2015 荷、比、盧、德、法自駕之旅 Day 16 (18) 又來 All you can eat 加探 B...

Day 16 (13 April 2015) 星期一 (天睛、有雲)

The Hague(海牙) > Madurodam (馬德羅丹小人國) > Vredespaleis(和平宮) > Binnenhof(國會大廈) >ChinaTown@ The Hague > The Hague(海牙)

行車里數 : 25km

今日我哋會係海牙到睇嘢，尋晚食完飯，我亞姨又叫我哋Lunch去唐人街飲茶。我哋食完早餐就出發去呢個Madurodam (馬德羅丹小人國)，今日天氣麻麻哋，天陰又大風，所以都幾凍下。

呢個Madurodam (馬德羅丹小人國)基本上有晒成個荷蘭出名嘅景點，所以我哋都影咗唔少嘅相。好在我哋早到咋，可以影好多相都唔係太多人，呢個景點如果係D影相發燒友我諗影成日都可以。影影下又收到我亞姨嘅Whatsapp，又問我哋幾點到，佢話佢哋十二點就會到喎。其實我無買上網咭架，不過係荷蘭好多景點都有免費WiFi，所以基本上係可以上到網。我哋影到差不多12點先走，途經Vredespaleis(和平宮)，就落車影相，呢個和平宮好似話唔會對外開放個喎，所以我哋都係係門口影相。之後想去埋 Binnenhof國會大廈，但係搵唔到位泊車，所以就無得影相啦，然後就揸車泊返去住宿到，行去唐人街嘅酒樓。

原來今次飲茶係我姨丈同屋企人嘅家庭聚會，所以有好多長輩係到。呢一間酒樓D嘢食都唔錯，不過我哋就唔知到幾多錢，但係應該唔會平囉..
食完我哋就去唐人街附近嘅地方到行下睇下嘢，呢到都有D景點係到。今晚我哋又約咗我表弟(另外一個舅父)食嘢，食日式嘅 All you can eat，又係唐人街附近，之後就會去探我表弟嘅女，因為佢個女啱啱出咗世唔夠一個月。我哋重會係走嘅前一晚返來海牙飲滿月酒添呀~~~
係呢個唐人街行下行下就幾個鐘，都未睇晒D嘢添....

到咗約定時間我哋就同我表弟同表妹食晚餐，佢哋帶咗我哋去一間叫Sumo嘅連鎖店。呢一間都係All you can eat但係呢…淨係得D壽司食，刺生的話要另外加錢~~~重有就係飲料都係要另外加錢架，我哋都係之後先知，因為之前去我舅父同姨丈個到食基本上係任叫任飲嘅~~

呢一間得D壽司食，所以好快會飽，不過佢都有D燒嘢食嘅，好似羊架咁，都幾好食。

食完又去我哋間Apartment 到參觀下，然後就去探BB，順便探埋我舅母。我哋係我舅父屋企坐到成差不多11點先走人，聽日就要去Amsterdam附近嘅一個城鎮Amstelveen到住兩晚，之後就要返香港啦……真係歡樂嘅時光過得特別快….

Name:            Appartement 7nextto5

Address:   Repelaerstraat 7 The Hague City Centre 2515 LW The Hague

GPS          :    N 052° 4.400, E 04° 19.023

Tel.           :    +31628166680

Price   :    €115 (Apartment) + Parking €5 + Tax €3.1/night

Remark     :    Free Wifi

早餐

自沖咖啡

Madurodam (馬德羅丹小人國)

Vredespaleis(和平宮) 

Lunch @ 海牙唐人街

海牙唐人街商店 都有得買福字麵，不過就要 EUR$0.6 一包

今晚我哋就會食呢一間啦...

呢一間車生晒鏽都可以係街行

Dinner @ Sumo

探 B 

飲返碗薑醋先

個B瞓得好淋