~~~活在當夏~~~: 2017 四國自駕之旅 (13) 23/4/2017 Day 7 (Sun)

2017/07/10

2017 四國自駕之旅 (13) 23/4/2017 Day 7 (Sun)

2017 四國自駕之旅 (13) 23/4/2017 Day 7 (Sun)

SuperHotel 高知天然温泉 > 高知日躍市 (Sunday Market) > 道の駅あぐり窪川 >安並水車の里(四カ村溝の水車) > 四万十川にかかる沈下橋 > Lunch@四万十屋 > 足摺岬 > 万次郎足湯(白山洞門) > 高知県酒店

住: あしずり温泉郷　足摺パシフィックホテル花椿 (MC: 907 195 558*62)

我哋今日要早起身，因為高知城係星期日有個日躍市即Sunday Market，個範圍都幾大下。我哋係酒店食完早餐，將D行李攞咗上車到，然後就去行呢個日躍市。

我哋大概0730到到咗，D攤檔都開咗大概有7~8成到，大部份都係買蔬果同漬物，重有幾檔係買熟食，好似D串燒同埋炸嘢同埋有D飲嘢咁。我哋都買咗D來食，D炸蕃薯真係幾好食~~~重有試咗D大福，不過就唔係好軟囉。行嘅期間，都聽到唔少廣東話，睇來呢個四國都有唔少香港人來咗喎..

睇完就返酒店攞車出發，今日嘅車程其實都幾遠。我哋途經一間超市，又入去入下貨先，順便去方便下。跟住去到一個道の駅又入去方便下，啱啱見到有串燒買，就買一串來食下，都幾肥，但係又幾好食喎….

大概12點幾到咗安並水車の里(四カ村溝の水車)，無咩人，我哋就影下相。然後就去睇呢個四万十川にかかる沈下橋，睇完一個又想去另一個，不過係旅遊書嘅資料，入咗去個GPS到，竟然係係個海到~~

好，去唔到，我哋就去食Lunch，Lunch我哋就會去呢個四万十屋，呢間食店出名食野生鰻魚。我哋1點幾去到，成間食店滿咁濟。我哋叫咗一個天然一個人工養嘅，天然嘅肉比較實D同埋無咁肥，人工嘅就淋D同埋肥D，可能天然嘅平時活動比較多呱。

之後我哋就直去呢個四國嘅最南端足摺岬喇，呢個足摺岬要行一段仔路先到，有得免費泊車，不過我哋去到個時咁啱有個位泊咋，唔係就要再搵位，呢個足摺岬睇日落應該幾靚。睇完我哋就順便去埋呢個万次郎足湯，呢個万次郎足湯都幾企理個喎，係呢到重可以睇到呢個白山洞門添架。睇完我哋就去酒店Checkin，又見到有兩班香港人。呢間酒店其實都幾舊下，房入面係無Wifi嘅。不過佢哋個露天溫泉都幾正，可以望住個海來浸架，但係就要行一段好長嘅路囉 !! 重有呢一間酒店好多老外住個喎，唔知點解呢~~

呢到個晚餐非常豐富，食極都未食完咁，食到好飽。今晚要早休息，因為聽日要長途車去貓島呀~~~

須崎市道の駅 (MC: 181 183 098*86) (免費泊車)

道の駅あぐり窪川 (MC: 362 228 277*10) (免費泊車)

安並水車の里(四カ村溝の水車) (MC: 466 306 387*63)(MC:276891869) (免費泊車)

四万十川にかかる沈下橋(免費泊車)

勝間沈下橋 (mc:784788160) (免費泊車)

佐田沈下橋 (MC:466331374) (免費泊車)

Lunch @ 鰻魚專門店～四万十屋 (MC:276 804 101*24)(Tel.0880-36-2828) (免費泊車)

足摺黑潮市場 (MC:907196387) (免費泊車)

足摺岬 (MC: 907 197 553*66) (免費泊車)

万次郎足湯 (MC: 907 196 509*17) (免費泊車)

SuperHotel早餐