2008 紐西蘭北島遊記資料篇

資料篇

 

機票

其實買機票真係幾頭痕嘅事，因為去Ｄ Agent到買成日都要叫你等，有時去到最後先可以Confirm咁就會好麻煩，所以我通常買親嘅都係要即時可以Confirm到嘅機票，個Ｄ要等嘅通常都係一Ｄ團體票，要等Ｄ旅行社有位就放出來，無嘅…對唔住…無位喎 ! 係現今嘅年代重有幾間係網上面可以直接買機票嘅 Agent，不過我就無試過，好 ! 基本上我都係係Ｄ Agent同埋Ｄ旅行社機票部到問價，最後我係係國泰個網到買機票，因為同出面一樣，重要可以用信用咭找數!

 

Air New Zealand Bookings - Search for Flights

BookingBuddy - Super Cheap Flights - Compare Airline Ticket Prices

Cathay Pacific Online Booking

MorningStar Travel

New Zealand Airlines

Specials - Domestic Flights - Auckland

unitedairlines.co.nz

ZUJI Your Online Travel Guru

自助旅遊專家

Priceline網上旅行社

學聯旅遊

機票互聯網

 

 

租車篇

紐西蘭真係好多租車公司，價錢相差都幾大下，不過通常平個Ｄ都係Ｄ車齡比較大嘅車，所以要比較一下先可以租。以我為例，睇Ｄ資料同埋問過下人，其實係紐西蘭揸車可以用1300 -1800c .c.嘅車已經好足夠，開頭我係都想租架比較新淨Ｄ同埋係1800c.c.嘅車，話晒都想揸下唔同嘅車架嗎 ! 但係最後我都係租咗架車齡大嘅1800c.c.，一路上都無咩問題，非常之好 ! 兩架車嘅租金相差差不多成$200紐元，所以點解我會揀平個架呢…係因為我係網上面不斷咁睇Ｄ租車網，有一日俾我睇到佢哋做 Promotion ，我又問咗佢哋攞咗報價喎，有咗個記錄所以就可以用平嘅價錢租車啦 ! 我用咗大約$404紐元租咗成15日車，平均每日都係港幣$130咋~~~所以真係好抵 !

 

A2B Rentals LTD - New Zealand Car Hire & Rental Cars (New Zealand Car Hire)

Affordable Accommodation New Zealand  TOP 10 Holiday Parks

Britz Campervan Hire & Car Rentals, Motorhomes and RVs in Australia and New Zealand

Car Hire Christchurch New Zealand, Car Hire NZ - Quick Quote

Car Hire New Zealand

cheap car rental new zealand - roadtrip® rental cars auckland, christchurch

Christchurch New Zealand car rentals - Travel New Zealand Rentals, NZ car hire

Countrywide Motorhomes

Eazy Car Hire.com - Worldwide Car Hire

Hertz

Holiday Parks Association of New Zealand

KEA Campers New Zealand Motorhome-Campervan Rentals

Maui Motorhome Rentals & Car Hire Australia  Motorhomes, Campervans, RV & Car Rental

New Zealand car rental and NZ car hire - Go Rentals rental cars rent NZ new car

New Zealand Car Rentals,NZ Rental Cars and Auto Vehicle Hire- Ace Rental Cars New Zealand

New Zealand Rent A Car  New Zealand Car Hire & Rental Cars Across NZ, Auto Rentals

Quick Quote New Zealand Car Rentals

Rent A Car with Avis car rental

Services for Holiday Accommodation Parks Assn of NZ Inc

 

揸車資料篇

AA New Zealand Driving Times & Distances Calculator

北島距離計算 North Island New Zealand - Travel Times and Distance Calculator

南島距離計算 South Island New Zealand - Travel Times and Distance Calculator

 

交通篇

Atomic Shuttles budget fares inter city service bus company New Zealand

New Zealand Bus Travel New Zealand Travel Pass Independent New Zealand Vacations

Official website for New Zealand train journeys – Tranz Scenic

Transit New Zealand

Tranz Metro

 

住宿篇

係紐西蘭主要有幾種住宿可以選擇 : 1. Motel 2. Hotel (Inn & Lodge) 3. Hostel 4. Holidays Park

1,2 & 3 嘅最大分別就係 Motel & Hostal通常都可以煮嘢食，而 Hotel 就係無得煮嘢食。另外，Holidays Park 主要係俾Ｄ Campervan 用，有部份係有煮食設備提供 !

