~~~活在當夏~~~: 11月 2008

2008/11/28

2008 紐西蘭北島自駕之旅第二天

Day 2 28-10-2008

Waitomo Caves à Tongariro National Park à Mt. Tongariro à Tawhai Falls à Lake Rotopounamu à Turangi à Tongariro National Park

住宿 : Plateau Lodge (National Park Village)

係 Waitomo Caves 嘅 Museum

係紐西蘭要自己入油架 !

今日起身整理好晒Ｄ行裝之後，就食返個自製三文治早餐，順便整埋個 Lunch 個一份，因為今日要去行山都唔定，根據昨日嘅經驗，個個 Tongariro National Park 附近應該係無嘢可以買來食 ! 食完早餐之後就 Check out 走人，後來架車行行下發覺留咗隻手錶係間房，即刻掉頭返酒店攞返先 ! 我哋大約 9: 30 a .m. 出發途經嘅地方都幾荒蕪下，今日重要係烏雲密佈同埋有Ｄ霧雨添 !

去到 Tongariro National Park 大約 12:00 p.m. 到，之後就搵下今晚住宿個地方同埋睇下附近有無Ｄ咩嘢食。

係住宿個一區淨係發現有一間係個火車站隔離嘅食店，但係又無 Menu 又無價錢牌係門口，都唔知呢間嘢係食咩 !? 唯有繼續搵下重有無其他食店啦 ! 跟住就去到一個油站，入面有間店舖，都有Ｄ日用品同食物買，但係價錢就幾貴下，順便入埋油，原來連汽油都貴ＤＤ….然後我哋就去 Tongariro National Park 出發，本來想去睇一個瀑布嘅，但係去完個 Information Centre，就改變行程喇，變咗去睇雪山、一個湖同埋一條小型瀑布。個雪山可以揸車去到幾近下，不過要睇個山就要行去睇喇 ! 雖然係有車去到，但係條路都幾難行….

睇完雪山就去一條瀑布，最簡單嘅一個行程就係睇個瀑布喇，行大約15分鐘就到啦…雖然係小型，但係睇落去都幾靚架 !

之後就係呢個瀑布附近到食個三文治Lunch 喇。然後就去睇一個係山入面嘅一個湖，呢個其實唔係好大，但係行一個圈就要90分鐘。由於個天色唔係咁靚，所以個湖睇落去就無咁正啦 !

睇完呢個湖就驅車去 Turangi 嘅 Supermarket 到買今晚同埋聽朝嘢食物，然後就返間 Lodge，返去個路途個能見度得個5m 到，真係好大霧 !

去到間 Lodge 就 Check-in ，然後就整今晚嘅晚餐。呢間 Lodge 嘅廁所地磚係有暖板架，所以踩落去唔係凍冰冰架 !

個房都幾四正架 !

重有埋廚房設備添呀 !

Motel Outlook

得8度到咋 !

是夜晚餐~~~~好味 !

我哋重係呢上網 Check 下嘢添呀，不過係紐西蘭上網都幾貴 ! 30分鐘就要 NZD$3 喇…..其實都幾貴 ! 係好多亞洲國家基本上好多都係可以免費上網，紐西蘭似乎都重要改善下…..

2008/11/25

山火.........

呢個山火都燒咗成日咁濟啦....唔知幾時會停呢....重越燒越大火添呀 !

2008/11/24

2008 紐西蘭北島自駕之旅第一天

26-10-2008 & 27-10-2008 Day 1

香港 à 紐西蘭奧克蘭 à Waitomo Caves

住宿 : Waitomo Caves Hotel

今日嘅行程就係搭飛機，我哋係搭15:25 嘅飛機直飛去奧克蘭，機程要成差不多成11個鐘。預計去到奧克蘭就當地嘅 27-10-2008 大約 07:30 到 !

