2015 北海道自駕美食之旅 - 住宿篇

住宿篇

呢一次住宿有東橫Inn、SuperHotel、DormyInn同埋其他，東橫Inn同SuperHotel係用佢哋嘅網入面訂。其他嘅都係用Jalan訂同Booking.com，其實重可以用樂天訂嘅，不過呢~~~我睇過就唔係差好遠，所以集中咗係 Jalan 到訂。今次住過 DormyInn發覺佢D房都幾大，同埋早餐係幾豐富下，一般價格都係¥10000樓下，不過如果遲訂無晒房個價就會越來越高~~~好，下面就係我哋住嘅酒店啦 !!

Day 1

住宿 : 東橫INN 北海道札幌薄野南

地址 : 〒060-0056  北海道札幌市中央区南６条東２丁目１-１             電話 : 011­551­1045

費時 : 6669日圓 (禁煙雙床房)  泊車 : 800日圓

GPS : 43.05459000806357,141.36009691178006                          MC : 9 493 229

評語 :

呢一間東橫INN 座落係薄野區，同札幌站有一段幾遠嘅距離，不過佢有提供專車接駁，要最車站都唔係問題。泊車位都幾多，重有佢位處嘅位置行5-10分鐘就到薄野區食店，都幾方便 !! 呢一間東橫INN 嘅房都幾大間，早餐都係提供簡單嘅嘢食~~~今次去住D好似東橫INN同SuperHotel同 DormyInn都有一部空氣清新機係到~~泊車方面，係泊立體停車場，唔知可唔可以出出入入嘅呢?因為個晚無試過!! 酒店有洗衣乾衣機，不過我哋未洗用住，要買洗衣粉~~

Day 2

住宿 : Chalet Fuyuri(CHALET 富遊里)(Booking.com)

地址 : 〒076-0035 富良野市学田三区2264番-4            電話 : 81167220534

費時 : 12960日圓 (禁煙雙床房)  泊車 : 0日圓 Car Park MC 450 058 202

GPS : 43.34614587635327,142.36236331865348                         MC 450 058 238

評語 :

呢一間係一間 Apartment 來嘅，位置其實都幾吊腳，夜晚去有機會會搵唔到，我哋都搵咗好耐先搵到，無車去都幾唔方便。呢一間Apartment有兩層，下面係睡房，上面係客廳、廚房同埋廁所。有埋洗衣乾衣機提供，部機重幾正下，重要有埋洗衣鹼液提供埋添…呢一間Apartment都幾靚，可以睇到日出~~其實佢好近一個滑雪場，我諗佢係滑雪嘅季節應該會好旺下 !! 泊車方面，係屋出面有停車位，基本上可以求其泊，我哋就停咗係門口到!!

Day 3

住宿 : スーパーホテル 旭川 (SuperHotel)

地址 : 〒070-0030 北海道旭川市宮下通11丁目767-3              電話 : 0166-21-9000

費時 : 8000日圓 (禁煙雙床房)  泊車 : 500日圓

GPS : 43.76302693,142.36440439                                       MC : 79 344 245

評語 :

SuperHotel，之前去東北個時基本上有佢嘅地方都會Book，因為佢有溫泉浸同埋佢嘅早餐都真係幾得 !! 基本上 SuperHotel 嘅房都唔係好大間，要放兩個喼真係要諗諗計先得 !! 今次去住間間嘅 SuperHotel都有一部空氣清新機係到~~~泊車方面，酒店停車場係地面，不過我諗如果揸架車走會無咗個位，不過酒店係附近都有其他嘅停車場~~酒店有洗衣乾衣機，平過東橫Inn，洗衫¥100，乾衫都係¥100~~~重要有埋洗衣鹼液提供埋添

Day 4

住宿 : Dormy Inn Wakkanai(ドーミーイン稚内)(Jalan)

地址 : 〒097-0022 北海道稚内市中央２丁目７－１３                電話 : 0162-24-5489

費時 : 8790日圓 (◇禁煙◇ダブル(16.5平米)W1450シモンズベッド♪)  泊車 : 800日圓

GPS : 45.41826359,141.67480623                        MC : 353 876 853

評語 :