 

Farm Stay

New Zealand Farm Holidays

New Zealand Bed and Breakfast Accommodation

Accommodation Listings  New Zealand

 

New Zealand Bed and Breakfast (B&B) Directory - B&B's, Accommodation in New Zealand - personally reviewed and narrated

Bed and Breakfast Accommodation Directory B and B, Inn and Guest house Accommodation  The B & B Web Guide

Budget Motel Chain - Jasons New Zealand

Affordable Accommodation New Zealand  TOP 10 Holiday Parks

New Zealand A to Z  BBH (Budget Backpacker Hostel) Discount Card

Budget Backpacker Hostels New Zealand

Quality Hostel Accommodation - YHA New Zealand

Auckland City - YHA New Zealand

折扣優惠酒店, 世界性住宿及假期在 octopustravel.com

 

外幣對換篇

通常好多人都係去銀行到換外幣，但係有時銀行Ｄ對換率又唔係好好，所以大家可以去中環一間叫做百年找換店到換，個對換率都幾好 ! 不過呢一間找換店中午嘅時間好多人去換錢，大家可以打電話去訂定換咩貨幣，然後食Lunch嘅時候去攞就會免除咗排隊嘅痛苦 ! 但係其實如果你有外幣戶口的話，其實你可以係個種貨幣個滙率好嘅時候買返Ｄ想要嘅貨幣，但係係銀行到買就有一個限制，就係每次都係只可以攞一定嘅數量嘅貨幣出來，要分好多次先可以攞得晒出來

 

Berlin Company Exchange Limited

Hang Seng Rates - HKD Notes Exchange Rates

 

 

資訊篇

AA New Zealand Travel Guide

Jasons Travel Channel

New Zealand Tourism Online - New Zealand Travel Guide, Accommodation, Tours, Attractions, Vacation Information and NZ Holida

Regions Introduction - New Zealand

Taupo Bungy - New Zealand’s Highest WATER TOUCH Adventure Kia Ora Welcome

Rainbow Lodge Backpackers Retreat - Taupo, New Zealand

Orakei Korako Geyserland

Palmerston North - Homepage

Treks Backpackers - Rotorua Backpackers Accommodation, Hostels Rotorua

Auckland, New Zealand - official tourism website from Tourism Auckland

Funky Green Voyager - meet backpackers from all around the world

Waiotapu Thermal Wonderland, New Zealands most colourful geothermal area.

Tongariro Alpine Crossing Ruapehu area tracks and walks

地区介绍 - 新西兰

RotoruaNZ.com » Rotorua's Official Website

Destination Lake Taupo - New Zealand

Auckland Airport - Flight Information - Duty free shopping - Airport guide

newzealand - Yahoo!知識+

Mount Eden, Auckland

2008 紐西蘭北島遊記第十五日

Day 15 – 10/11/2008



Parnell Inn@Auckland à Ewelme Cottage à Manukau City à Auckland International Airport à Hong Kong



今日係最後一日係紐西蘭，食完個自製早餐之後就 Check Out 去附近嘅地方到兜下，我哋去咗一個係Inn附近嘅古老建築物叫做Ewelme Cottage ，不過原來係早得濟，重未開門喎 ! 睇返Ｄ資料話呢個Ewelme Cottage 有係1863-1864時起嘅，嘩~~~距離家下咪有成百幾年，但係都重保存得幾好喎 !

之後就向機場方向行喇，見時間尚早我哋就去咗Manukau City 都行下，其實呢個市我哋第一日來到紐西蘭就行過架啦，去咗市入面個 Westfield Shopping Centre 到行咗陣就去搵油站入油，因為還車嘅時候係要入滿油缸先得架….先前經過見到Ｄ油價係貴過現在呢一個，嘩~~真係正 !

