Day 15 (12
April 2015) 星期日 (天睛)
The Hague(海牙) > Kinderdijk (小孩提防) > Rotterdam(鹿特丹) > Scheveningen (席凡寧根海灘) > The Hague(海牙)
行車里數 : 124km
Rotterdam(鹿特丹) 遊覽3小時 參觀立體方塊屋(Cubic. House)、艾拉斯穆斯大橋(Erasmus Bridge Rotterdam) (GPS: 51.909044,
4.487166)、海事博物館(Maritiem Museum Rotterdam)( 51.917670,
4.481959)、小孩提防(kinderdijk)( GPS:51.888522, 4.638806) 有19架風車，荷蘭最多風車的村莊，是世界文化遺產
The Hague(海牙)席凡寧根海灘(Scheveningen)睇海邊雕塑館(Museum Beelden aan Zee)( GPS:52.110914,
4.278435)
今日我哋都係遲起身嘅，因為尋晚夜返，所以無去買早餐，好在我哋重有杯麵係到，就變咗我哋嘅早餐喇。食完早餐，我哋9點幾出發，第一站就係去呢個小孩提防(kinderdijk)。
呢個小孩提防(kinderdijk)都幾大風，入到去我哋就買飛喇，呢到泊車就要收費嘅。之後我哋行行下發覺原來入去睇係唔洗買飛，只係入去睇個風車博物館先要收費，原來係可以唔洗俾錢架…不過算啦，睇下都好嘅。不過又錯有錯著，呢個風車博物館都幾好睇，可以入去睇到架風車入面嘅內部結構，呢張飛可以睇兩個風車，第一個就幾特別，但係第二個就無咩好睇啦。如果唔係咁大風呢，我諗我哋應該會睇耐D，因為呢個景點係全戶外，所以咁大風真係頂唔緊。
之後我哋就去咗Rotterdam(鹿特丹)睇嘢，點知入到去原本Set好去嘅停車場嘅路封咗，開頭以前係整路，點知兜多兩兜好多路都封咗，原來係有個馬拉松比賽，成個市中心嘅路都封晒。好多路都行唔到，兜多兩兜個GPS都去唔到想去嘅地方，咁就唯有人肉 GPS ，好在最後都搵到一個停車場。個停車場就係個立體方塊屋(Cubic. House)附近，之後我哋就沿路參觀，之前聽到我舅母話鹿特丹個車站有嘢睇，所以我哋就去睇下喇，同埋話個到有好多嘢食個喎…咁我哋就順便去食埋嘢，行去呢個車站都唔容易，因為封咗好多路，行都要兜路先去。
去到個車站，個外形都幾靚，不過呢…都唔見有嘢食嘅，入到去就係一個車站來嘅，咁我哋就走人啦~~~後來聽返我舅父講原來要入閘先有嘢睇，重話個入閘唔洗俾錢個喎…
之後就去咗市中心到食 Burger King 做Lunch，食食下收到我亞姨個Whatsapp，話今晚帶我哋去食中餐，係唐人街到。然後就研究下去唔去呢個Delft(代爾夫特)，最後都係無去，因為都係覺得無咩特別，同埋啱啱行到好攰下。臨離開呢個Rotterdam(鹿特丹)，我哋就去睇埋呢個歐洲之塔先走，唔知係唔係搵錯個GPS，最後去到個位係係呢個高速公路嘅路中心…所以搵唔到呢個歐洲之塔就要走…
見咁早，我哋就去呢個海牙嘅席凡寧根海灘，係去呢個海灘嘅路程中又封咗路，攪到塞車塞咗成半個鐘!呢個海灘又係好大風，不過就有好多人係到，個海灘都幾長，有好多人係到玩呢個滑浪風帆，我哋影咗幾張相就走人。
然後我哋就返咗去住宿到Hea下，之後就去咗呢個唐人街到行下，呢到個唐人街都幾大，入面又幾多中國式嘅嘢買，不過好多舖頭都無開，應該係因為今日係星期日嘅關係，好在有間超市重開門啫，我哋就即刻入去買返D早餐食嘅嘢同埋水，好在早少少咋，遲D間超市都閂咗門~~
之後就我亞姨去食中餐，味道其實就一般，不過係外國來講應該都OK嘅，不過價錢就幾貴下，一碟點心都要成三四十蚊港幣。食完就帶我亞姨同表弟表妹去睇下我哋間 Apartment…重有幾日就要返香港啦，成二十嘅旅行話咁快就過咗…
Name: Appartement 7nextto5
Address: Repelaerstraat 7 The Hague City Centre 2515
LW The Hague
GPS : N
052° 4.400, E 04° 19.023
Tel. : +31628166680
Price : €115
(Apartment) + Parking €5 + Tax €3.1/night
Remark : Free
Wifi
杯麵早餐
去景點途中見到有人揸架好有形嘅車
Kinderdijk (小孩提防)
Rotterdam(鹿特丹)
立體方塊屋(Cubic. House)
車站
跑緊馬拉松，封晒路
Lunch @ Burger King
The Hague(海牙) 唐人街
中式晚餐
沒有留言:
發佈留言
來到留返句說話先走啦...