DormyInn 第一次住，之前係網上面睇人哋D評語都話呢一間係唔錯嘅酒店，今次住過又真係喎。如果再去日本，呢一間係首選，雖然佢貴東橫Inn差不多有一倍，但係佢嘅房大好多，同埋又有溫泉浸，早餐重要係呢….無得頂 !! 呢一間係稚內嘅，有勝手丼食添呀，攪到團友食到 Over 咗….泊車方面，係泊立體停車場，可以同 Counter 講會揸架車出去，咁就可以自由出入架啦~~~酒店有洗衣乾衣機，係浸溫泉個到，不過我哋無用到，無睇到幾多錢，有免費洗衣鹼液提供埋添~~~

Day 5

住宿 : 層雲峡　朝陽亭(Jalan)

地址 : 〒078-1795 北海道上川郡上川町層雲峡温泉               電話 : 0162-24-5489

費時 : 17200日圓 (和モダン（夕食：バイキング）)  泊車 : 0日圓

GPS : 43.72578429,142.95197559                        MC : 623 204 741

評語 :

比較大嘅一間溫泉酒店，我哋訂咗一泊二食。晚餐比想像中遜色，重遇到好多講普通話嘅人，唔知係唔係強國人呢? 好老實講，一有強國人出現嘅地方，服務質素同埋可以享受到嘅嘢就會下降，呢一個係我今次去完北海道嘅體會~~講返間酒店，溫泉都係一般啦，不過我去個日男湯呢一邊唔係露天嘅。早餐都係好一般，酒店嘅食物，我哋覺得 DormyInn嘅早餐重好食D添呀。至於泊車，基本上見到位就可以泊 !!

Day 6

住宿 : 東横INNオホーツク・網走駅前

地址 : 093-0046 北海道網走市新町１丁目３番３号               電話 : 0152-45-1043

費時 : 7182日圓 (禁煙ダブル)  泊車 : 0日圓

GPS : 44.02065279,144.25328931                        MC : 305 675 176

評語 :

呢一間東橫Inn係正車站對面，間房都幾大下，話時話其實佢 Double Bed 嘅房係比SuperHotel大間嘅。呢一間東橫Inn係唔知係一個星期內嘅星期幾夜晚就會有免費嘅咖哩飯食，我哋睇過都幾多人去食個喎 !! 泊車佢有立體停車場同埋地面停車場，因為我哋都唔知會唔會揸車出去，所以就話要泊地面停車場，不過D位都幾窄下。酒店有洗衣乾衣機~~~

Day 7

住宿 : Akan No Mori Tsuruga Resort Hanayuuka(阿寒の森鶴雅リゾート花ゆう香) (Jalan)

地址 : 〒085-0467 北海道釧路市阿寒町阿寒湖温泉1丁目6番1               電話 : 0154-67-2500

費時 : 19940日圓 (禁煙ダブル)  泊車 : 0日圓

GPS : 43.43388763,144.09906756                       MC : 739 342 701

評語 :

呢一間酒店開頭去到搵唔到，原來就係眼前，呢到泊車係要放低條車匙比佢哋泊，因為就咁泊係門口。酒店大堂都幾靚，望住個阿寒湖，我哋間房都係望住個阿寒湖，如果好天就正啦~~~呢一間酒店，我哋係一泊二食，晚餐非常之出色，D嘢食種類都幾多選擇，重要係每一檯都會有一份另外嘅刺生添呀，不過D雪糕就差咗D !! 早餐都係好正，有好多嘢選擇，整體嘅食物質素都唔錯 !!

