~~~活在當夏~~~: 2015 北海道自駕美食之旅

19/10/2015 (星期一) Day 3

富良野 > フラワーランドかみふらの(Flower Land Kamifurano) > 深山峠 > かんのファーム (Kanno Farm) > 美瑛白金青い池 > 北西の丘展望公園 > 美瑛駅 > 四季の塔 > Lunch @ 火頭山 (美瑛店) > 大雪山旭岳ロープウェイ旭岳山麓駅 > 姿見の池 > 旭川 > スーパーホテル旭川 (SuperHotel) > 典那 @ 梅光軒本店 > 市內遊盪 > スーパーホテル旭川 (SuperHotel)

今日我哋會去旭川，呢間 Apartment 係無包食嘢嘅，所以要食自己。一早起身見到個天色都唔錯，個太陽都重未升起，所以就順便影下日出相。影完就刷牙洗面整行李，然後還鎖匙走人。咁我哋食咩早餐呢?我哋就去咗附近嘅便利店到買飯團食，日本米真係好食D，連飯團都好好味。食完我哋就出發去附近嘅景點，第一站就去フラワーランドかみふらの(Flower Land Kamifurano)，去到都未開，不過見到個花田都無嘢睇，所以我哋都係係附近到影下相就走人喇。之後就去深山峠，其實尋日已經經過過架啦。呢到又係未開檔，我哋入去影下相，再去幫襯下佢哋個廁所就走人。跟住就去好近嘅かんのファーム (Kanno Farm)，又係枯地一塊，影下門口就走。

跟住我哋就反啅返美瑛白金青い池，因為今日有太陽，諗住會靚D。去到已經有好多旅遊車係到，入面都唔少人係到，重聽到有唔少講廣東話嘅人添。個美瑛白金青い池無尋日咁靚添呀，唔知係唔係光線問題呢?影咗幾張我哋就鬆人啦~~~

本來想去搵個 MildSeven 嘅樹，係遠嘅地方就見到，但係去到近就唔見咗，咁我哋咪求其影下附近囉。之後就諗住去美瑛駅，途經北西の丘展望公園，就入去睇下喇。又見到有幾架旅遊巴，重係香港團來嘅，如果無呢一車人我哋應該會影耐D，影完相就繼續行程，下一站美瑛駅。

去到美瑛駅，我哋係另一邊到影相，跟住都唔想行去另一邊睇就上返車。之後就去係附近嘅四季の塔，我哋係個停車場都影下相，睇下附近嘅紅葉，係影最後張相準備走人嘅時候，手一鬆，D相機跌晒落地，好在係花咗（其實都花得幾嚴重），重用得到，唔係就要返來Claim保險喇。見都就快12點，就用車嘅GPS搵下附近有無回転寿司食喇，哦～～～原來係無，咁就食拉麵喇。去咗一間叫火頭山嘅拉麵店（我哋成日讀咗係火山頭），呢一間麵店我哋係香港都食過，唔知係日本食會唔會好味D嘅呢？

我哋叫咗兩個Set ，一個就有餃子，另一個就有三文魚子飯。個麵嘅味道都唔錯，飯嘅飯質都幾好，而個餃子都OK。食完我哋就繼續向北進發啦～～～

跟住我哋就去今日嘅主要景店，就係大雪山国立公園旭岳ロープウェイは，去到附近已經見到個山舖滿晒雪。係網上面睇到有Blog友話有個免費嘅停車場就係佢哋嘅有料停車場隔離，咁梗係泊無料啦。買飛到又可以有10% Off 因為租車公司有一本車入面有D Coupon可以買團體飛，正。買完飛，見到話個山上面得４度，咁我哋就攞咗個Full Gear 嘅衫出來，準備係山上面著啦。

搭上去嘅吊車都唔係有好多人坐，計埋我哋得果6個人到。上到去又要聽 Briefing 喎，咁奇嘅 !! 原來條路有好多地方因為尋晚落雪攪到有積雪，叫我哋行個時要小心D，同埋有一節路係好跣嘅，建議我哋唔好行呢一段路。

我哋著好晒衫就出發，嘩~~一出去已經見到舖滿雪，好靚!!不過行就真係唔係咁好行喇，行兩行就跣一跣，所以行得都幾辛苦!!

行到第一展望台都無咩嘢，但係D池全部都已經結晒冰，之後我哋都原路行睇晒所有嘅池，都行得幾耐下，因為唔知係唔係多人行D雪面，變咗做冰，所以都幾跣，其實一片白雪雪嘅旭岳都幾靚!!好啦，睇完呢個第五展望台，我哋就要揀行返原路走，定係行呢一條路返去車站呢? 最後我哋就唔行原路走，呢一段路有好多梯級行，重要係落斜行嘅，團友係呢一段P咗成5次，我哋因為一齊行，所以我都有P到 !其他嘅人都有人P，不過有D人就好似如履平地咁，所以呢一段路行咗好耐~~~返到去車站都不知幾開心~~~我哋行咗成兩個鐘先行完，如果係行返原路嘅話，可能會快少少，不過諗返都係落斜行嘅，可能都係會出現相同情況~~

係個車站休息咗一陣就出發去今晚嘅住宿地點旭川，去到都差不多5點，我哋今晚住SuperHotel，Checkin完就出去睇下有咩食，同埋團友要去LV到睇下有無包包買喎~~~

路經個旭川駅都幾大，但係我哋最後都無行到，因為無時間呢~~~我哋第一站就去LV，團友搵嘅款無晒貨，但係都睇咗其他款，所以係呢到都攪咗幾耐下。之後就去搵食，但係搵來搵去都搵唔到，最後我哋就食拉麵”梅光軒”呢一間我係香港都未食過，其實本來上去拉麵村到食嘅，不過今日確實係體力透支得幾大下，所以就係附近食就算。食完嘢，就返去休息~~~

住宿 : スーパーホテル旭川 (SuperHotel)

地址 : 〒070-0030 北海道旭川市宮下通11丁目767-3 電話 : 0166-21-9000

費時 : 8000日圓 (禁煙雙床房) 泊車 : 500日圓

GPS : 43.76302693,142.36440439 MC : 79 344 245

景點:

フラワーランドかみふらの (Flower Land Kamifurano)(MC 349 519 391; tel 0167-45-9480)

深山峠 (MC 349 669 127; tel 0167-45-3150)

かんのファーム (Kanno Farm)(MC 349 728 247; tel 0167-45-9528)

雲霄飛車路 (ジェットコースターの路)(MC 349 667 278) 上富良野八景之一

四季彩の丘 (MC 349 701 160; tel 0166-92-2758)

哲學の木 (MC 349 676 661)

千代田の丘見晴らし台 (MC 349 734 579)