~~~活在當夏~~~: 2015 荷、比、盧、德、法自駕之旅 Day 6 (8) 比利時列日市....點解咁...

2015/05/16

2015 荷、比、盧、德、法自駕之旅 Day 6 (8) 比利時列日市....點解咁...

Day 6 (3 April 2015) 星期五 (大風、陰天、微雨)

Arnhem(阿納姆) > Nijmegen(奈梅亨) > Thorn(托倫) > Maastricht (馬斯垂克 ) > Liège(列日市比利時)

行車里數 : 242km

今日食完個美味嘅早餐先出發，個早餐係可以去樓下附近嘅一間餐廳食或者係屋入面食，係屋入面食的話，佢就會準備好晒放係雪櫃到等你自己食。我哋就選擇係屋入面食，其實個早餐都相當豐富，有麵包、Ham、芝士、果汁…重有即沖咖啡，真係好正~~
食完呢個美味嘅早餐，我哋就出發喇。係去停車場嘅途中，我哋行經市廣場，尋日都已經見佢哋搭晒架係到，原來係朝早有個早市係到嘅。咁我哋放好行李，就去睇下呢個早市喇。其實都係買一般嘅嘢，但係團友居然可以買到兩條保暖褲喎~~呢到重有麵包買，都幾香!!重有就係芝士、菜之類嘅嘢買。之後就返去停車場出發啦，我哋今日嘅目的地係去比利時嘅列日市，不過會途經幾個城鎮順便睇下。

第一個城鎮係Nijmegen(奈梅亨)，我買個本旅遊書無講到呢個城鎮有咩睇，係網上面就搵到

Nijmegen(奈梅亨)

大賭場、巴巴羅薩廢墟(Barbarossa ruins)、古渡稅所(gudu tax)、城牆上的望景樓(the walls of the Belvedere)、市政廳(City Hall)、計量所、聖施戴文斯教堂(St. Skei Day Vince's church)、聖尼古拉斯教堂(St. Nicolas's church)、猶太教堂 (synagogue)，這兒山清水秀，風景優美，悠久歷史，名勝古跡眾多。

但係呢~~我哋淨係搵到個教堂St. Nicolas's church，影下相先啦~~然後，想再搵下個望景樓，但係無資料，所以最後我哋係繼續行程，去下一個景點Thorn(托倫)。

Thorn(托倫)有白城之稱(White Town)，搵到個免費位泊車然後就行入去個鎮到睇嘢，入到去~~~好似無人咁，成個鎮好~~~~寧靜~~係行到去個教堂到先見到有幾個應該係遊客嘅人，我哋都係係教堂附近到影下相周圍蕩下，本來上搵下呢個咩 Panoramic View，但係跟住個指示去都搵唔到，最後係無搵到嘅，因為要慳返D腳骨力~~~

之後我哋就繼續向南前進，順便睇下有無嘢食，係網上面見到有話係Maastricht有個大型嘅 Outlet ，咁我哋就去睇下啦，因為個到應該都會有嘢食，點知跟個GPS去搵，行嘅路應該重係去過比利時添，因為行行下D路又舊又殘，感覺唔係係荷蘭，又俾個GPS老點咗~~~咁我哋就返去市中心到搵食，順便遊覽下呢個鎮。

係GPS到入咗個市中心嘅停車場，好順利咁去到，但係呢~~無位喎，咁我哋就周圍兜下先，好在又搵到街位泊喎，不過泊街邊一個鐘到要成EUR$2.6架。泊好我哋就去搵食，其實先前兜圈個陣已經見到有間麥當當，泊好車就順便一路行一路搵，不過最後都係搵唔到啱嘅~~~咁就食麥當當喇，食完重有D時間淨，就係附近嘅地方到行下啦~~~

