2017 四國自駕之旅 (16) 26/4/2017 Day 10 (Wed)
道後温泉 茶玻瑠 > 今治大橋展望台、來島海峽展望館 > タオル美術館ICHIHIRO> 香川県 > 琴平町酒店
住 : ことひら温泉 琴参閣 (MC: 77 383 311*05)
停車場 (MC: 77 383 108*33) ¥500
今日天氣預測係100%會落雨嘅，果然係無錯，所以原先今日會去行呢個金刀比羅宮就改聽日，因為聽日會好天!
呢間酒店嘅早餐都係一般，無咩特別，食咗一陣我哋就走人喇。食完我哋就出發去睇呢個今治大橋先，去到今治大橋都係重落緊雨，我哋就影幾張相之後入去行下個今治大橋展望台同埋來島海峽展望館就去下一個景點喇。
下一個景點就係呢個タオル美術館ICHIHIRO，去到居然係無晒泊車位，咁我哋就咁泊係停車場嘅路邊啦。呢個タオル美術館ICHIHIRO有好多旅行團來參觀，重有個香港團添呀。
D人係咁買D毛巾好似唔洗錢咁樣，我哋啱啱來到個時去到買嘢食個一層放咗好多嘢食出來俾人試食。行完晒返轉頭個時已經收起晒，可能係好多人都係咁食又無買，所以收起晒!!
係呢個美術館入面買毛巾嘅地方，有好多都係貓嘅毛巾，重有姆明同埋佢哋個個系列嘅公仔。我哋順路去睇埋入面個個毛巾博物館，入面有介紹點樣去織毛巾，重有唔少得D姆明，重有其他藝術家跁作品。之後我哋去一個地方食Lunch，點知原來個個係一個超市來嘅，無嘢食!! 咁我哋就係車個個 GPS 入面搵食喇，係附近有得食，跟住去~~~行行下見都有迴転寿司食，我哋就入咗去喇~~
不過我哋就唔係食咗好多，因為頭先係美術館入面我哋食咗好多嘢。食完我哋就去琴平町間酒店先，有成80幾公里，應該好快到。但係條路就唔知點解好多車同埋好多燈位喎，其實中間有諗過上有料道路，不過最後都係無，我哋大概1530先到酒店，用咗成兩個鐘車程先到~~~
今晚住嘅酒店原來都幾大規模下個喎，呢晚住宿係呢個旅程第2貴，其實價錢同小豆島差不多。入去Checkin，D服務都幾好個喎，講解非常之詳細。之後就有個職員帶我哋去我哋間房，然後就講下間房有D咩同埋我哋幾點食Dinner同埋邊到食~~~今晚我哋間房又係有私人風呂嘅~~間房都幾大下，都幾靚，個私人風呂係出面一個桶，可以慢慢浸!
我哋首先浸下個私人風呂先，然後就係呢間酒店都行下，又去咗大浴場到浸下，重有按摩椅坐添呀。之後就等食Dinner，呢一餐係食Set Dinner，呢一間酒店嘅菜色都幾Fusion 下，重要幾好味喎。食飽又去玩呢個按摩椅，然後就上房浸呢個私人風呂。聽日就會去行呢個金刀比羅宮，所以我哋食早餐時間就係0700，居然有0700呢一round喎…
酒店嘅早餐
タオル美術館ICHIHIRO
Lunch 迴転寿司
ことひら温泉 琴参閣
私人風呂
ことひら温泉 琴参閣Dinner
沒有留言:
發佈留言
來到留返句說話先走啦...