~~~活在當夏~~~: 2015 北海道自駕美食之旅

2015/12/27

2015 北海道自駕美食之旅 - Day 8 24.10.2015

24/10/2015 (星期六) Day 8

阿寒湖 > 愛奴村 > 阿寒湖畔展望台 > 双湖台觀景台 > 双岳觀景台 > 道の駅「摩周温泉 > 摩周湖展望台 > 道の駅スワン44ねむろ > 納沙布岬灯台 > 納沙布岬 > 望郷の岬公園 > 望郷の塔 > 希望の鐘 > 北方館 > 根室駅 > 東端の駅 > ホテル　ねむろ海陽亭

今日比平時遲咗起身，因為尋晚比較夜瞓，呢一間酒店嘅早餐都幾多款，同埋選擇都有好多，所以我哋又食到Over咗啦~~~

之後就行去阿寒湖畔到影下相，因為尋晚來嘅時候已經係天都黑晒，不過今日天陰陰咁，我哋都係影咗一陣就上房執嘢Checkout。臨離開嘅時候我哋就去咗愛奴村，日光嘅情況下影返D相~~

我哋第一站係去呢個阿寒湖畔展望台，去到尾段嘅時候係一條石仔路，架車要慢行，呢個展望台係個半山到，呢一個地方有雪嘅時候應該係一個滑雪場來嘅~~個位可以望晒成個阿寒湖，如果好天應該係幾靚。之後就去到双湖台觀景台，不過我哋睇來睇去都係睇到得一個湖，究竟另外一個湖係邊一到嘅呢?睇完就去双岳觀景台，我哋睇來睇去都係睇到得一個岳，可能有另一個都唔定但係我哋又係睇唔到!!

跟住我哋就去摩周湖展望台，途經一個道の駅有得浸腳嘅，我哋就去浸下腳喇。個浸腳要係個出水口個到先叫做熱，再後D就已經唔熱，只可以話係暖咋!!

去到個摩周湖展望台到，有一間商店，有好多遊客係到，因為有好多架旅遊巴係到。係個摩周湖展望台個牌到見到有一隻松鼠，不過呢間商店就無D啱隻松鼠食嘅嘢買，咁我就執D殼俾佢，點知佢鬼咁精，一攞上手就掉咗!!我哋重係呢到買咗一件哈蜜瓜食添呀~~~食完就繼續行程，我哋今日嘅目的地就係根室。係途中重有同戰車仔入咗油。係入去根室嘅途中會經過一個道の駅スワン44ねむろ，我哋就係呢個道の駅到食Lunch，其實呢個都係一個景點來架!不過今日落雨，無得出去行。

我哋叫咗一個蟹鍋飯，一個燒魚飯(有D似鰻魚)，味道都幾好個喎，唔怪得之呢間餐廳咁多人係到食嘢啦!

食完我哋就個站入面睇咗一陣間嘢，然後就去納沙布岬，但係我哋去到個時都係重落緊雨，影完相就去埋附近嘅望郷の岬公園、望郷の塔、希望の鐘、納沙布岬灯台同埋北方館睇下，團友都無落到車，因為都落幾大雨下。之後就去酒店Checkin，行行下見到個北方原生公園，咪落車影埋佢囉!係返酒店之前就去埋根室駅同埋東端の駅打埋咭先，係去呢兩個景點嘅時候見到有間 Aeon 係到喎，咁我哋就入咗去行下喇 ! 買咗D有氣水同埋一個哈蜜瓜，重買咗把刀仔。個哈蜜瓜都係 ¥1507，HK$100都唔洗，真係幾平，我哋重買咗北海道嘅蘋果同埋林柿，之後去埋呢個根室駅同埋東端の駅就去酒店啦。

酒店係根室市好似無得點選擇，所以好多人都係來睇完D景點就會去第二個地方，我哋揀呢一間都幾貴下，不過都叫做OK啦。佢其實有一泊二食嘅，不過諗住食下其他嘢所以就無揀到一泊二食。間房都幾大，不過就幾普通，個溫泉都幾細，睇落去唔係幾想浸，所以最後我哋都係無試過呢個溫泉。

係出去食嘢之前我哋就開咗個哈蜜瓜來食，嘩~~真係好甜好好味!! 之後就出去食嘢，原來間酒店就係間Aeon附近，頭先我哋行Aeon個時發現佢有間回転寿司係到，所以今晚我哋就係呢一間回転寿司開餐，呢一間又係要用紙落Order嘅。味道就普通D喇，雖然我哋頭先食咗個哈蜜瓜，但係我哋都食咗唔少碟

食!!食完就返酒店休息，聽日我哋會去釧路~~~

住宿 : ホテル　ねむろ海陽亭

地址 : 〒087-0041 根室市常盤町2丁目24番地電話 : 0153-22-8881

費時 : 15000日圓 (禁煙ダブル) 泊車 : 0日圓

GPS : 43.33111381,145.58261469 MC : 423 580 372

景點:

阿寒湖畔展望台 MC: 739 310 336 GPS: 43.42227900505426,144.08104775330497)

双湖台觀景台(MC 739 414 358 GPS: 43.447193731865916,144.20384444530612)

双岳台 (MC 739 446 329 GPS 43.45525316568908,144.2207826674914)

摩周湖第三展望台 (MC 613 871 602 GPS: 43.58302446236296,144.50492318642645)