2015 荷、比、盧、德、法自駕之旅 Day 4 (6) 又落冰雹...唔係呀嗎...

Day 4 (1 April 2015) 星期三 (大風、陰天、微雨、落冰雹)

Pension Blankebil (Zandvoort) > Volendam (福倫丹) > Edam(埃丹)> Hoorn (霍倫) > Giethoorn (羊角村)

行車里數 : 238km

今日起身出面都係繼續咁大風，不過就好似無之前個兩日咁勁。食完早餐我哋又 Hea 咗一陣，大概9點幾先出發，出到去見到架車嘅窗有好多沙係到，尋晚D風應該勁到吹去來馬路個到，所以車窗先有沙。放好晒D行李就去交鎖匙同埋個泊車牌，好在去到住宿個到有人係到，可以收返條鎖匙同埋個泊車牌咋!

我哋今日最終係會去羊角村，車程都幾遠下架，原先Book住宿個時其實係想係呢個Leeuwarden (盧瓦爾登)到住返日先嘅，不過無晒D住宿同埋價錢又唔平喎…所以就直接去呢個羊角村喇~~係去羊角村嘅途中我哋會去幾個城鎮到睇下嘢嘅。我哋嘅第一站就係去呢個Volendam (福倫丹)，呢個Volendam (福倫丹)係一個小漁村，不過我哋去到就唔多覺得似。係網上面搵到呢個Volendam (福倫丹)有幾個免費停車場(Free Parking)，我哋就泊咗去其中一個到。然後就行去睇下附近嘅嘢，參觀下呢一個小鎮。泊好車落車又係咁大風重要好凍下添，係呢一情況下係會大大影響旅遊嘅時間，因為想睇完就走人~~

我哋去到岸邊嘅一排屋仔，又好多紀念品買嘅商舖係到，重有…真係無處不在嘅強國人又出現 ! 呢到嘅屋都幾特別，我哋係到影咗D相，對出個湖就係艾瑟爾湖(IJsselmeer)，周圍行下睇下影下相，再行入去呢個市中心睇下，其實係想搵廁所，不過係要俾錢嘅。於是，我哋就走人去下一個景點啦~~~ Edam(埃丹)，呢一個城鎮其實無咩特別嘢睇，旅遊書話7-8月先會多人，因為每逢星期三就會有個芝士市場出現。我哋去到都係影下相睇下咁喇，呢個鎮無咩特別嘢睇。之後就繼續行程向Hoorn (霍倫)進發，行行下見都麥當當，見都成十二點就入去食返個Lunch先，呢到嘅麥當當可以自助買嘢食，係部機到揀嘢食就得架啦，不過荷蘭文我哋唔識佢。叫咗兩個餐食，其實係香港基本上我係無食麥當當嘅，除咗有時會食早餐，基本上係成年都食唔到一餐架，不過…呢次旅程都食咗唔少餐麥當當啦。食完去埋廁所就去呢個Hoorn (霍倫)啦…Hoorn (霍倫)無嘢睇嘅…我哋去到佢係Ijsselmeer(艾瑟爾湖)嘅湖邊到影咗張相就走人…點解唔行下呢?一來又係個D市廣場、市政廳、教堂….呢一類嘅嘢，二來就係荷蘭泊車真係幾貴，如果我哋個個城鎮都泊一泊去睇一睇，條數都幾大下~~

影完相我哋就向Giethoorn (羊角村)進發，但係我哋會途經呢個Afsluitdijk(阿夫魯戴克大堤)，呢個Ijsselmeer(艾瑟爾湖)都係因為呢個大堤而形成架。佢係堤霸嘅中途位置有個觀光點，一落車又好似打緊8號風球咁，又係快快影完快快走，重有就係都有D急急哋，又無廁所喎，咁我哋就上車走人啦~~本來打算會去埋呢個Leeuwarden (盧瓦爾登)，不過研究過無咩特別嘢睇，我哋就直接去Giethoorn (羊角村)，係Giethoorn (羊角村)到行下重好。