Ｄ油價又平咗，如果第一日來就咁平就好啦~~~因為預計係機場可能要攪一大輪嘅手續，所以我哋就預早咗到機場。好在真係預早咗，因為個 Airline 話我哋件行李超重要攞返Ｄ嘢出來先得，其實我哋件行李只不過係超咗2kg，我哋兩個人係有64kg….點知紐西蘭呢一邊係一件行李計…嘩~~~又要開喼攞返Ｄ嘢出來…之後過海關就比預期嘅順利喎…好快就過晒Ｄ嘢…之後就要去攞返先前買咗嘅戰利品喇….點知等咗好耐都無搵到出來，好在後來Check清楚原來係寫錯收據號碼，最後都攞到，如果唔係真係唔知點攪 ! 之後就入面嘅 DutyFree 到見到有蜜糖買喎..重要係平好多個隻添呀….早知就係呢到買啦…不過就有風險就係如果無就真係無囉 ! 最後我哋都買咗一Pack，之後就等上機，我哋係機場入面嘅 Burger King食個 Set 當係Lunch，就咁就完成呢個紐西蘭北島之旅啦 !

2008 紐西蘭北島遊記第十四日

Day 14 – 9/11/2008



Parnell Inn@Auckland à Auckland City Visit à Westfield Downtown à Parnell Village à Dinner@Sky Tower à Parnell Inn@Auckland



住宿 : Parnell Inn@Auckland



今日又係好 Hea 嘅一日，都係係 Auckland City Visit ，由於先前嘅經驗，係紐西蘭嘅商舖有機會係星期日係唔做生意嘅，所以都覺得係無咩可以睇 !

食完早餐之後就去 Gucci 到睇嘢，係紐西蘭嘅 Gucci 又係平過香港，重要有Ｄ款係香港未有得買添架….係 Gucci 到一睇就睇咗成個幾鐘，本來都未諗住今日買，但係尋日聽 LV Ｄ sales 講要去機場到先至可以用到 DutyFree嘅價錢買，佢哋運去機場又係要一段時間，所以要買就要今日買喇 ! 正當想買嘅時間，突然諗起重有一間真係 DutyFree 嘅商店係附近，於是就去比較下啦….去到睇款唔夠專門店多，同埋價錢都係一樣，但係就發現另一款嘅袋喇 ! 於是就返返Gucci到睇下有無個款袋喇，睇睇下又發現另一款袋，個sales話係新返款式，嘩~~有人真係睇到愛不釋手啦….最後就買咗兩個袋同一個銀包喇。之後我哋就去咗 Westfield Downtown到行下同埋食埋個 Lunch，入面個 FoodCourt其實都係同紐西蘭一般嘅FoodCourt一樣，無咩特別嘢食 !

之後就去咗 OK Gift Shop 到買咗Ｄ嘢食同埋手信。跟住我哋就返去Inn附近嘅Parnell Village睇睇，唔知係唔係星期日嘅關係，都幾冷清下，睇完就返去 Inn 到 Hea 下 !

大約6點鐘就出去食晚餐，今晚係去Dinner@Sky Tower，原先我哋係Book咗8:15去食，但係後來諗諗下好似幾夜下喎…咪試下早Ｄ去睇下有無位囉，點知又有位可以早Ｄ食 ! Ｄ嘢食嘅種類就唔係好多，但係幾Okay嘅 (始終都係香港嘅Buffet正好多呢!) ! 同埋Ｄ服務都唔錯，入面有個 Waitress 幫我哋執執下嘢無神神彈咗句廣東話出來問我哋Ｄ嘢食得唔得….嚇得我哋話 !

食完嘢我哋又去 Observatory 個層到睇嘢，如果先前係上來食Buffet的話，個晚就唔會上來睇喇…可以慳返 !

睇完就返 Inn 到休息同埋要執下Ｄ行李啦 !