Day 8

住宿 : ホテル　ねむろ海陽亭(Jalan)

地址 : 〒087-0041 根室市常盤町2丁目24番地             電話 : 0153-22-8881

費時 : 15000日圓 (禁煙ダブル)  泊車 : 0日圓

GPS : 43.33111381,145.58261469                          MC : 423 580 372

評語 :

根室，無咩酒店選擇~~~呢一間酒店其實都OK，泊車就泊係對面嘅停車場，要搬返D行李去酒店都要行十幾二十米。間房都幾大，不過廳同埋房就間開咗。呢一間酒店有溫泉浸，不過我哋無浸到!! 酒店早餐都OK，不過不失~~~

Day 9

住宿 : スーパーホテル釧路駅前 (包早餐)

地址 : 〒085-0014　北海道釧路市末広町14丁目1-2            電話 : 0154-25-9000

費時 : 5420日圓 (早割☆２８日前予約☆NET限定販売☆/禁煙)  泊車 : 500日圓

GPS:42.98951762,144.38431555                          MC : 149 256 407

評語 :

呢一間SuperHotel係釧路駅隔離，離和商市場都幾近，我諗10分鐘腳程內。泊車佢有兩個地面停車場係酒店隔離，都幾方便。原來間間SuperHotel嘅早餐都有D唔同，呢一間嘅免費飲料機嘅飲品係最正嘅~~~洗衫¥100，乾衫都係¥100~~~重要有埋洗衣鹼液提供埋添。呢一間嘅溫泉我無浸，因為去視察環境嘅時候見到好多馬蘭路係到，個溫泉又唔係大，所以就無去浸 !!

Day 10

住宿 : 天然温泉白樺の湯　ドーミーイン帯広 (包早餐) (Jalan)

地址 : 〒080-0012 北海道帯広市西2条南9丁目11-1                電話 : 0155-21-5489

費時 :  9890日圓 (☆禁煙☆コンフォートルーム（17平米）)  泊車 : 1000日圓

GPS:42.9218211,143.20166474                        MC : 124 624 290

評語 :

又係DormyInn ，呢一間係市中心附近，不過我哋去到個時到好晏下，所以D商場到收咗工 !! 呢一間泊車又係要泊立體停車場，不過有幾個地面停車場嘅位，因為我哋又係唔知會唔會揸車出去，所以就泊咗係地面停車場到。呢一間都係有溫泉浸，早餐有呢一區嘅特色食物，豚肉丼食 !! 酒店有洗衣乾衣機，係浸溫泉個到，不過我哋無用到，無睇到幾多錢，有免費洗衣鹼液提供埋添~~~

Day 11

住宿 : ホテルまほろば (包早晚餐) (Jalan)

地址 : 〒059-0551 登別市登別温泉町65番地            電話 : 0143-84-2211

費時 :  23000日圓【30日前早割】毛蟹・ズワイ蟹・タラバ蟹　三大蟹食べ放題バイキング(和室8畳)  

泊車 : 0日圓  GPS: 42.49312703,141.14188964 MC : 603 257 794

評語 :

呢一間酒店係我哋成個旅程最貴個一間來嘅，因為我哋揀咗食三大蟹宴，不過都係值嘅。泊車方面係要泊係立體停車場，不過我見到有地面停車場，應該係爆咗。酒店都係一般溫泉酒店格局，都幾光鮮。房我哋住和室，都幾企理 !! 到咗晚餐，好多人，有香港旅行團、強國旅行團，所以都幾多人食嘢，要排隊。三大蟹都OK嘅，反而覺得佢哋嘅雪場蟹幾鮮甜，另外個兩款蟹都OK嘅，其餘嘅食物都唔錯。早餐就一般咗一D，但係都叫OK啦~~~溫泉都唔錯，不過男湯無得露天，但係浸個時我諗應該係強國人，佢哋無沖身就咁浸落去，嘩~~真係唔係好衛生嘅呢~~所以佢哋浸個D我係唔會浸~~~ Check out 時又係要一個叫入湯稅嘅錢，都唔明點解要收嘅 !! 有D明搶嘅感覺~~~

Day 12 & Day 13

住宿 : スーパーホテル 函館 (包早餐)

