2017 四國自駕之旅 (14) 24/4/2017 Day 8 (Mon)
あしずり温泉郷 足摺パシフィックホテル花椿 > 道の駅よって西土佐 > 虹の森公園 > 內子町 > 內子座 > Lunch@下芳我邸 > (青島と長浜定期旅客船)
> 青島 > 內子町
> 中芳我邸ゲストハウス
住 : 中芳我邸ゲストハウス (MC: 234 183 382*10)
下芳我邸 (MC: 234 153 830*78)(店舖有30個免費泊車位)
今日個車程幾長下，所以我哋就會用有料道路。呢一間酒店嘅早餐都好豐富，味道一般啦，唔會太特別! 我哋第一個景點就係呢個道の駅，呢一個道の駅其實都係路經，原來佢係啱啱新開嘅，唔怪得之咁新淨啦~~~
我哋入去行咗一個圈，重買咗一包米，食咗喇，幾好味喎!!
之後就去呢個內子町，今日我哋就行呢個有料道路，大概用咗一個鐘就去到內子町。我哋大概11點到咗內子町，係內子町好似無咩地方可以泊車，係網上搵到可以免費泊車嘅可以泊係内子座個邊，有幾個位可以泊!! 我哋最後係泊咗係呢個上芳我倶楽部出面，不過我哋就無入到去睇，諗住返轉頭先睇，不過最後都無睇到，因為我哋趕去搭船!
呢都全部都係D兩層高嘅建築物多，都幾古舊下。見都差不多係食Lunch時間，我哋都一路睇一路搵下有無咩食，同埋今晚都會係呢到食Dinner。最後我哋就係下芳我邸到食Lunch，呢到主要係食蕎麥麵，我哋就叫咗兩個Set來食，兩個都幾好食。食完就繼續睇嘢，我哋行到去呢個内子座到，就行入去諗住參觀下，原來呢到有得導賞，個個導賞員重要識講英文添呀~~~不過就用咗多D嘅時間，因為佢每一個地方都介紹同講解~~~呢個内子座咁多年前嘅建築物，但係入面都幾多機關，真係估佢唔到，有機會大家都要來睇下~~
睇完就攞車走人，我哋13:10出發，去到個碼頭都係13:35，重有成個鐘先開船。呢到有個停車場專門係俾搭船嘅人泊車嘅，我哋都係泊咗係入面!!
之後，我哋就去咗呢到個車站都放低D嘢。其實架船一早已經係到，只係我哋行到去個時都唔知係點都買飛。14:00到我哋就行去條船到，原來已經有人係船上面，飛就係船上面買嘅。
艘船好準時14:30就開，15:00就到咗青島(貓島)，碼頭有幾隻貓係到，但係就無成堆貓出來歡迎我哋囉~~~
之後我哋就沿藍色線行，原來呢到有個專區係用來餵D貓貓嘅，我哋係香港就定咗D貓糧來餵佢哋架啦。但係有D都重係好驚人，又D就好污糟，有D 睇落去應該係有病嘅~~~
其實重有其他人帶咗D嘢食入來餵佢哋，我哋入到去個時已經有兩個人係到，個兩個人唔知幾時入來，因為頭先搭船個時都唔見佢哋，可能佢哋係搭第一班船入來都唔定!!重有一個應該係台灣嘅家庭來嘅，都係一早入來，我哋係呢到大概見都有20-30隻貓貓到，唔係好多~~其實呢個島都好似重有D嘢行，不過我哋就無行都，淨係係到餵貓~~
玩完我哋就走人，我哋係買來回飛嘅，所以一定有位出返去嘅，返到去長濱大概16:45到。好，我哋就去今晚内子町嘅住宿(中芳我邸ゲストハウス)到Checkin啦，不過我哋去到個時全部舖頭到收晒檔，個住宿個到又無人係到，又無聯絡可以搵到，周圍又搵唔到人喎。好在係呢個住宿隔離有間屋係到，有個婆婆係到，我哋用盡我哋嘅身體語言同佢表示我哋Book咗呢到住，佢居然明白，重帶我哋去間舖到，當然間舖就閂咗門啦~~最後呢位婆婆幫我哋打電話搵呢個負責人，個負責人好似係上芳我倶楽部個職員，因為我哋今日來到個時入去行咗一個圈。
之後佢就用Google Translate同我哋溝通，佢主要講呢到係 Share Bath，要係出面間浴室，重有就係唔包嘢食，Checkout時間同埋介紹下附近有咩食，大概用咗成半個鐘到。
之後我哋就揸車去附近嘅超市都買聽朝嘅早餐，重入埋油添。見到佢寫 ¥118/l ，原來係未計稅，計埋就要 ¥127到，都叫幾抵。但係入完就將淨返嘅錢出咗張飛，但係又見唔到有Cashout嘅機喎，重有成幾千日元係入面，點算呢?! 佢個都其實有一個好似站咁嘅建築物，但係睇來去唔知有人。好在行埋去有個人係入面開咗窗問我做咩，我咪俾張咭佢，佢由自動俾返錢我喎…好在啫
之後就揸車去搵食，係附近搵到間迴転寿司，個到應該係市中心，都有唔少食店係到，呢間寿司點完嘢食就會用返附近迴転帶送來，開頭我哋唔知所以無攞到，等咗好耐都未來又點過，之後就見到無神神有幾碟寿司係到閃，原來係我哋點個D寿司來嘅~~~
食完就返去休息，呢間住宿其實都幾靚，重要幾大下，入面都幾多設備係到架，但係就無Wifi~~~沖完涼我哋就休息啦~~~
早餐都好豐富
重買咗一包米
中芳我邸ゲストハウス
青島(貓島)
青島貓貓
貓貓好為食
中芳我邸ゲストハウス
迴転寿司
沒有留言:
發佈留言
來到留返句說話先走啦...