Day 13 (10 April 2015)
星期五 (天睛、有雲)
Bruges(布魯日) > Antwerpen (安特衛普) > Dordrecht(多德雷赫特) > Hellevoetsluis > Dordrecht(多德雷赫特)
行車里數 : 337km
Antwerpen (安特衛普) 市內觀光
Dordrecht(多德雷赫特) 環繞老城區的運河、達聖母大教堂、 幾條河的交匯處、小城，只花半天就可以大體看上一遍
今日我哋會由比利時返去荷蘭，不過就會途經一個比利時嘅城鎮叫Antwerpen (安特衛普)。今朝個早餐無尋日個個咁美味，少咗D Ham同埋變咗做炒蛋!!
我哋今日0900就出發，去到Antwerpen (安特衛普)大約1000到，呢個Antwerpen (安特衛普)無咩特別咁，我哋都係睇咗個市廣場同埋教堂就走人啦…
然後，大概1300就到咗Dordrecht(多德雷赫特)，重有得Checkin埋添…
呢間住宿都幾靚仔，不過個廳、睡房同埋個廁所都係分開嘅，即係其實同一間民宿差不多。其實都錯，不過弊就弊在我哋樓上原來重有一個房係租俾人嘅，條樓梯就會經開我哋住個一層，無咩私癮咁。
之後我哋就食豆沙包做午餐，然後就去附近嘅超市都買水同埋聽日嘅早餐。
之後我哋就去市中心到睇教堂，兜咗一排先搵到，因為個 GPS 唔識行，我哋就唯有人肉 GPS啦…
之後就去Hellevoetsluis到探我係荷蘭其中一舅父。由Dordrecht(多德雷赫特)去呢個Hellevoetsluis都要成40分鐘架。但係最後用咗成50分鐘先到，大概1730先到。去到我表弟就係到，坐咗一陣我舅母就返，我哋重飲咗D湯。我舅父呢一家人過咗來荷蘭都有成22年，都幾耐下。之後我表弟就帶我哋踩單車出去呢個鎮到睇下，呢個鎮其中都幾鄉交下，平時佢哋都係玩下自耕，得閒就去岸邊睇日落~~~嘩~~我諗我唔得囉~~呢個鎮都有D嘢睇下，因為近岸嘅關係，有D炮台同埋防空洞，不過呢個 Dordrecht(多德雷赫特)其實就無咩睇….
之後大概七點幾到就去我舅父做嘢個到食嘢，佢做嘢個到原先係做鐵板燒，家下就變咗做日式加中式 All you can eat，出門個時我舅母重話今晚我舅父會好忙，因為係星期五晚~~~
點知我哋去到得一台客，個老闆娘同我舅母傾計就話今晚唔知點解無客，連另外一間中式菜館都係咁。可能係今日熱得濟嘅關係都唔定，因為今日有成二十幾度，都真係幾熱~~D外國人一熱夜晚就會唔食嘢，淨係飲啤酒同食炸嘢…
呢間All you can eat 其實都唔錯，重有叉燒食添，不過當然無係香港食到嘅咁好味啦~~
我哋食到差不多十點先走人，走之前重入去廚房到同我舅父影張相先走。係行返去我舅父屋企個時，我表弟又話呢到有間食雪糕幾好食嘅，又買咗來叫我哋食，味道都唔錯，不過其實我哋好飽…行到返我舅父屋企時，我舅父又啱啱返到，點解會咁快返到來，因為佢踩單車返工囉! 講咗幾句我哋就撤退啦，因為都成十點半喇…
返到Dordrecht(多德雷赫特)都成1130到，我哋即刻就沖涼瞓覺，好在之後嘅行程都唔係好趕啫，可以休息下~~~
住:
Name: Slapen in Dordrecht
Address: Boris
Pasternak-Erf 100 3315 BR Dordrecht Netherlands
GPS : N
051° 47.971, E 04° 43.534
Tel. : +31628748102
Price : €85 (One-Bedroom Apartment)
Remark : Free
Wifi and parking
住宿評語:
呢間住宿都幾靚仔，不過個廳、睡房同埋個廁所都係分開嘅，即係其實同民宿差不多。其實都錯，不過弊就弊在我哋樓上原來重有一個房係租俾人嘅，條樓梯就會經開我哋住個一層，我哋去廁所、廳都係要經過呢一個位，無咩私癮咁。住宿有得免費泊車，就咁泊係屋出面就得。重有WiFi都好快下~~~呢一間屋嘅屋主好似有幫人做Massage嘅，因為我哋見到有好多香薰嘅嘢…
早餐無尋日個個咁美味
Antwerpen (安特衛普)
Dordrecht(多德雷赫特)
Hellevoetsluis
有湯飲....
自己種嘢食
Dinner - All you can eat
我舅母 & 表弟
三文魚都幾新鮮
我舅父
Ice Cream....好多當地人都有食
Slapen in Dordrecht
由個廳望出去，就係廁所同埋睡房~~~重有條樓梯上樓上
沒有留言:
發佈留言
來到留返句說話先走啦...