我哋三點幾就到咗Giethoorn (羊角村)，首先就係要搵呢個住宿Checkin先，呢一間住宿同個泊車位有一段都幾長嘅距離，我哋去攞咗房先。今日住屋仔，間屋仔就對住個湖都幾正，唔好嘅就係搬行李要搬好遠，同埋係收唔到WiFi嘅 !! 好在佢有架車仔俾我哋可以推D行李入去咋，唔係實搬死。淨係搬行李都要攪咗半個鐘有多，之後休息咗一陣就出去行下同埋去附近嘅超市到睇下有無嘢買!!點知行行下落冰雹喎，好在有傘咋~~我哋行下影下相都行咗成個幾鐘，之後行去超市買嘢，個屋主又話好近，點知要行成半個鐘先搵到，早知揸車去搵啦~~~超市都幾多嘢買，買咗D嘢我哋又要行返去住宿到。然後就整嘢食同埋Hea下，因為間屋都幾靚下，如果好天，我諗都幾正，可以係湖邊睇星星，不過今日係又凍有大風同好多雲…可惜

景點資料:

Volendam (福倫丹)(Zandvoort > Volendam 大概1個鐘)(GPS : 52.491025, 5.069413)

福倫丹Volendam這個古老的漁村位於艾瑟湖從前，當艾瑟湖還是個海灣的時候原稱為桑德海這裡的人們都以打漁為生後來荷蘭人為抵擋洪水，在北面建起了攔海大堤海灣也變成了現在的艾瑟湖圍起來的地區變成內海經過多年將境內大量的海水排出不久即能擠走原有的海水而成為淡水湖打漁的人漸漸少了，可遊客卻漸漸多了起來漁村現在仍保有傳統的風貌，就跟著球的鏡頭來去走走吧

福倫丹是荷蘭北部的一個旅遊鎮，人口約二萬二千餘人，主要行業為捕魚和旅遊業。捕獲的魚類通常製成荷蘭式煙熏魚罐頭。 前身是個漁村，仍然保留昔日風味，是阿姆斯特丹居民周末休閒之地，也是到阿姆斯特丹旅客順道游必經之地，市鎮中心的街道，遊人如雲。

途經Edams 可以去睇Edams Museum 芝士市場

GPS : 52.512516, 5.049584

Hoorn (荷恩) (GPS : 52.640182, 5.055100)

古荷恩的美，實在難以用筆墨形容。以往曾有「荷蘭詩人王子」美稱的符德爾(Vondel)為她寫過詩。要感受北海黃金圈輝煌的過去，這古海港真是再適合不過了。荷蘭黃金時代，自荷恩出發的船隻、商隊，行經七海遠達各海岸，從好望角(Cape of Good Hope)到合恩角(Cape Horn)等，與各式各樣不知名的部落進行交易。至今，荷恩仍四處可見16、17世紀時輝煌、繁榮的遺跡，那富麗堂皇的商店、船運事務所、倉庫與海事部建築在水中的倒影，跟以往並無二致。而要深入了解這城市與周遭地區豐富的歷史，最好造訪西菲仕蘭博物館(the Westfries Museum)。此外，這個城市還有一個著名的蒸氣火車博物館(Steamtram Museum)。這個博物館蒐集了荷蘭各地古老廢棄不用的火車，而將其重新整修、粉刷等。所有的復原工作都是事先參考過史料的資料，模擬史料內的照片或描述，以盡可能恢復原狀。例如：火車頭仍舊保有蒸汽式的動力，而連車廂內也仍舊是木製的長凳座椅喔！這座博物館不只是一座靜態展覽火車頭的博物館，更精心設計不同的火車旅程，讓遊客能夠真實體驗如黑白電影情節般的復古火車之旅！！一般，蒸汽火車行駛的路線從荷恩(Hoorn)到梅德布雷克(Medemblik)為主，較長的行程還包括：從梅德布雷克(Medemblik)到恩克森(Enkhuizen)的蒸氣船之旅，最後抵達恩克森(Enkhuizen)的南海博物館(Zuiderzeemuseum)參觀。南海博物館只能搭乘蒸氣船到達，露天開放式的博物館裡面陳設了各種荷蘭北部漁村的風貌，村莊並安排了演員，表演古早時代的生活方式，即使您向他們問路，他們仍然以以前的舊街道名回答，或敘述那個時代的故事，相當有趣。一般火車之旅與恩克森(Enkhuizen)南海博物館只在每年4-10月開放，但是火車的班次不一，請務必事先查清楚。而門票方面，購買「蒸氣火車+蒸氣船+南海博物館」的3合一的門票，較為划算。

