2015 荷、比、盧、德、法自駕之旅 Day 19 & 20 (21) 歡樂嘅時光過得特別快，又係時間講拜拜....

Day 19 (16 April 20015) 星期四 (天睛、有雲)  & Day 20 (17 April 2015) 星期五 (天睛)

Amstelveen > Amsterdam (阿姆斯特丹) > Amsterdam Schiphol Airport > HKG

行車里數 : 47km

今日就要返香港啦，不過就係下午五點幾點，即係我哋三點幾先到機場，叫做都有D時間啦~~~食咗一個好豐富嘅福字麵加德國腸同蛋嘅早餐，之後就執個喼，因為驚過重。然後就係 Apartment 到 Hea到成12:00先走人~~~之後我哋就去咗 Amsterdam 嘅市中心到行下睇下嘢，但係我哋就無咩特別嘅行程，順便食過 Lunch。

我哋今日就行另外一邊去市中心，呢邊都幾多嘢睇個喎，順條路行就去到個市廣場啦。個個幸福魔天輪終於都整好，重有人玩緊添，今日我哋就諗住食熱狗嘅，因為尋日見到都想食架啦。呢隻熱狗可以自己加料，我哋加咗好多料落去~~~不過無冰島個隻咁好食~~

我哋行到兩點鐘到就走人去機場，因為都重要去機場還車，還車前重要入油。諗住去到機場附近先入，點知一路行都唔多覺有咁，所以行行下就改個GPS去沿路嘅油站，點知又兜咗好大個圈喎~~最後入到去還車個到就三點喇…還車過程非常快，每次都係問個句嘢，就係架車得唔得…

然後就去寄行李，有一件行李啱啱30.X kg，個職員無理，重問我哋荷蘭好唔好玩，我答佢好大風…佢係到笑…

之後本來想係機場到睇下有無嘢買，但係又裝修緊喎，咁我哋咪入去候機室到等下囉。又見到有好多好似係強國人嘅黃種人喎，上到機~~坐我隔理個個黃種人男人有好大陣口氣，連呼出來嘅氣都係臭嘅~~~

之後佢個朋友行埋來傾計，鬼死咁大聲，個空姐示意佢哋細聲D，細咗一陣又繼續過~~真係頂佢哋唔緊 !!

然後返到香港，等攞行李又等咗好耐，因為海關要抽查，唔知係唔係懷疑有人帶大麻呢 ?

呢個荷蘭、比利時、盧森堡、德國、法國之旅真係一陣就過咗~~~成個行程天氣變化都幾大，咩天氣都有。好在我哋比較Hea嘅啫~~~歐洲好多個國家嘅嘢其實都差不多，我哋都去咗超過一半，咁下一次我哋去邊呢? 瑞士、法國~~~羅馬尼亞、保加利亞 ??? 定係希臘呢 ? 

豐富早餐

 Amsterdam (阿姆斯特丹)

Lunch

Hot Dog

入停車場要用返張飛先可以入到去

還車了

飛機餐...普普通通

返到香港喇...