入面玩，所以可以唔洗咁早起身，呢間SuperHotel女性無得攞免費嘢，唔知係唔係因為多咗強國人係咁攞嘅關係呢?

食完早餐，我哋0845到就出發去咗函館朝市先，因為我哋去咗松前城個邊一來一回應該會好妟下。入到去見到有好多遊客，又見到好多好豪邁嘅強國人，食嘢買嘢好似係唔洗錢咁，攪到呢到嘅嘢食價錢貴咗。不過我哋都係呢到買咗D魷魚絲，問下個老細可唔可以減價啦，點知唔So我哋，好似係唔憂賣咁。我哋又去食咗一個三色丼，不過就無我哋第一次來函館咁好食，真係唔知點解喎。

之後我哋就去松前城，由函館市中心去都要成兩個鐘先去到，途中有幾個地方有紅葉睇到幾靚。

去到個松前城，D街道都幾企理，重幾靚下。個城都幾細，我哋行咗一陣就行完啦。睇完都未夠1200我哋又未肚餓，如果唔係就可以係呢個松前城到食個Lunch先走!於是我哋就繼續行程，下一站就係呢個白神岬，呢一個係北海道最南端嘅地方，影完相就去咗青函トンネル記念館前，不過就無咩特別。其實先前搵過D資料話有個叫青函トンネル見學，有得入去睇佢哋嘅隧道架，不過就要最少一個鐘，所以我哋就無去玩喇。

之後我哋就返去函館，係途中我哋搵咗一間回転寿司店食Lunch，食完我哋就去咗呢個五稜郭塔，呢個五稜郭塔我哋上一次來係無上過去嘅，所以今次就上埋個五稜郭塔到啦。係上面可以望到成個函館市，如果個五稜郭公園重有紅葉的話應該會幾靚。因為團友要買嘢，所以我哋返去金森倉庫到。之後就去咗長崎屋諗住會有D嘢睇下喇，原來係無嘅。途經一間MaxValue就入咗去睇下有咩買喇，無咩特別嘢買。我哋就去咗函館駅到睇下，見到有有間無印良品係到喎，團友就話要去睇喇。咁就係附近放低咗佢，然後我就揸架車返酒店到泊低，其實由酒店行去函館駅到係係10分鐘路程來。原來呢到有一個叫 Boni-moriya 棒二森屋店嘅商場個喎，團友行咗一陣就有收穫啦，我哋再行下睇下有無嘢食，不過就無發現。之後就行返去酒店，係酒店附近其實都幾多食店，不過好多都係居酒屋。行行下去到大門橫丁，我哋就入去睇下有咩食喇，呢到有出名嘅有間叫龍鳳拉麵店。入面重有幾間居酒屋，同埋有燒海鮮食嘅食店。我哋最後揀咗一間食 SabuSabu 嘅居酒屋食嘢，不過入面有人食煙食得唔係咁舒服。D嘢食都OK喇，又唔叫做好味!食完就去藥房到睇有無嘢買，然後就返去酒店休息喇。聽日我哋就會去洞爺湖，天氣預測話會落雪~~~

住宿 : スーパーホテル函館 (包早餐)

地址 : 〒040-0035　北海道函館市松風町1-10 電話 : 0138-22-9000

費時 : 7900日圓 (■早割１４プラン【14日前迄割引】/禁煙) 泊車 : 500日圓

GPS:41.77036245,140.7332629 MC : 86 073 132

景點:

青函トンネル記念館前 (MC: 676 525 839 GPS: 41.4852369,140.25460909)

白神岬 (MC: 676 219 400 GPS: 41.39803739,140.19937727)

松前城 (MC: 862 058 253 GPS: 41.42986407,140.10843108)

惠山岬 MC 875 217 492 GPS 41.815409709226756,141.18318913401842

函館水無海浜溫泉 GPS:41.812029, 141.184511

流山溫泉 (MC: 86 881 859 GPS: 42.00215349,140.7185068) Tel. 0138-67-1726

元町公園 MC 86040528