~~~活在當夏~~~: 2015 荷、比、盧、德、法自駕之旅 Day 10 (12) 行咗七個鐘，雙腳唔係自己….

2015/05/24

2015 荷、比、盧、德、法自駕之旅 Day 10 (12) 行咗七個鐘，雙腳唔係自己….

Day 10 (7 April 2015) 星期二 (天睛)

Tournai(圖爾奈) > Lille, France (法國) > Waterloo(滑鐵盧) > Bruxlles(布魯塞爾)

行車里數 : 179km

今日都係同平時一樣6點幾就起身，因為今日我哋會去法國嘅一個小鎮 Lille ，呢個 Lille 係一個好近比利時邊境嘅一個係法國城鎮。我哋0830就出發，去到呢個城鎮入面我哋係 GPS 到入咗景點嘅位置，不過因為改路嘅關係，係到兜來兜去，最後要成0930先到~~呢個Lille城鎮其實都幾商業下，應該係一個Shopping嘅好地方~~~不過我哋到嘅時間只係0930，所以呢…好多舖頭都係無開門 !! 於是，我哋就係D GPS話係景點嘅地方到影下相就走人…如果可以住到一晚的話都幾好 !!

之後就繼續我哋嘅行程，下一站係Waterloo ，呢一個 Waterloo 其實係一個…一個戰場嘅遺址，我哋大概11:00到就到咗，就快到嘅時候又出現咗整路~~~又要兜多成十幾分鐘先到，比利時D景點其實都幾好，因為可以免費泊車。泊好架車，我哋就入去睇下入去睇要幾錢~~要EUR$7一個人，不過就包埋一個記錄電影，最後我哋都係無買飛入去睇 !!因為...無咩興趣~~~ 但係就幫襯咗個廁所~~~

之後我哋就行出去，行行下入咗去一個地方，可以影到隻獅子，影完我哋就走人，向 Bruxells 出發 !!

我哋大約係12:00到咗住宿，但係就兜咗一陣，因為搵唔到位停。之後就泊好架車入佢哋個停車場，今日住呢一間似係一間酒店，但係佢又有 Apartment 租，原來我哋住個間 Apartment係唔係呢一間酒店入面嘅，要係另外一幢大廈到嘅~~呢一間 Apartment 都幾大間，不過就無咩嘢咁，得一張枱兩張凳~~~都幾吉下~~

之後我哋就去市中心行下，由住宿行去景點要大概15分鐘到，不過我哋行錯咗方向，所以行多咗成倍時間。大部份嘅景點都係市中心到，都幾集中下~~

去到市中心，我哋首先就搵下有咩食先，先前係住宿到搵過下有間日本嘢食，又係 All you can eat，但係我哋最後都係搵唔到，不過就係附近就搵到一間中式 All you can eat，但係我哋搵到嘅時候已經係淨低15分鐘嘅食用時間，所以又係食麥當當(其實呢到有條食街，D嘢食都唔係好貴，不過我哋後來先發現~~~)

食完我哋就去睇市廣場之類嘅景點，不過呢到最出名嘅就係一個叫尿尿小童銅像嘅景點，係呢個景點附近又有好多買窩夫嘅舖頭，重有好多買朱高力嘅商點。我哋睇咗幾間，不過都無買到，因為費時攞住周圍去，同埋諗住超市買會平D架嗎…點知原來D超市係無得買嘅~~ 我哋行行下都買咗一個窩夫來食，味道都OK啦….

之後就去睇最後一個景點，就係叫尿尿女童銅像…沿路返住宿，其實我哋應該係行呢一邊來先啱架，係呢個尿尿女童銅像附近係有一條食街嘅，唔係太貴 EUR$10都有一個青口食。之後我哋就去咗行超市，諗住買朱高力，不過係無得買，因為買個D只係普通嘅款~另外，又係無嘢食可以買到，係比利時真係比較難買嘢煮來食，唔通有好似香港街市嘅地方買餸嘅?!咁我哋今晚就食福字麵啦!!

返到去整埋個晚餐食完就休息，因為今日行咗成7個鐘，所以攰到亞媽都唔認得~~

住:

Name: Prestige Flats

Address: Rue du Meridien 70 1210 Brussels Belgium

GPS : N 050° 51.313, E 04° 22.144

Tel. : +3222114030

Price : €80 (Apartment) + Parking €10

Remark : Free Wifi, Breakfast included

住宿評語: