~~~活在當夏~~~: 2015 荷、比、盧、德、法自駕之旅 Day 3 (5) 風車村...都係風繼續吹....幾時先吹完啊...

2015/05/02

2015 荷、比、盧、德、法自駕之旅 Day 3 (5) 風車村...都係風繼續吹....幾時先吹完啊...

Day 3 (31 March 2015) 星期二

Pension Blankebil (Zandvoort) > Zaanse Schans (桑斯安斯風車村) > Haarlem (哈勒姆) > Pension Blankebil (Zandvoort)

行車里數 : 88km

今日我哋會去呢個桑斯安斯風車村同埋附近嘅城市到睇下嘢嘅，食完自製早餐大概10點到就出發。我哋去到呢個桑斯安斯風車村個時首先兜咗去佢哋個停車場到睇睇先，嘩~~要 EUR$9 停車費真係幾貴，係網上面見到有話可以停係附近嘅街到，於是我哋就兜咗去附近嘅街到，見D車又無放D Parking 嘅收據同埋又無D Parking Permit 放係車到，咁我哋就泊咗係呢條街到啦~~~

不過其實條街離開個景點都有成10分鐘路程架，一落車就覺得好大風，真係好似打緊8號風球個樣咁架 !! 行去個景點到要經過一條橋，嘩~~~大風到呢…吹得起一個人架 !! 今日個天陰陰，如果天氣好同無咩風，呢個景點應該可以睇成4~5個鐘先走人。我哋係戶外影完相就立即走人，搵D室內嘢睇。呢個桑斯安斯風車村其實都幾多遊客，我哋首先入咗一間做芝士嘅舖頭，入面都好多人，重要應該係強國人添。呢間芝士嘅舖頭入面有得試食架，D芝士都幾好食，重有朱高力食添味道都唔錯。睇完就順道睇埋其他，其他嘅好多都係買紀念品嘅舖頭。之後就去咗遊客中心到坐下，因為實在係好大風呀。然後我哋就去咗一間買荷蘭嘅木鞋嘅，我哋又試著下，又幾得意，行幾步又幾好無咩問題，不過長著我就唔係好得~~~然後我哋就沿路返去泊車個到去下一個景點 Haarlem，呢個 Haarlem 市其實無咩特別嘅嘢睇，不過見係附近就去埋睇下啦。歐洲一般市鎮都係市廣場、市政廳同教堂…之前睇過資料，泊街要 EUR$3.9/hour，停車場就 EUR$2.4/h ，咁我哋去到就睇下街錶位啦，真係要 EUR$3.9/hour架，咁就泊停車場啦。個停車場係泊係市中心景點附近，我哋邊睇邊搵嘢食，因為未食Lunch。行行下見到有一間 All you can eat 食日本壽司嘅舖頭，不過團友唔知係唔係水土不服，個肚唔係幾舒服，所以最後就食咗 Subway 。食完見都就快一個鐘我哋就走人喇，點知停車場唔知點解會收多咗個喎，收咗 EUR$3.2，泊咗 1hour18minutes，我哋泊咗一個鐘都無，可能係最低消費呱。

再睇下附近有無咩睇，都無咩睇，我哋就返去住宿個到啦~~~然後就去超市買嘢食，因為聽日去嘅羊角村有機會會買唔到嘢食都唔定~~~

返到住宿都差不多4點啦，我哋上咗去住宿到 Hea 咗一陣就出去超市買嘢。行行下見到間 Casino ，其實尋日都見到架啦，不過今日就諗住入去睇下啦。點知話要ID Card 同埋 EUR$5 ，嘩~~ID Card我就知係用來 Check 下幾多歲，EUR$5一個人都唔知做咩 !! 所以我哋最後都無入到去 !!今日晚餐就食肉球加意粉同埋磨菇湯，食完就休息喇…

景點資料:

桑斯安斯風車村(Zaanse Schans)

荷想看風車？最理想的去處之一就是桑斯安斯。從阿姆斯特丹往北15公里，便可看到Zaandam區的風車朝氣蓬勃地轉動著。Zaanse Schans對觀光客來說是一個開放空間式的博物館，但對於17~18世紀的荷蘭人而言，卻是生活與工作的場所，在這裡可以看到荷蘭人如何利用風車產生動力，碾磨製造顏料的木材。進入這個區域的並不收門票，不過有些開放參觀的風車的博物館會酌收入費。這裡還有各式各樣的小博物館，例如乳酪工廠、蕾絲手工藝品店、木鞋工廠等等，相當有趣。Zaanse Schans也是個騎單車旅遊的好去處，您可以沿著桑河繞行，既不會迷路，還可以一邊欣賞田園風光。交通：從阿姆斯特丹中央火車站搭火車，在Koog-Zaandijk站下車。步行15分鐘。

Opening times: Monday to Friday 8:00-12:00 and 13:00-16:00
Address: Schansend 7 1509 AW Zaandam

Tel: +31 (0)75 681 00 00
E-mail: info@dezaanseschans.nl

Parking: €9

Remarks:

In some street between train station and Zaanse Schans you can park for free. Ask before you park if it is aloud and free.

