~~~活在當夏~~~: 2015 北海道自駕美食之旅

2015/12/27

2015 北海道自駕美食之旅 - Day 9 25.10.2015

25/10/2015 (星期日) Day 9

根室 > 花咲灯台車石 > 落石岬 > 霧多布岬 > 霧多布湿原センター展望ホール > 琵琶瀬展望台 >愛冠岬 > 子野日公園 > 道の駅厚岸グルメパーク (厚岸味覺 Terminal Conchiglie) > 釧路 > 和商市場 > フィッシャーマンズワーフMOO > 幣舞橋 > スーパーホテル釧路駅前 > Dinner @ 魚政外賣

今日唔洗咁早起身，因為早餐要係0700先有得食，不過今朝依然係好大風，尋晚瞓嘅時隱隱約約聽到出面吹好大風~~~上網睇原來係話有暴風，真係幾似打風，重有落埋雨添~~

開頭都諗住個早餐應該會幾普通，因為間酒店普通呀嗎~~但係又唔錯喎，食完我哋8點幾就出發喇!

首先我哋會去花咲灯台車石，個到~~~大風到呢，開門落車就要好大力揸住度門，因為驚度門吹走咗，個人只要輕輕跳起就好似會飛咁樣，頭髮又吹到亂晒，係去影相期間其實驚架車會吹翻。影完相就快快走人，之後我哋就沿海邊玩，下一個景點係落石岬。呢個景點係就到個時個段路都幾爛下，跟住行行下原來又要步行去先睇到，重要話要行25分鐘，所以我哋最後就無去到嘅!一來費時行咁多路，二來今日大風到咁，唔係幾想行!

來緊嘅景點就係霧多布岬，可能都係近海邊，個風勢都係無減弱過，嚴重影響我哋遊玩嘅心情呀~~~團友重要係車都唔落，話大風都行唔到喎!下一站其實應該去附近嘅一個叫アゼチの岬，不過我哋Miss 咗，去到霧多布湿原センター展望ホール先發覺 ! 呢個濕原我哋去到個時得一大片嘅枯草，不過途中見到有好多人影相，D裝備都幾勁，有D重要係超長砲來嘅，後來睇返資料原來呢到有D仙鶴(Manchurian Crane) 會係呢到出現，唔怪之得喇。之後就去咗琵琶瀬展望台，又係無嘢睇嘢，但係又見到有個人攞住4部相機放咗係一塊硬膠上面，唔知係咩裝置來嘅呢?!

下一個景點就係去愛冠岬，呢個要行少少路去，所以就無所謂啦~~~行到入去途中見到有一鹿群，開頭以為個隻雄鹿會沖過來添，有D驚驚哋。咁我就企係到唔郁，點知佢哋又唔郁喎。咁我就慢慢行啦，重影咗佢哋相添。之後就去到呢個愛冠岬，呢個愛冠岬都幾靚，我諗睇日落應該會幾正。係去呢個愛冠岬中途會有一間資料館嘅，不過我哋趕時間就無入到去睇!

見時候都差不多，就去食Lunch喇，我哋食嘢嘅地方就係道の駅厚岸グルメパーク (厚岸味覺 Terminal Conchiglie)，係去呢個厚岸味覺時途經呢個子野日公園，之前睇到D Blog講呢到係會有D食嘢攤檔，不過個個節目應該攪完，所以我哋經過個時都唔見有咩睇。去到道の駅厚岸グルメパーク個停車場都泊咗幾多車。佢二樓到有兩間食店，一間係餐廳，而另一間就係炭燒嘅。我哋揀咗炭燒，D海鮮重要幾新鮮，想食咩就自己挾咩來食。我哋揀咗蠔、帶子、北寄貝、蜆、魷魚串重有牛肉串。

D帶子真係好新鮮，不過其實我哋去到個時淨返兩隻帶子咋，無得揀!入到去見到有D人燒緊嘅帶子都幾大隻下!重有就係北寄貝都好好味~~~食食下見到隔離枱食緊呢個生蠔好似幾好味，咁我哋又叫來食，又真係幾好食~~~

食完落去下面個層嘅商店行下，見到有蠔味加咖啡味雪糕食，就買來試下。點知我哋淨係得咖啡味，一D蠔味都無，有D被坑了的感覺!

食完就去釧路嘅酒店Checkin，係途中見到有間油站個油價都平下，就去入返缸油先。我哋大概3點幾到就去咗酒店附近，見時間尚早就去和商市場到兜下，點知今日佢哋休息喎!咁就去酒店Checkin喇，今晚係住SuperHotel，之後就係酒店到Hea咗一陣先出去搵食。

我哋去フィッシャーマンズワーフMOO到行下，之後去到フィッシャーマンズワーフMOO我哋兜來兜去，唔知邊到泊車，原來係佢隔離有個停車場係到，不過我哋之前未發現，泊咗係佢個停車場入面，順便去埋附近嘅幣舞橋睇下同影下相。本來就想去MOO外面嘅岸壁炉ばた食呢個炭燒海鮮晚餐，不過呢佢入面煙霧迷漫，我哋驚食完之後成身都係燒烤味，同埋D海鮮價錢貴過Lunch個到，所以如果想食呢個炭燒海鮮就要去厚岸味覺到食喇。

咁我哋食咩呢，最後我哋係フィッシャーマンズワーフMOO入面嘅食店到買咗呢個魚卷寿司、魚飯重有湯外賣食，原來呢一間食店都幾出名個喎!之後就返咗去酒店都海餐，開頭對呢個晚餐無咩期望，但係原來又幾好食個喎!之後就去咗洗衫，SuperHotel洗衫都幾方便快捷，又平、靚、正!!

住宿 : スーパーホテル釧路駅前 (包早餐)

地址 : 〒085-0014　北海道釧路市末広町14丁目1-2 電話 : 0154-25-9000

費時 : 5420日圓 (早割☆２８日前予約☆NET限定販売☆/禁煙) 泊車 : 500日圓

GPS:42.98951762,144.38431555 MC : 149 256 407

景點:

花咲灯台車石(MC 423 401 064 GPS 43.2781453,145.58882975)

花咲岬 (MC 423 401 244 GPS 43.27973583363092,145.5887371421161)

落石岬 (MC 1043 269 719 GPS 43.15898895,145.49574854 )

落石岬灯台 (MC 1161 272 370 GPS 43.16438811,145.51549694)

註：因為木道受損而不知何時才能開始修復，所以現在是禁止進入的。如果想前往，需事先查詢根室市観光協会的網站(http://www2.marimo.or.jp/Nimuoro/)。

霧多布岬 [浜中町] (MC 614 590 066 GPS 43.07820344,145.16451355) 正式的名稱是湯沸岬（とうふつみさき）