Day 8 (5
April 2015) 星期日 (天睛)
Luxembourg(盧森堡) > Schengen > Schwebsange > Remich
> Ehnen > Trier(特里爾) , Germany
行車里數 : 92km
呢間酒店嘅早餐都幾好食，有好多包食。今朝我哋快速咁係酒店食完個早餐就出去影下相，朝早嘅盧森堡市無咩人係到，因為尋日個天氣無咁好，今朝好好天。，重要幾凍下添，我哋重見到D草到有結霜，即係尋晚其實都幾凍下。朝早影相有D背咗光，不過個背景好過尋日好多。
影完相我哋就返去酒店都休息一陣，大概0930到我哋就出發，其實同平時差不多。我哋今日會去德國嘅 Trier，去呢個地方其實係…係搵資料個時，見到呢個鎮都幾近盧森堡，揸過去都係一個鐘多DD，所以就編埋入去呢個行程入面。
計劃係會沿途睇下一條分隔開盧森堡、德國同法國叫 La Moselle 嘅河，重有就係去睇下沿河嘅酒莊~~揸咗一陣好快就到咗第一個景點，行行下見到有個油站，於是就入咗油先，因為之前係網上面睇資料D人話盧森堡D油平D，計返又真係平過其餘個幾個國家喎~~
去到Schengen，見到有一條河係到，我諗應該係 La Moselle河，順便去參觀下呢到嘅酒莊，不過去到間酒莊閂咗門，原來佢哋星期日係唔開嘅~~
咁我哋就繼續沿條河向北行啦，下一個係Schwebsange，入到去呢個鎮…無嘢睇…再去 Remich ，揸揸下見到河邊有D好似櫻花嘅樹，咁我哋就去睇下同影下相，又幾靚喎~~~其實基本上由到荷蘭第一日開始呢個自駕之旅個時都見到好多好似櫻花嘅樹~~我哋諗應該係櫻花來嘅 !! 係呢到影咗都幾耐下，然後再繼續去 Remich又係無嘢睇，呢到有個酒莊，我哋入去睇下先，人都唔多個 !! 啱啱11:00開始咗一個 Wine Tour，我哋11:20到到…下一個就要14:00，我哋應該係唔會等…因為14:00應該到咗 Trier行緊街!! 周圍都無人，我哋就幫襯咗佢哋個廁所~~~之後就去下一個景點 Ehen ，呢到旅遊書話都有酒狀，但係我哋都係搵唔到~~~停咗係一間食店前面，睇下有咩食，但係就無餐牌，唔知有咩食 !!
咁我哋就走人，直接去呢個 Trier 啦~~~去到 Trier 大概 12:20 到咗，見到D人泊晒D車係酒店出面，我哋就泊係到，然後入去 Check in ，順便問下酒店D人可唔可以泊係街到，個個伯伯話可以泊但係呢就無話會唔會抄牌，其實我哋之前已經Book咗泊車係酒店入面，不過就要EUR$10~~~12點幾都可以有房，都唔錯~~~放好行李，之後將架車揸返入酒店，因為都唔知會唔會抄牌~~休息咗一陣，我哋就出去行下同埋搵下嘢食，係酒店房個時順便搵下呢一區有咩食，見到有 All you can eat…
我哋住呢一間酒店，基本上同D景點係好近，一行出去就係個黑門 Porta Nigra(世界文化遺產)，影完相繼續行，睇下沿路有無嘢食同向呢個All you can eat 進發~~~
去到呢間 All you can eat，係日式嘅，不過就唔包嘢飲，我哋入到去個時一個客都無，我哋重以為間嘢係無開添~~~呢一間 All you can eat，其實唔係有好多款嘢食，基本全部都係壽司，無刺生食嘅~~~好在有呢個麵豉湯飲。之後陸陸續續都有D人入來食~~~食完我哋就繼續睇呢個 Trier 嘅景點~~我哋都食咗個幾鐘，兩點幾我哋就走人，但係就越來越多人來食…奇怪…
咁我哋就繼續睇埋其他嘅景點…
Trier景點:
黑門 Porta Nigra(世界文化遺產)來、『Amphitheater 古羅馬羅馬競技場』，不同於集中於舊城區的景點，而是藏身於寧靜的住宅區裡。Barbarathermen 芭芭拉浴堂、Kurfürstliches Palais 選帝侯宮、Forumsthermen 廣場浴堂、Konstantin Basilika 君士坦丁大殿、Dreikönigenhaus 東方三王樓。
世界文化遺產一遊，包括尼格拉城門（Porta Nigra）、凱撒浴場（Kaiserthermen）、君士坦丁大帝加冕教堂（Konstantin-Basilika）、特里爾大教堂（Trierer Dom）和聖母升天教堂（Liebfrauenkirche）
係D景點嘅地方，我哋見到有一間買熱狗同薯條(重要加埋芝士添架，好邪惡~~~)嘅舖頭好多人排隊，又見到有一間中菜館有 All you can eat…嘻嘻…今晚我哋可以諗下食邊一間啦 !!
今日係星期日，D超市全部都無開，所以想補給返D嘢都無地方買，好在我哋之前買定，唔係就瀨嘢~~
夜晚我哋都係決定去食熱狗做晚餐，因為個 Lunch 個 All you can eat 都重未消化晒~~~個熱狗其實都幾好食，唔怪得之咁多人排隊啦 !! 之後就返酒店休息啦，聽日就會返去比利時，重有長車程~~~
住:
Name: Casa
Chiara
Address: Engelstraße 8 54292 Trier Germany
GPS: N
049° 45.662, E 06° 38.610
Tel.: +49651270730
Price: €90
(Standard Double Room) + Parking €8
Remark: Free Wifi and breakfast included
住宿評語:
呢一間係一間應該係家庭式管理嘅酒店，都幾乾淨，不過EUR$90來講其實都幾貴，可能係我Book得遲~~酒店有提供收費泊車。酒店位置係 Trier 景點附近，過一條馬路就到，早餐就好一般啦~~~WiFi都幾快~~
早餐，有好多包...重要幾好食架..
食完早餐，就再去多一次盧森堡市中心都睇多一次
Schengen
Schwebsange
Remich
D櫻花都幾靚...
Ehnen
我哋去到啱啱開咗一個 Wine Tour
Lunch @ Trier ，呢一個係 All you can eat
Trier
Hotel @ Trier
沒有留言:
發佈留言
來到留返句說話先走啦...