地址 : 〒040-0035　北海道函館市松風町1-10           電話 : 0138-22-9000

費時 :  15000日圓 (■早割１４プラン【14日前迄割引】/禁煙)          泊車 : 1000日圓

GPS:41.77036245,140.7332629                                 MC : 86 073 132

呢一間SuperHotel我哋住兩晚，佢都幾近函館駅，我諗10分鐘腳程。附近又有藥房同埋便利店。泊車因為我哋會住兩日，所以我哋安排泊係地面停車場，就係酒店隔離，都幾方便。另外，佢哋重有立體停車場。呢一間嘅早餐都唔錯，免費飲料機嘅飲品又同上一間有唔同~~~洗衫¥100，乾衫都係¥100~~~重要有埋洗衣鹼液提供埋添

Day 14

住宿 : 洞爺サンパレス　リゾート＆スパ (包早晚餐) (Jalan)

地址 : 〒049-5731 北海道有珠郡壮瞥町洞爺湖温泉７－１              電話 : 0142-75-2444

費時 :  18100日圓 (【洋室(ツイン)】洞爺湖の四季を楽しめる湖水に面したお部屋) 泊車 : 0日圓

GPS:42.5653418,140.83499151                                  MC : 321 520 499

評語 :

呢一間酒店係我哋成個旅程最後一間溫泉酒店，佢位處於洞爺湖嘅邊邊。泊車方面係泊地面停車場，但係就唔係酒店到，要泊去另外一個位置，所以要落咗行李先，個停車場離酒店大概4-5分鐘到，有D唔方便。不過入到去個大堂，即刻唔同晒。酒店大堂非常之華麗、靚同埋新淨，不過間房就遜色咗一D啦，如果住和室可能會好D。食方面都好出色，重要有手握壽司，雖然唔係D咩靚魚，D甜品都好出色。我哋住間房係可以睇到放煙花添架，重有個溫泉，係咁多間最正嘅一間，呢一次真係可以試到露天溫泉，可以望住個湖架，真係好正 ! Check out 時又係要入湯稅嘅錢，都唔明點解要收嘅 !!

Day 15

住宿 : グランドパーク小樽 Grand Park Otaru (包早餐) (Jalan)

地址 : 〒047-0008 北海道小樽市築港１１－３                電話 : 0134-21-3111

費時 :  14200日圓 (デラックスダブル【32平米】＜高層階山側＞【14～17階】)   泊車 : 0日圓

GPS:43.18365875,141.02388448                                     MC : 493 633 669

評語 :

呢一間酒店本來係唔想搵嘅，不過係小樽無晒酒店，其實有 DormyInn，不過要收成二萬幾日元一萬，原先係一萬唔洗，當然係唔會住啦~~~呢一間都係幾大嘅酒店，因為都見都幾多外國人住 !! 泊車係泊室內停車場，Check in 會問你會唔會再揸車出去，會佢就會教你要攞返張停車場飛，同埋再返酒店時唔好攞張新飛。呢一間酒店下面有個商場有 AEON 係到，有嘢食有嘢買 !! 不過就同倉庫個邊有一段距離。早餐一般西式酒店早餐，選擇唔多~~

Day 16 & Day 17

住宿 : 札幌・すすきの (包早餐)

地址 : 〒064-0806　北海道札幌市中央区南6条西2丁目8-1              電話 : 011-521-9000

費時 :  13000日圓 (【連泊得割プラン】2泊以上でお得♪/禁煙)           泊車 : 1000日圓

GPS:43.05394923,141.35582539                                    MC : 9 493 154

評語 :

呢一間SuperHotel其實我哋第一日來到札幌已經見到佢，因為佢係我哋住嘅東橫Inn附近，座落係薄野區，同札幌站有一段幾遠嘅距離。泊車位要泊立體停車場，位處嘅位置行5-10分鐘就到薄野區食店，都幾方便 !! 呢一間嘅免費飲料機嘅無先前住個幾間咁正~~~洗衫¥100，乾衫都係¥100~~~重要有埋洗衣鹼液提供埋添，呢一間都係有溫泉浸嘅…