2008 紐西蘭北島遊記第十三日

Day 13 – 8/11/2008



Parnell Inn@Auckland à La Cigale French style Farmers Market à Parnell Rose Garden à Mission Bay à Michael Joseph Savage Memorial Park (1)(2) à Bastion Point (1) à Kelly Tarlron’s Underater World and Antarctic Encounter à Sylvia Park Shopping Centre à Dress Smart Shopping Centre à Victory Park Market à Auckland Art Gallery à Auckland Museum à Auckland Domain & Winter Garden à Auckland Queen Street Visit à Parnell Inn@Auckland



住宿 : Parnell Inn@Auckland

今日唔洗咁早起身，因為主要係 Auckland 嘅市內遊覽，食完個簡單嘅早餐之後就出發去附近嘅Parnell Rose Garden 到睇玫瑰花，點知兜咗去一個不知名嘅 Flea Market (返到香港搵返資料，原來呢個 Flea Market 叫做 La Cigale French style Farmers Market) ，入面主要係買Ｄ自製嘅食品，好似果醬、芝士同有好多唔同嘅食物，重有Ｄ家庭用品買，雖然細細地但係不停咁有人來睇嘢。

之後我哋就去睇個 Parnell Rose Garden ，去到泊到成街都係車，幾難先搵到個位泊低架車呀~~~重要行好耐下先到個個Parnell Rose Garden ，行都入去都有Ｄ人係到睇緊嘢 ! 重有Ｄ人係到整緊Ｄ攤位買下Ｄ食物同埋一Ｄ日用品~~~Ｄ玫瑰花都有幾種顏色睇個喎….但係重有Ｄ未開晒，開得七成到 !

之後就許租車公司到睇下可唔可以用返係網上面Book個個價錢再租多兩日車，因為原先諗住租車租到今日就會還車，然後就會自遊行，因為之後嘅都係會係市中心都睇嘢，所以原先係無諗住要車，同埋走個日都係用得半日車所以就租到今日就算。但係諗諗下，走嘅時候其實搭車去機場重貴過自己揸車去….同埋可以方便Ｄ唔洗攞住見行李四圍行 ! 所以就決定租多兩日喇 ! 去租車公司之前經過油站，就順便入去入下油，然後先去租車公司都績租喇，最後都用返係網上面個價錢租多兩日車，但係就會係機場到先還車喇 ! 之後我哋就去Mission Bay ，係去入油個時見到有Ｄ警察係到對面線影快相，而去Mission Bay 條線就係佢哋影快相條 Lane 喇，所以要開正常速度。去到個Mission Bay ，感覺有Ｄ似香港嘅淺水灣咁，重要係我哋去呢個時間都有唔少人係到 Hea 緊 !

可能係星期六嘅關係呱 ! Ｄ紐西蘭人其實Ｄ生活都幾寫意，踩下單車，散下步、跑下步~~~完全同香港人好唔同 ! 之後我哋就去Bastion Point，呢個Bastion Point 睇返Ｄ歷史，係一個係紐西蘭重係英屬殖民地時候嘅軍事同埋農業嘅重要據點，附近重有一個紀念碑添 !

跟住我哋就去睇一個叫Kelly Tarlron’s Underater World and Antarctic Encounter 嘅水族館，呢個水族館主要係睇企鵝嘅，但係我哋都無咩興趣，加上入場費都唔平，所以係到此一遊算啦 !

之後我哋就去一個叫 Sylvia Park Shopping Centre ，呢一個 Sylvia Park Shopping Centre 其實係一個 Shopping Centre 其實都幾近 Auckland 市中心，一陣間嘅車程就到咗，我哋經過咗呢個 Centre 都唔知道，其實我哋一路沿住Mt. Wellington Road直行，行行下見到有一個幾大嘅建築物，附近重要有好多個停車場喎….於是咪兜入去睇下囉…點知原來係到咗喎 ! 泊好車就入去行下，呢個Shopping Centre 都有兩邊，要行晒其實唔洗半個鐘就攪掂 ! 其實紐西蘭嘅嘢真係唔係咁啱我哋鍾意買嘢嘅香港人，因為Ｄ款唔係最新同埋價錢真係唔平 ! 係個 Shopping Centre 入面有個 Food Court ，我哋食咗Ｄ壽司，然後就走人 !