艾瑟爾湖(IJsselmeer)

艾瑟爾湖(Ijsselmeer)，荷蘭第一大湖泊，是荷蘭人民圍海造田的產物，本來是須德海的一部分，如今已經變成了淡水湖。首都阿姆斯特丹位於艾瑟爾湖的西南岸。

荷蘭中北部的淺澹水湖，為1932年築堤將須德海南部、須德海北部以及北海隔開后形成。壩堤位於北荷蘭省和菲仕蘭之間，高出海面8公尺(25呎)，長31公里(19哩)，由粗礫石砌成，下面敷沙，上面敷石頭，至水平面為止，基礎為大圓石支撐在柳木筏基之上。壩堤上建有公路和自行車道，湖堤有船閘，可通駁船和小型海輪。水閘可調節湖水，將其引入萊茵河支流艾瑟爾河，使含鹽湖水變為澹水。這項澹水水源可供給北荷蘭、南荷蘭和菲仕蘭3省而具價值，並對改善3省帶鹽的沼澤地有所助益。昔日的鯡魚、鯷魚以及比目魚等鹹水漁業已為澹水漁業所取代，主要養鰻魚。鰻魚魚苗出生於馬尾藻海(位於北大西洋的一片相當平靜的水域)，在春季由水閘游進湖中。艾瑟爾湖3,440平方公里(1,328平方哩)中的大部分已經攔堤抽水方式圍墾，使荷蘭土地面積因此增加了1,620平方公里(626平方哩)的肥沃圩田。

阿夫魯戴克大堤(Afsluitdijk)(GPS: 52.968678, 5.108261)

阿夫魯戴克大堤是荷蘭的一條攔海大堤，全長32千米，寬90米，平均高度為海拔7.25米，於1933年完工，現在是歐洲E22公路及A7公路的一部分。它連接北荷蘭省的登烏弗和弗里斯蘭省的蘇黎世村，且將北方鹹水的瓦登海和南方淡水的艾瑟爾湖分隔開。這條大堤的設計者是荷蘭著名的水利工程師康奈利斯·萊利。

住:

Name :     Chaletpark Kroondomein Giethoorn

Address   :     Binnenpad 33A 8355 BR Giethoorn Netherlands

GPS           :     N 052° 43.556, E 06° 5.425

Tel.            :     +31653563109

Price          :     €99 (Two-Bedroom Chalet) + Tax €2.5

Remark    :     Free parking and WiFi

住宿評語:

呢一間住宿其實都幾貴，不過係呢一個羊角村來講就一般價錢。住宿包泊車同埋WiFi(我哋住個間屋係收唔到囉)，不過停車場就唔係係住宿嘅隔離，都要行成大概5分鐘先到達住宿嘅範圍(係範圍喎)。佢呢個住宿應該係一路起一路做，因為見到佢重係到不停咁起緊。我哋住個間屋就係最入個一間，對住個湖，個景就真係無敵，成間屋都好大下，因為我哋Book個一間係有兩間房嘅。廚房用具同設備都好正，廁所浴室都唔錯。如果係好天的話，應該可以夜晚係湖邊睇星星到得 !! 不過呢間屋就收唔到 WiFi，如果需要 WiFi 嘅人就唔好揀呢一間屋，叫佢俾間收到 WiFi 嘅屋 !! 整體來講，呢一間屋都幾正 !!

是日早餐，個包係前一日個間住宿到食淨架

Volendam (福倫丹)

 Edam(埃丹)
Lunch @ McDonald

Hoorn (霍倫)
Afsluitdijk(阿夫魯戴克大堤)，望到個個就係Ijsselmeer(艾瑟爾湖)

Giethoorn (羊角村)

Chaletpark Kroondomein Giethoorn

Chaletpark Kroondomein Giethoorn 室內 View

是日晚餐，有扒食