2017 四國自駕之旅 (9) 19/4/2017 Day 3 (Wed)
Renaissance Naruto
Resort > 第九の里物產館 > 阿波おどり會館 > 眉山 > 徳島市SOGO > Lunch@德島麵王 > Clement Plaza > YOUME Town徳島 (MC: 56 405 823*11) > 眉山山頂停車場 (MC: 56 229 649*10) > 徳島市酒店
住 : 東横INN徳島駅前 (MC: 56 261 170*56)
今日又係好好天，間酒店嘅早餐都幾多選擇，都幾美味。食完個美味早餐我哋就出發啦，尋日去個個士多啤梨園嘅士多啤梨幾好食，我哋諗住離開呢個鳴門市之前去睇下有無得買，有就買返盒食下~~~不過就啱時間就會去啦，但係想早D出發嘅，最後都搞到差不多九點幾先出發
第一站就去買士多啤梨，不過都係尋日個D貨來嘅，唔係好靚，我哋買咗三盒¥1000。之後我哋就去一個道の駅第九の里物產館， 呢個館都幾多嘢睇，好似一個小型超市咁。隔離重有個有兩層高的建築物鳴門市ドイツ館，入面話有D模仿板東收容嘅環境而建嘅嘢，不過我睇佢有D似呢個音樂展覽館多D。係呢個第九の里物產館隔離重有個鳴門市賀川豊彦記念館，我哋都係無入去嘅~~~
之後我哋就直去呢個阿波おどり会館，呢個館就係德島市入面。之前搵個下D泊車，附近就無免費泊車位，係呢個館嘅前面就有地下停車場可以泊，¥700可以泊到18:00，都幾抵~~泊好車我哋就去呢個阿波おどり会館喇。我哋買咗套票，可以去睇呢個阿波舞、阿波舞博物館同埋眉山吊車。我哋去到啱啱開始咗呢個阿波舞，梗係入去睇啦，唔等~~~不過呢個阿波舞反而無尋晚係酒店睇咁好睇喎，可能呢到嘅阿波舞係以呢個介紹同推廣阿波舞為主啦，所以佢哋跳下又停下咁~~~
個阿波舞博物館都係講返呢個阿波舞嘅歷史同埋一D佢哋表演嘅嘢，之後就搭吊車上眉山啦，日頭睇就無咩特別，但係可以睇到成個德島市。
之後我哋就去行街同搵食，係Sogo地下到有一間元祖大判燒買紅豆燒餅，我哋買咗一個來食，¥70一個非常抵，重要幾好食添喎。之後就去咗德島麵王到食Lunch，呢個麵都幾好食。食完就去附近嘅Cement Plaza行下，呢個商場有間Tokyu Hands Truck Market入面都幾多嘢買個喎，我哋都買咗D嘢。
之後就去咗YOUME Town到行下，呢個YOUME town 都幾多嘢行同睇，呢到都幾多嘢食架，我哋係呢到食埋Dinner先走。然後就揸車上去眉山，係呀~~其實眉山係可以揸車上去架，不過夜晚上去就少人~~我哋一開始泊咗一個比較遠嘅停車場，之後先搵到個近嘅停車場。話時話，夜晚上去無咩人係到，都有D驚驚，不過係日本就比較安心D。
夜景嘅德島市都幾靚，個萬花筒夜晚睇靚好多~~~
睇完之後就去酒店Checkin同休息啦~~~我哋咁夜返酒店都有D驚無位泊車架，睇佢張登記紙，我哋好似係最後一個位!好在啫~~~
聽日就會去呢個谷祖溫泉啦~~~
眉山山頂停車場 (MC: 56 229 649*10)(免費泊車)
早餐都幾多選擇
第九の里物產館
鳴門市ドイツ館
阿波おどり會館
阿波舞
阿波舞博物館
眉山吊車
萬花筒
元祖大判燒
德島麵王
Dinner
德島市夜景
沒有留言:
發佈留言
來到留返句說話先走啦...