之後就去搵返尋日搵唔到個個Dress Smart Shopping Centre ，今次我哋再兜多次應該會搵得到，同埋時間比較早就無咁心急，睇完地圖去到個 Dress Smart Shopping Centre 附近都係搵唔到，最後就入油到問下人喇 ! 原來我哋都去到個Dress Smart Shopping Centre 附近，原來呢個Dress Smart Shopping Centre 睇落去根本就唔似一個 Shopping Centre，所以尋日可能我哋經過過唔知都唔定 ! 行咗呢個所謂 Outlet 之後又發覺無嘢買，重要好多嘢都貴過香港添呀 ! 我哋係入面嘅 Subway 到食咗個包

然後就去咗 Victory Park Market 到行，呢個 Victory Park Market 其實都幾近市中心，所以呢泊車又成為一個問題喇，好在附近有Ｄ錶位可以泊下咋 ! 入面好多舖頭都係閂咗門嘅~~~都唔知係執咗定係未開門做生意，睇咗一陣就睇完，因為又係無嘢睇嘅 !

 之後我哋諗住去個Auckland Art Gallery ，但係無位泊車，所以就直接去Auckland Museum ，途經呢個 Auckland Art Gallery ，於是就影張相留念下喇 !

去到呢個 Auckland Museum 又係無入去參觀，因為就快夠鐘閂門，我哋唯有係外面影下相啦 ! 之後就去埋附近嘅 Auckland Domain & Winter Garden ，呢個公園都幾多人係到，有Ｄ人係到行來行去，又成班人係到踢波 ! 入面重有個叫 Winter Garden嘅溫室，入面都幾多花種咗係到，但係唔係好靚囉 !

然後我哋就返間 Inn 都休息下，Hea 一陣就去返尋日食個間韓式餐廳到食晚餐。

今次叫咗個豬扒飯同海鮮烏冬食，味道真係唔錯呀 !

之後就去咗附近嘅一間 Internet Bar 到 Check 下 Email 同埋要Check-in & Book返個機位先，上到去Check 個機位，唔知係唔係航空公司會幫成客劃機位先嘅呢 ?





但係Ｄ位就真係唔係好正喎，劃咗座係中間喎 ! 所以我哋就自己揀過~~~揀窗口位 ! 見時間尚早，於是就去市中心到行下，睇下Ｄ LV 同埋 Gucci ~~~但係 Gucci 就閂咗門，唯有睇住 LV 先喇，一睇發覺平過香港喎 ! 但係都要等埋 Gucci 先…..之後就返 Inn 休息喇~~~

2008 紐西蘭北島遊記第十二日

Day 12 – 7/11/2008



Ash Grove Motel@Haruru Falls à Devonport à Ponsonby Heritage Walk à Lunch@Auckland 壽司店 à Parnell Inn@Auckland à Mt. Eden à One Tree Hill (1) à Cornwall Park à Stardome Observatory à Dinner@KU BICK@Auckland à Auckland City Visit à Sky Tower à Mt. Eden à Parnell Inn@Auckland



住宿 : Parnell Inn@Auckland



今日7:30就出發去 Auckland ，因為想早Ｄ到達Auckland 多Ｄ時候行下，我哋大約11:30就到咗 Devonport

係個碼頭到行咗一陣，又去附近嘅 i-site 到睇下同埋攞Ｄ資料，本來攞完Ｄ資料就諗住走人去Auckland，點知睇到有Ｄ資料話呢到有Ｄ維多利亞式嘅建築物，所以就兜返轉頭，就係咁就睇到呢個區嘅海灣景，成個海灣咁都幾靚架 !

之後就去Auckland嘅 Ponsonby Heritage Walk 到兜咗一陣睇下Ｄ歷史建築物，其實呢一區都幾多歷史建築物，可能佢係近海岸邊，所以比較多人聚居咗係到。

跟住就去Auckland嘅市中心到兜下，睇下有Ｄ咩嘢睇 ! 開頭都幾亂下，因為揸咗咁多日車發覺佢哋Ｄ指示牌指示唔係咁清楚，兜完一排就係市中心嘅一間壽司店都買咗Ｄ壽司當做 Lunch 喇 ! 食完就去搵間住宿嘅Parnell Inn@Auckland 喇，間 Inn 都幾容易搵到….不過就遠離咗市中心都幾多下，揀呢間 Parnell Inn@Auckland係因為有得免費泊車，我哋大約1點鍾就到咗，諗住未有得咁快就可以 Check-in 添，點知又可以俾我哋 Check-in 先喎 ! 整好晒Ｄ行裝之後，我哋就去 Mt. Eden到睇下Auckland 市嘅風景喇，呢個Mt. Eden 其實係一個火山口，不過係好耐之前嘅事囉 !