到咗奧克蘭機場，就準備出境，先前都聽聞話紐西蘭個海關都幾麻煩，又要填下你有無行過下山，有無著行山鞋，有無帶Ｄ咩植物或者食品入景 ! 嘩~~~萬七咁多樣嘢要申報…入境個到都等得幾耐下，因為有幾個韓國人好似唔多知個入境主任要睇佢哋張回程機票…其實紐西蘭都幾保護自己個喎，入境都要有 Procedure…好似幾驚其他國家嘅人非法移民咁喎 ! 過咗入境，就到海關…呢個我係網上面睇過有人曾經講過真係會Check下你鞋底有無泥(Biosecurity)…原來係真架 ! 過晒所有嘢之後就要去攞車，不過沿途要攞返Ｄ當地資料，呢Ｄ資料好有用架，因為有地圖同埋會有Ｄ Discount Coupon 係入面架 !

出到去個機場，睇返Ｄ資料要搵個地方打電話俾間租車公司來接我哋去攞車 ! 今次我租個間叫做 Ace Rental Cars ，其實係未去之前幾個月就留意緊紐西蘭Ｄ租車公司，咁啱呢一間做緊Promotion，於是我就訂咗先 !

其實我重係叫 Go Rentals嘅租車公司到都訂咗，但係兩間相差成差不多 $200 紐元 ! 分別係一間係4年幾嘅車而另一架係有機會有10年車齡嘅車，基於有成 NZD$200 嘅差額，我最後都係要咗Ace Rental Cars。好啦，講返搵架租車公司先，佢叫我哋去到機場就打電話俾佢哋去接我哋，打電話係免費，而個地方就係機場個 Information Centre入面，開頭到搵唔到，係機場入面行來行去 ! 見到有另外幾間都幾大嘅租車公司係入面有Counter，不過個幾間嘅收費係比較貴...之後就行入去個 Information Centre 入面有Ｄ免費電話可以直接打去呢一間 Ace Rental Cars ，開頭我照住佢俾我個電話打，打極都打唔到….想問下入面個職員但係又有兩個外國人雞啄唔斷咁問咗十幾分鐘都未走 ! 最後我見佢哋就寫住話打 02 就可以去 Book 車，我咪試下因為我唔係Book 車我係攞車，不過點都要試下啦 ! 好耐無講嘅英文又要講下啦…同個接電話個人話我哋來咗要攞車，講完就問我攞Ｄ租車嘅資料，然後就叫我去一個地方等….但係我哋都唔知係邊，佢話係巴士站到等….於是我哋就向巴士站個邊出發，出到去好似唔多似咁，於是就行去另一面，最後搵到個牌寫多好多租車公司嘅名嘅等車點 ! 之後等咗一陣就有間Van 仔來啦，去到租車公司攪好晒Ｄ資料後，重問我洗唔洗買返個保險，因為我無買到 Extra 嘅，只係個 Standard 個隻，但係因為都要成 $10-$18/day ，最後我都係無加到….攪掂晒就等攞車，因為我呢個價錢，我哋都無咩期望會係一架咩車，行得走得無事就得….最後係俾咗架 Nissan Sunny 1,800 c .c. 嘅車我哋，都唔錯 !

好啦….正式開始我哋嘅紐西蘭北島15天自駕之旅喇 ! 開頭都未慣紐西蘭Ｄ路牌同埋地圖，我一開始就揸咗向 Auckland 方向行，我一路揸一路睇Ｄ路牌都唔係寫我哋要去嘅地方或者附近嘅地方嘅名….我哋嘅第一站係要去 Waitomo Caves ，應該係要朝向 Hamilton 方向前進，但係我哋好似行緊相反方向，於是就搵個地行返反方向繼續我哋嘅旅程喇 ! 行咗大約20分鐘到，到咗一個叫 Manukau 嘅 City，係入面兜咗陣，見到有個叫 Westfield 個 Shopping Center ，於是就停車入去行下 !

呢個商場其實都幾大下，不過買Ｄ嘢就唔係咁啱我哋。係商場入面重有Ｄ食肆，有買包重有買壽司，於是乎我哋就買咗幾件壽司來食下 !

味道就無咩驚喜，重要無咩醋味。之後我哋就去個超市到買返Ｄ日用品同埋聽日嘅早餐，因為係紐西蘭好多住宿都唔包早餐，要另外加錢，價錢重要唔平添呀 !

