2011/08/28

2011 德國自駕之旅 (Day 2)(12/8/2011)(酒莊篇)

路線 : Frankfurt (法蘭克福) à Wine Estate Robert Weil (參觀酒莊), Rüdesheim [ by Google Map : 39.9km需時29min]

是日嘅第一個活動就係去 Rüdesheim 區到睇酒莊(Wiingut Robert Weil)啦，之前睇電視睇人哋Ｄ Blog 就睇過人哋參觀酒莊，但係我就未試過啦。將架車慢慢咁揸下適應下先，我大去個GPS預先已經入咗酒莊嘅資料，駛出停車場~~~咦~~個GPS好似無咩反應咁喎。於是我就停低架車係一邊再Set返個位置喇，應該係先前係地庫收唔到衛星Signal啫，好快就聽到佢講嘢啦~~~哈哈~~

去呢個酒莊 GPS 話一個鐘之內到，果然係差不多時間就到咗，一路上我都係靠路嘅右邊行，因為左手邊係快線，Ｄ車都開得幾快，行咗無耐無神神又塞車喎，但係又唔知咩時喎~~~攪到成三點幾先到咗酒莊喎~~

入到去見位就泊，停好架車就周圍搵下邊到先係接待處先~~

個天好似想落雨咁樣

睇下有幾多酒準備買個喎

呢個應該係講去接待處呱~~

傳統嘅露木式設計嘅屋

去到嘅時候個酒莊到有Ｄ工程做緊，但係唔知做緊咩喎..挖都幾深下架喎

好，呢個就係佢哋嘅辦公時間啦...

一入門口就有一支酒放咗係正中央~~都幾大支架

係入面重放咗有唔同年份唔同口味嘅酒係到添~~其實我對酒呢家嘢無咩研究，我只係得好飲同唔好飲重有就係入口嘅感覺咁囉但係同行其中一人就有Ｄ研究啦~~真係開正佢個範

呢一支係我哋試飲其中一支

哈哈~~有免費酒試當然唔好蝕啦，但係身為司機嘅我都唔係好敢飲太多，因為會好大鍋架

大家飲得幾開心~~~呵呵呵呵~~~

又試另外一款，今次我哋主要係試Riesling，試咗唔同嘅甜度~~由有Ｄ澀澀哋試到好甜，其實我個人就幾鍾意甜個支(最貴個支)，但係專家話少少甜同澀澀哋個支先正，甜個支無口感喎...

呀專家同團友講解下一Ｄ Riesling嘅資料同埋點分，家下我都唔記得咗囉..

嘻嘻~~影返張相先

最後~~~我係無買嘅，攞來影下相啫~~~

酒莊入面嘅屋

當然順便去睇下個葡萄園啦....

酒莊資料

Wine Estate Robert Weil

Wilhelm Weil Mühlberg 5 D-65399 Kiedrich / Rheingau
fon: +49 6123 2308 Telefax: +49 6123 1546 Email : info@weingut-robert-weil.com

好下一篇就係睇完酒莊之後我哋就驅車去酒店附近預備搭吊車睇風景喇~~

2011/08/27

2011 德國自駕之旅(18) (Day 2)(12/8/2011)(落機攞車篇)

2011 德國自駕之旅 (Day 2)(12/8/2011)

我哋大約13:15 12/8/2011到達德國 Frankfurt Terminal 2，然後過咗個幾麻煩嘅海關之後，就出去睇下租車公司係邊到，其實都幾容易搵到，一行出機場行無耐就見到喇。

排隊入境，佢哋又要成本特區護照係咁睇，睇好耐又問好多嘢之後先攪掂~~

終於到德國啦...

等攞行李中.....要用車仔的話要俾錢架~~

出咗海關到行無耐就會見到一排租車公司嘅 Counter 係到架啦...