之後，我哋就繼續向比利時嘅烈日市進發，行行下重落起雨來添，大概一個鐘後到到咗烈日，咁我哋就去今晚嘅住宿到 Check in，雨重未停。今晚我哋會住呢個 Hostel ，點解會住 Hostel ，因為係搵住宿個時搵來搵去都搵唔到啱心水嘅，其實有一間 Apartment，不過就遠離市中心，又有一間酒店，不過D嘢同 Hostel 差不多，又無得免費泊車喎。基於我哋係呢個市都只會逗留半日到，所以盡量都係搵D近景點嘅住宿。之前就問過呢一間 Hostel 係邊到有得泊車，咁呢一間 Hostel 就 send 咗D資料俾我，附近有得免費泊車嘅。老實講，呢一間 Hostel 係成個 Trip 入面最差個一間。放好咗D行李，我哋就出去行下呢個烈日市，就出發之前就問下 Reception 邊都有安全嘅位又免費嘅位置，之後佢哋就話我哋知係邊條街會安全D我哋泊車個，咁我哋準備去揸架車去個D街個時，佢哋Hostel D職員就俾個位我哋泊，話呢到泊基本上係無問題，其實個個位都係係原先泊個個位揸前小小。

之後就去呢個市中心睇嘢，呢個烈日市主要睇嘅嘢唔多，我哋一路行一路都見到有好多黑人同埋D包頭嘅女人出現，見到D黑人就不自覺地覺得呢到嘅治安好似唔係幾好咁~~去到市中心重多黑人同埋D包頭嘅女人，D黑人見到我哋成日用D唔係好友善嘅眼光望住我哋。重有就係唔知點解呢個烈日市感覺好殘舊咁，D建築物嘅外牆黑色嘅，好舊~~~行行下又有D黑人係都鬧交，所以我哋都係快快影完就走人。睇完D景點，我哋就去行下超市，睇下有無嘢買做今晚嘅晚餐。D超市就幾大，但係無咩啱買，買咗D水之後就走人，好在我哋有嘢食咋，如果唔係都唔知食咩好啦。之後就返去Hostel到休息同整晚餐食，今晚我哋係食福字麵。食完就返房到改裝D床，因為佢哋淨係得單人床，但係Book個時張相唔係咁，俾張相棍咗~~~今日我哋又改咗係海牙嘅住宿，團友話之前個一間個樣唔得喎，改Book咗另外一間，呢一間比原先個一間貴多每晚 EUR$20，因為我哋會係海牙連續住三晚，團友話要住好D~~

住宿資料 :

Name: Auberge de Jeunesse de Liège

Address: Rue Georges Simenon, 2 4020 Liège Belgium

GPS: N 050° 38.495, E 05° 35.058

Tel.: +3242230080

Price: €58 (Double Room) + Tax €6.96

Remark: Free public parking and Wifi and breakfast included,Shared kitchen

住宿評語:

呢一間係 Hostel ，基本上呢唔會有咩嘅特別好嘅設備，我哋Book嘅房係有浴室同廁所嘅，廚房就係地下到有個 Share 嘅。WiFi其實就只會係 Public Area 先有，即係係房基本上係收唔到嘅，不過我哋住個間房就係一樓，勉強都可以收到嘅~~~我哋住個一間房只係有單人床，重要係碌架床來嘅，咁我哋就唯有自己改佢做雙人床，放兩張床褥落地下打地鋪啦~~~不過唔知點解夜晚越瞓越凍，朝早起身發覺個部中央控制嘅暖油機係唔暖嘅，都唔知係唔係夜晚會熄?! Hostel有提供早餐，基本上都可以食得飽，但係佢哋好耐先會 Refill D嘢，我哋見到有D比較遲落來食早餐嘅人，只係有麵包可以食，個D Ham，芝士完全係無得食~~~泊車方面，其實Hostel附近有幾條街都係可以免費泊車嘅，所以基本上泊車都應該唔係問題~~總括來講呢一間住宿係可以達到基本要求嘅…

美味嘅早餐，呢一餐好豐富