2017 四國自駕之旅 (19) 29/4/2017 Day 13 (Sat)
ベイリゾートホテル小豆島小豆島 > 二十四の瞳映画村 > 岬の分教場 >
一徳庵醤油廠 > マルキン醤油記念館 > 京宝亭 > 天使之路 > 土渕海峽 > 土庄港観光センター >
高松酒店 > 丸亀町商店街
住 : スーパーホテル高松・田町店 (MC: 60 606 215*10)
全世界最窄的海峽~土渕海峽 (MC: 364 817 890*86) (免費泊車)
小豆島汽車渡輪預約 29-4-2017 1445
土庄港(土庄のりば)(MC: 364 846 213*54)(Tel:0879-62-0875) (免費泊車)
今日個行程好輕鬆，所以唔洗早起身!!呢間酒店嘅早餐好普通，無咩特別，我哋食其件嘢就走人，又有小豆島嘅醃漬物食。食完早餐我哋大概9點鐘就Checkout，Checkout時重送咗小豆島嘅嘢食，味道都幾好食個喎。我哋今日第一個景點就係呢個二十四の瞳映画村，最初我哋以為係無咩嘢睇，因為呢個村其實係拍呢套戲個時搭嘅景來嘅。但係入面D嘢都幾特別，建築物係以拍攝個年代構建，幾特別。入面變咗做買嘢嘅店舖，同埋入面有D油菜花田係到都幾靚。呢到我哋都行咗幾耐下，呢個景點其實有兩個位置架，一個係個村，另一個就係間學校。買飛個時同個個人講要套票，原來最後佢賣咗個淨係一個景點嘅飛俾我哋，咁係岬の分教場間學校我哋就無睇啦~~因為村入面都有一間學校睇過
之後我哋就去咗睇一徳庵醤油廠，食咗支醬油雪糕，但又唔係好覺有醬油味喎~~~D廠入面有好多醬油同埋D漬物買，順路就去睇埋其他マルキン醤油記念館同埋京宝亭。今日呢個小豆島嘅醬油廠唔知有咩Function搞，好似有D嘉年華會咁樣，所以搞到無位泊車。
睇完我哋就順路去碼頭個邊，一路去一路搵食，路經一間食麵嘅我哋就入去啦，啱啱好有個位。入到去都要等一陣先有位，我哋叫咗一個熱食同一個凍食嘅麵，凍食個個好味D。食完就去睇天使之路，今次去到就水漲，條路唔見咗，重大風過尋日。
然後我哋就去睇全世界最窄的海峽~土渕海峽，呢到其實以條河多過似海峽。睇完就去碼頭等船，架車泊咗入去排隊，我哋就行去碼頭個間土庄港觀光中心睇下有無嘢買，不過無咩特別嘢，所以就無收穫。
搭咗又係大概70分鐘到，就返到高松，然後就去酒店Checkin，我哋3點到到咗，有D房都重執緊，今次呢一間SuperHotel我哋會連住兩日嘅。上到房Hea咗一陣就出去行下街同埋搵地方食Dinner，我哋行咗成兩個幾鐘，買咗D嘢，最後係酒店附近嘅一間食店到食咖啡飯，D咖哩都幾好食，不過餸就少咗D，但係就好好味。
聽日就會主要睇高松同埋高松周邊嘅景點，行程已經去到尾聲啦。
早餐
Lunch
天使之路水漲
全世界最窄的海峽~土渕海峽
SuperHotel
Dinner
沒有留言:
發佈留言
來到留返句說話先走啦...