咁其餘嘅團友就去搵位坐下去下廁所，我就去攪Ｄ租車嘅嘢，今次我哋一行8個大人，所以就租咗架9人車。去到Counter俾咗Ｄ文件佢哋睇就好快攪掂啦，因為之前我寫過Email要求俾一架 Diesel Type 嘅9人車俾我哋，但係租車公司個面話會安排就係就未必有，嘻嘻~~最後都俾到我哋，重要係內置埋GPS添喎(免費)..手續非常順利，但係當我返返去個時就發覺個價錢有Ｄ問題喇。因為我先前係 Emirates 嘅Website到見到同Ｄ租車公司有 Promotion 喎，如果係租 Hertz 嘅車重要有 15% Discount 添喎，不過有條件係要係 31/5/2011前做好Booking，同埋要係 31/8/2011 或之前出車，咦~~~啱晒我哋啦~~原先租9日車係要 EUR$840.29，15% off 之後應該會係EUR$71x.xx到。
問題就係佢哋有落到個 Promotion Code 但係就無 Discount 到個價錢，於是我當然又問多一次喇，成千幾蚊港幣喎~~~個職員話我個Booking係系統都有呢個 Promotion Code 係到，理應會減咗個喎 !! 於是我就話我試過有Code同無Code都係出呢個價錢，之後佢就同當然嘅 Manager 傾完一輪之後就手動改咗個價錢啦，最後個價錢就係 EUR$718.91~~正~~

車匙到手~~~

睇下架車個外型先，都幾似一架貨車

不過佢真係可以放到三件大行李同一件細行李個喎...啱啱好~~~

之後就自己去停車場攞車，呢到同日本唔同唔會同你一齊去 Check 架車，但係佢哋事先會Check定，有咩花痕都會Mark咗係張紙到，大家都有一份做記錄。去到停車場搵咗一陣就見到架車啦，放好晒Ｄ行李之後，我就上車到睇下點樣操作架車，重要 Set Up 我Ｄ GPS 同埋 Car Recorder，車內置個個GPS攪咗幾下都唔知點攪好，所以最後都係用我自己帶去個個啦~~~
架車雖然係大，但係冷氣方面嘅設計就唔係幾好啦，因為主要都係由司機位個到吹去後面，如果坐最後個排Ｄ人其實都會幾熱~~
當我摸完一論之後就出發啦，正式開始我哋德國自駕之旅啦~~~
我哋嘅第一站就係位處於Rüdesheim 嘅酒莊Wine Estate Robert Weil，會唔會好似尋味葡萄咁有人會帶我哋行下酒莊同放酒嘅地方呢 ? 又帶我哋去睇下葡萄園呢 ? 下回分解~~~

2011 德國自駕之旅(17) (Day 1 & Day 2)(11 & 12/8/2011)(出發啦)

2011 德國自駕之旅 (Day 1 & Day 2)(11 & 12/8/2011)

Route : HKG > Dubai > Frankfurt

通常呢Ｄ去歐洲 Day 1 都係用來搭飛機，今次我揸埋車去機場，不過係我亞姨一家人咁啱同一日返荷蘭一齊去機場可以搭下順風車啫，嘻嘻唔洗自己搭巴士，正。去到機場差不多十點半到，幫我亞姨辦可手續之後就到我自己去Check-in，今次一行八人，都幾多人下~~~因為預先已經攪好個Check-in，所以都係磅下行李就攪掂，我哋選乘 Emirates Airline (阿聯猶航空)，因為揀過好多間，Lufthansa 飛行時間係最短，都要過萬咁濟，其他Ｄ時間又唔係好好喎...去到Frankfurt係夜晚。今次我哋重要係法蘭克福入慕尼黑走，其他航空公司一般一係無，一係貴~~~

班機係 00:35 12/8/2011 EK381 (HK Airport Terminal 1)起飛，21:35 11/8/2011 就可以開始 Check IN，搭8個鐘飛機去到杜拜，預計 04:35 12/8/2011 (Dubai Intnl Terminal 3)08:25 12/8/2011 EK045 係 Dubai Intnl Terminal 3到搭，搵個地方然後就上下網睇下嘢咁就消磨咗幾粒鐘啦..今次有得坐A380，大機即係大機，伸直雙腳都重有位淨低，起飛同降落都唔多覺有反應~~~