2017 四國自駕之旅 (12) 22/4/2017 Day 6 (Sat)
渓谷の隠れ宿 祖谷美人 > 道の駅南国 風良里 > 西島園芸団地 > 桂浜水族館 > 土佐鬥犬中心 > Lunch@土佐タタキ道場
> 高知城 > SuperHotel 高知天然温泉> Dinner @ ひろめ市場 オフィシャルサイト 弘人市場 > SuperHotel 高知天然温泉
住: SuperHotel 高知天然温泉 (MC: 73 215 393*63)
今日我哋就早D 起身，因為團友想玩多次按摩椅先去食早餐。呢到嘅早餐都幾好食，食完我哋就走人，未夠9點就出發，呢個個職員重送埋我哋出去，重要睇住我哋走到好遠先返入去。
入面都幾多生果買，我哋買咗個蜜瓜同埋一盒士多啤梨，埋單都係¥1500咋，真係好抵~~~我哋重係呢到買咗D手信添! 原先都諗住去摘士多啤梨，不過入都去睇過全部都好細粒，所以最後都係無去摘。
之後就去咗呢個桂浜水族館，周圍兜過無免費位，最後就泊咗係呢個桂浜停車場。呢個水族館其實無咩嘢睇，唔睇都無損失 !! 附近重有個海津見神社龍王宮同埋呢個高知県立坂本龍馬記念館，不過我哋都無去到睇。去睇埋個土佐坂本龍馬像，個到搭咗個枱，好似係唔知咩150周年，可以近距離咁睇個像，當然係要俾錢啦。然後我哋就行去個土佐鬥犬中心好似無開到，咁我哋係個禮物中心到行下，買咗D嘢就走人。
揸來呢個水族館個時見到有一艘好似船嘅嘢係附近，見到好似有D嘢食，見係呢個水族館到都無咩嘢啱食，咁我哋就揸去睇下有無嘢啱啦。呢到有幾間食店，最後我哋揀咗蹈草炙燒鰹魚生魚片，自己燒都幾過癮，不過都係燒一陣就得。件蹈草炙燒鰹魚生魚片其實都幾大舊，基本上一定夠食，味道重要幾好食添喎~~~
食完我哋就去高知城到睇下，高知城附近有得泊車，泊好車我哋就行去睇下呢個高知城，我哋都係睇外表嘅，所以無入到去睇。之後就去酒店到Checkin，泊咗架車先，上房到食咗個蜜瓜同埋士多啤梨，然後就行去呢個弘人市場。酒店行過去，大概15分鐘到，途中都有D嘢睇下，重有大丸百貨添，又有條商店街都幾多嘢睇。
去到呢個弘人市場個時成個場都係人咁濟，要等位!!不過呢個場有樣嘢唔好就係可以吸煙，所以好大陣煙味，感覺好似落咗酒吧咁樣!!D人買咗D啤酒就係到食煙吹水~~~
我哋搵完位就買咗明神丸蹈草炙燒鰹魚生魚片，不過無Lunch咁多同埋貴D，重有餃子(因為見好多人買，所以買)、炸海帶同一杯雞尾酒。食完我哋就走人，因為好多人係到等位。返到酒店食埋D生果，因為頭先只係食咗一半。
之後就要洗衫，聽日重要去呢個Sunday Market，所以要早起身~~~
早餐都幾好食
道の駅南国 風良里食栗子雪糕
D士多啤梨好抵買
蜜瓜又好抵
好細粒，所以最後都係無去摘
桂浜水族館
坂本龍馬像
Lunch@土佐タタキ道場
高知城
SuperHotel
沒有留言:
發佈留言
來到留返句說話先走啦...