17/10/2015 (星期六)
Day 1
香港 > 北海道札幌 > 東橫INN 北海道札幌薄野南 > 簿野區 > 狸小路 > 東橫INN
今次我哋係早機出發，班機係10:00起機，所以我哋就要0730出發去機場啦。去到機場超多人，睇來香港人真係好鍾意去旅行 !! 今次呢間香港航空每人得個20kg行李限額，但係我哋兩件行李去個時都差不多每件已經接近20kg，又唔可以加大個限額喎!! 過咗就當超重~~每kg要US$20，都幾多下~~~所以我哋無得買嘢喔。
寄完行李就去食返個breakfast先，諗住係未過海關食會快D，去咗大雞鑊到，嘩~~又係好多人，要排成半個鐘先買到嘢食，因為佢哋買飛同攞餐都係同一個counter到，所以每一個人買嘢都要等一等。重有原來係好多強國人都係到食，佢哋唔係好鍾意去”趣那”食嘅咩?!
食完過海關又遇到一班有可能係國際學校嘅學生，成班人亂咁來插隊，唉~~~真係無嘢好講~~
過咗關我哋就去登機閘口，因為要搭接駁巴士去登機，所以就要預多D時間。上到飛機無神神又話有個客人重未登機又要等下，足足遲咗差不多成40分鐘先起飛，食咗個簡單嘅飛機餐，睇咗兩套戲就到咗札幌喇。
係飛機上面，D空姐派咗張入境申報表，但係我又見到其他人有另外一張唔知咩嘅表又填咗喎，但係個空姐又無俾我哋喎!之後去到就入境啦，過海關，點知到最後攞埋行李出境時原來有要俾多一張申報表，原來係機上面見到其他人有另外一張嘅係行李申報表，耐無去過日本真係唔知道，之後又要再填返。
出到去就去地下到搵返個租車 Counter ，北海道將D租車嘅服務統一晒係一個Counter負責，佢哋會幫你聯絡間租車公司，然後就來接你去攞車。係去個 counter 個時，又見到好多強國人將D行李放晒係地下到放嘢，又一箱二箱咁阻住晒，北海道都被佢哋攻陷咗啦….
去到個 Counter 到又係排晒長龍，差不多全部都係香港人，等到成1730先有車來接我哋去攞車。今次我哋係經http://tc.tabirai.net/car/ 呢一間到租車，架車係係 オリックスレンタカー (ORIX) 提供嘅，我哋租18日，費用係 82890日圓，即係每日大概HK$300
(4605日元)，都幾抵。今次我哋係租 Honda
Fit 3 Hybird 4WD，呢架車係見到佢有 Promotion 做緊，可能先咁平，平時見好多 Hybird 車都係要十幾萬日元 !
個接我哋個職員開車都開得幾慢下，成十分鐘，去到都無其他客仔係到 !! 等咗一陣就有人招呼我哋，個個職員D英文都幾得下，佢重介紹咗個全保俾我哋，都係加多差不多8000日元，又唔係貴喎，所以買咗，重有加埋個 ETC ，四百幾日元。之後就有另外一個職員帶我哋去攞車喇，循例睇下架車個外圍有無花，跟住就教下點開架車~~~~攪好晒都已經係下午六點~~~好出發，我哋嘅北海道之旅正式開始。
我哋嘅第一站係札幌，係日本揸車可以行有料道路，如果係好夜嘅話又趕時間就會行，由新千歲去札幌要千幾円，唔係貴嘅，不過我都係鍾意行無料多D，因為多D嘢睇。
放工時間都好似幾多車下，我哋成1930先到咗札幌住宿，今日我哋係住東橫Inn，香港人應該唔會陌生~~泊好架車。就去Check
in ，個職員話我張 Member
Card 係舊款，話要換一張新嘅，不過同張舊嘅都差不多!!
之後就出咗去搵食，本來就想去食成吉思汗肉，不過好似幾熱氣，所以就去食回転寿司。間回転寿司係薄野區入面，我哋都係求其搵一間，味道就一般啦，之後就去咗狸小路到行咗一陣就返住宿休息!!
住宿 : 東橫INN 北海道札幌薄野南
電話 :
0115511045
費時 :
6669日圓 (禁煙雙床房) 泊車 :
800日圓
GPS :
43.05459000806357,141.36009691178006 MC
: 9 493 229
行走距離 :
52km
第一次坐Hong Kong Airlines
無嘢睇嘅
維生食品
畫面一轉就去到機場登記攞車嘅 Counter，有90%係香港人
租車中心，我哋去到個時係無其他人嘅...
將會陪伴我哋18日嘅戰車
出發了
話咁快就去到酒店嘅相
東橫Inn雙人房雙床 ，又幾大間喎...
出去行返個圈先
是日晚餐------- 回転寿司
團友大愛嘅三文魚子
海膽就好食過香港，但到係麻麻哋
呢一件好好味
呢一件都好味
行下狸小路先
行完,,,,
嘩.... 真係好多人攞車喎, 我上年去冇人攞, 可能冬天既關係啦~
回覆刪除寫快啲啦, 我等緊參考架~~~~
準備中.....
刪除