~~~活在當夏~~~: 2015 荷、比、盧、德、法自駕之旅 Day 14 (16) 又來 All you can eat again....

2015/05/25

2015 荷、比、盧、德、法自駕之旅 Day 14 (16) 又來 All you can eat again....

Day 14 (11 April 2015) 星期六 (天睛、有雨)

Dordrecht(多德雷赫特) > Utrecht(烏德勒支) > Gouda(豪達) > The Hague(海牙)

行車里數 : 195km

行程:

Gouda(豪達): 豪達的市鎮廳(Stadhuis)、聖揚教堂(Grote of St.Janskerk)、起司計量所(Kaaswaag)

Utrecht(烏德勒支): 參觀主教塔(Domtoren)(GPS: 52.090728, 5.121263)、舊運河(Oudegracht)、碼頭、大型購物中心 (Hoog Catharijne)(GPS: 52.090335, 5.112114)、圓頂大教堂（Dom Tower）(GPS: 52.090728, 5.121134)、德哈爾古堡(Kasteel De Haar)( GPS:52.121440, 4.985877)、主教塔（Domtoren）成人7.5歐元

今日我哋比平時遲咗起身，因為尋晚太夜瞓呀嗎…之後就整早餐食同埋又上網搵下去嘅地方泊車嘅資料。攪到成1030我哋先出發，第一站我哋係去呢個Utrecht(烏德勒支)，原先我哋唔係今日去呢個Utrecht(烏德勒支)同埋Gouda(豪達)，不過睇過咁樣玩應該會順路D。

Utrecht(烏德勒支)睇主教塔，運河就好出名。今日天氣麻麻哋，我哋去到呢個Utrecht(烏德勒支)重有落雨，不過行行下就停咗，真係好彩~~~呢個Utrecht(烏德勒支)都幾商業下，重有幾多嘢食咁，不過我哋都係睇嘢多，我哋睇完個主教塔同運河就走人。
之後就去咗Gouda(豪達)，呢個Gouda(豪達)要睇嘅嘢係晒個市廣場到，個市政廳都幾特別，重有個叫芝士計量所，舊時就會幫人量芝士有幾重，家下就買芝士~~我哋重係呢到食埋個Lunch，今日我哋就食Subway…

食完行咗一陣，我哋就去The Hague(海牙)，一路去The Hague(海牙)都有落雨。到咗The Hague(海牙)嘅住宿都重落緊，搵咗個住宿嘅負責人，佢就帶我哋去我哋會住三晚嘅住宿。

呢一間住宿係我哋臨時改嘅，因為之前個一間團友話見唔到個樣，有D擔心唔知係咩房。同埋話要住三晚咁多，住返一間好少少嘅，所以臨時搵到呢一間，又好在搵到啫，不過就貴過之前個一間每晚貴EUR$20，加埋泊車同個咩City Tax就要成EUR$125一晚，係成個旅程最貴嘅一間。

呢一間住宿係成間我哋住晒，都幾靚仔，係英式嘅設計。成間屋有客廳、飯廳、廚房、廁所、睡房重有個花園仔。廚房設備非常齊全，浴室應該可以焗Steam，不過我哋無試，重有洗衣乾衣機。不過個廁所係個敗北之處，有一陣怪味，應該係因為個屎塔高得濟嘅關係，真係幾高下架~~~

去到The Hague(海牙)，我哋又係要去探下我D親戚，因為我重有一個亞姨同埋一個舅父係住係荷蘭，兩個都係住係The Hague(海牙)。

今晚我哋約咗我亞姨，去佢屋企到坐下，然而又有得飲下湯。坐到差不多，我哋就去我姨丈開個一間餐館到食晚餐。呢一間餐館又係食日本嘢，主要係 All you can eat，味道好過尋日另外一個舅父做嘢個一間，我哋食到差不多10點幾先走人。之後我亞姨又想去我哋住個間 Apartment到睇下，然後我姨丈就叫我跟住佢行。不過因為我哋最後都係跟GPS行，之後話咗個住宿位置俾佢哋知，但係佢哋都係兜唔到入來我哋住呢到，因為我哋住呢個位係單程路，所以真係幾難入。

之後我哋就沖涼同洗衫~~~

Name: Appartement 7nextto5

Address: Repelaerstraat 7 The Hague City Centre 2515 LW The Hague

GPS : N 052° 4.400, E 04° 19.023

Tel. : +31628166680

Price : €115 (Apartment) + Parking €5 + Tax €3.1/night

Remark : Free Wifi

早餐