係呢個山頂到居然會有法輪功嘅人係到喎…一有人到佢哋就係到派嘢 ! 睇完呢個Mt. Eden ，我哋就去 One Tree Hill，呢個One Tree Hill其實係好耐之前已經係無咗個棵樹架啦…個棵樹係俾個毛利人斬斷咗，之後為咗記念就起咗一支石柱喇….係呢個One Tree Hill附近個山都有一個火山口架，似乎呢個係Auckland好多年前都有好多火山爆發過~~~

我哋係到睇呢個One Tree Hill嘅時候其實都幾多遊客到來參觀，重有就係呢個位好大風架~~~之後就去咗附近嘅一個公園叫做Cornwall Park ，呢個公園聲稱有羊、馬、牛之類嘅動物係到，但係我哋淨係見到有Ｄ羊係到食草，Ｄ羊一見到人行埋去佢哋就會走人 !! 想行過去同佢哋影張相都唔得呀 !

不過佢哋都幾寫意，係個草坡上面一路食一路行….之後我哋就去咗睇一個天文台，叫做 Stardome Observatory，唔知入面有無星睇嘅呢 ? 因為我哋都係係門口到睇下咋 ! 跟住本來想去一個叫做 Dress Smart Shopping Centre ，但係兜來兜去都搵唔到係邊到喎 ! 呢個Dress Smart Shopping Centre 其實係一個 Outlet ….但係搵唔到唯有放棄啦 ! 之後我哋就返去Auckland 嘅市中心睇下有無Ｄ咩可以今晚去食嘅呢 ?! 係市中心附近搵到個位泊低之後就睇下附近Ｄ食肆。係Auckland 嘅市中心有好多日本同韓國嘅食店，價錢都唔係好貴，但係有Ｄ韓國食店就無標個價錢出來，你知啦….無價錢都唔知會收幾多架嗎 !所以有Ｄ我哋係無理到嘅…但係睇咗咁多發覺好多都係大約$50-60一個人到，本來想去Sky Tower 附近睇下有無嘢食，咁行行見到近Sky Tower 有Ｄ車位，所以就去睇下泊唔泊到近一Ｄ，就係咁行返轉頭去泊車嘅地方到發現咗一間頭先無留意嘅韓國食店，入面重要有壽司食添呀 ! 我哋叫咗一個飯同一個烏冬食，都唔錯，可以之後反o桌 !

之後我哋就去咗一個叫 Sky City Metro，其實呢一個係一個商場來嘅，入面有個Food Court都有唔少嘢食 !

之後我哋就去咗Sky Tower 嘅 Cassino 到睇下，入面有大小玩，不過要就要最小$5嘅下注額，重有就係無機玩嘅大細機囉 ! 之後我哋係到登記咗做會員，有汽水同埋有Ｄ Discount Coupon送，上去Sky Tower 嘅觀望層只需要$10咋(原價要$25)，平咗成 $15呀!!!

跟住我哋就緊係上去睇下啦~~~其實呢個觀望層同澳門個個差不多，係上面可以睇到Auckland 嘅夜景，都幾靚下 ! 睇完我哋就去咗食 Buffet 個一層到睇下個 Buffet 要幾多錢一位，原來都唔係好貴，都係 $61 一個人，於是乎，我哋就Book咗9/11/2008嘅位喇 ! 之後我哋就去咗日頭去過嘅Mt. Eden 到睇下Auckland 嘅夜景，上到去泊滿晒車，好難先搵到個位泊架車…

不過當時都幾凍下，但係就無日頭咁大風~~~睇完夜景就返去 Inn 到休息喇~~~