泰勒博物館(Teylers Museum) www.teylersmuseum.nl (無去到)

泰勒博物館於1784年正式對公眾開放。之前的幾年，Pieter Teyler van der Hulst就已經過世了。他將自己的藝術收藏捐贈給一個基金會，以推動藝術和科技的發展。這個荷蘭最古老的博物館直到現在也沒有太大的變化，那些來自於18世紀的文物收藏仍是那麼的獨一無二。

泰勒的收藏從化石、礦物質，物理儀器，錢幣，紀念章到眾多的油畫、素描作品以及如藝術倫勃朗和米開朗基羅的作品，你在博物館都可以看到。你可能認為這是一個與眾不同的組合，但是別忘了，這可是荷蘭最古老的博物館。在那個時候，科技也被認為是藝術的一種，啟蒙運動的規則被樹立起來。

回到那個時代泰勒博物館帶你回到那個時代。範圍如此之廣、種類如此繁多的收藏非常值得你來參觀。參觀完博物館後，你可需要用剩下的時間去回味一下這些美麗的藝術品和令人驚豔的科技物品。

Address : Spaarne16 2011CH Haarlem The Netherlands
T +31 (0)23-5319010
F +31 (0)23-5342004
E info@teylersmuseum.nl
Opening hours : Tuesday till Saturday 10 a.m. to 5 p.m. , Sundays and public holidays 12 a.m. to 5 p.m., Closed on Mondays, Christmas Day and New Year's Day. Please check opening hours for the Dutch Holidays here.
Entrance fees : Adults € 12,00

住:

Name : Pension Blankebil

Address : Hogeweg 13 2042 GD Zandvoort Netherlands

GPS : N 052° 22.268, E 04° 31.578

Tel. : +31651337696

Price : €65 (Standard Studio with Sea View)

Remark : Free parking and Wifi

住宿評語:

其實本來上搵 Lisse到嘅住宿，不過搵唔到，無意中睇到呢一間。以65歐一晚來講又有泊車又有WiFi都叫幾抵。我哋住個間房一入屋就會見到床，之後就有個細廳仔連廚房，一般 Studio 嘅格式。個廁所就比較細，個屎塔重要同個洗手盤好近添~~都唔知點大隻嘅外個人點樣可以去廁所。廚房有晒基本嘅用具，所以都幾好。不過重有一樣嘢就係如果有大件行李要搬上兩層樓，我就當做下運動，如果搬唔到嘅就要諗諗喇。泊車就好方便，佢會俾一張 Parking Permit 你，然後就咁泊係住宿出面嘅車位就得，都幾方便。住宿行5分鐘到有一間超市，再行遠少少可以去到呢到嘅市中心，都有幾間餐廳。附近重有一個沙灘，都幾大下架，如果唔係大風嘅話，我哋都會行下嘅。總括來講，呢一間都唔錯，值得考慮。

是日早餐