係咁買一買嘢都買咗成$59紐元….都幾貴下 ! 之後就出發向我哋嘅目的地前進，係途中途經過 Hamilton 同埋Otorohanga 呢兩個市，不過就無係呢兩個市都遊覽，因為睇Ｄ資料呢個 Town 係無咩特別，重有就係唔知係唔係時差問題，眼訓得濟，於是就係一個途經嘅地方停車訓咗一陣 ! 係臨到 Waitomo Caves 呢個地方之前，我哋去咗一個買生果嘅地方，入面買Ｄ生果都叫做平，但係要買好大量，係成袋咁買 ! 附近重有一間餐廳，本來上睇下有無Ｄ咩食，因為我哋都重未食 Lunch ，點知睇下Ｄ Menu 係無嘢啱食兼幾貴下 ! 之後就係間買生果嘅舖頭都行下，見到Ｄ雪糕好似幾好味，於是就買咗一個來食啦 !

然後我哋就繼續向 Waitomo Caves 出發，兜咗一陣，見到一個地點應該係睇螢火蟲嘅，然後我哋就曉搵今晚間酒店。其實係睇螢火蟲到望過去，係山腰到都見到有一間酒店，我諗應該係呢一間，不過就要兜下先搵到入去條路。

係去酒店條路到，見到有兩間疑似食店嘅舖頭，於是我哋就Check-in 完先睇下係唔係有得食先 ! 講返間酒店，個外貌都幾好 Feel，入面間房都叫做 Okay ! 安置好Ｄ嘢，我哋就去睇下頭先經過個兩間食店，入到去睇咩都無…..似乎係飲嘢嘅地方多。係入酒店條路嘅入口重有間 i-site 係到添呀 ! 不過我哋決定去睇個螢火蟲洞先…由酒店去個螢火蟲洞，都係2-3分鐘路程到，去到啱啱好有一團出發，呢個睇螢火蟲洞嘅係每隔15分鐘或者30分鐘就會帶一班人入去參觀，因為唔係繁忙時間，我哋係要每30分鐘就帶一班人入去 ! 我哋就啱啱好趕到 15:00 個一團….

參觀呢個螢火蟲洞，首先會帶你行下入面個鐘乳石洞，沿途都有個 Guide 會介紹返Ｄ資料俾你知….跟住去到個鐘乳石洞嘅盡頭嘅時候，我哋以為就咁睇完，因為係個盡頭到都有Ｄ螢火蟲….跟住睇多一陣個 Guide 就帶我哋去另外一個地方，要坐架船去睇嘅，重要唔可以講嘢添呀 ! 原來呢到先係個戲玉，就係個 Guide 拉架船行咗幾分鐘係，頭頂上面就滿佈一點一點嘅螢火蟲，好似滿天星咁樣~~~真係好靚 ! 不過呢個畫面只可以係腦入面先見得返，因為呢個地方係唔俾影相架 ! 要保護返Ｄ野生動物…..一路行一路睇真係幾正…..係個螢火蟲洞大約睇咗15分鐘到就出返來，完成咗呢個景點啦 ! 之後我哋就去咗睇下間精品店有無咩買….係無咩買嘅….重有就係佢哋係我哋出來個洞口到同成船人影咗幅相，不過要成$30一張..唔知有無人買嘅呢 ?

睇完呢個景點，我哋就要去搵下我哋今晚有咩可以食啦….由於來嘅時候發覺呢個 Waitomo Caves 附近係無咩嘢買，所以我哋就要向附近嘅一個小鎮 Te Kuiti 睇過下，去到我哋就去一間叫 The Warehouse 嘅超市到行下睇下有無Ｄ咩食。

不過我哋住個間酒店係無得煮食嘅，之後買咗少少嘢就繼續搵下有無嘢食啦。係到有間食店寫住Hong Kong Fast Food囉，入去睇下，原來係Ｄ中式嘅餸有唔同嘅任挾，但係只係一個飯盒咁大，就要$10 ! 都幾貴! 之後我哋就去返Otorohanga，兜兜下見到一間叫 Subway 食包嘅食店，於是我哋就決定今晚嘅晚餐就食包啦 ! 叫咗個兩個餐食，呢間 Subway 其實係紐西蘭周圍都會見到，佢嘅包其實都幾好味。