二零一四年麗江香格里拉德欽之旅 第六天

二零一四年麗江香格里拉德欽之旅 第六天

梅里雪山 (日照金山) > 香格里拉  香格里拉大峽谷 > 麗江大研古城

Lunch @ 香格里拉香聚食客
Dinner @ 88號小吃店



今日個主要項目就係睇日出，呢到有一個叫日照金山，意指即係日出時，日光照係雪山到好金黃咁~~~之前係網上面有人話唔係可以日日都見到，因為雪山天氣變化多端，所以睇到唔係必然嘅~~~
今日嘅日出時間係 06:41 ，我哋0600就上到天台到霸位睇日出，不過上到去個時見到好多霧。睇到嘅機會都唔係好高，不過都照等啦~~~等到差不多到嘅時候，就見到個群山峰個到有一條打橫嘅空間出現咗!! 我哋淨係睇到個山峰，都幾金下~~~諗住睇唔到添，好在都睇到~~~雖然唔係睇到成座山~~~

睇完就返去房到執埋行李，然後落去食早餐。今次個司機叫我哋要8點鐘出發，因為話路程遠，的確係~~~我哋今日就係由德欽返返去麗江，預計8點出發，中途返到香格里拉食個Lunch，然後我諗大概6點前應該可以返到麗江~~~

食完早餐，我哋就出發~~~今日同司機講我哋要去呢個香格里拉大峽谷到睇睇，佢聽到就問我哋真係要去嗎 ? 我哋就話係呀~~~不過去影影相，佢就無出聲
之後去到一個路口個時有再問我哋一次，話入去要行多四百幾公里，返到麗江好夜~~~原來佢以為我哋要去另外一個大峽谷，於是乎我哋就話唔係呢一個，我哋想去個個係係路邊嘅啫~~~中午返到香格里拉，司機帶咗我哋去一間食點到開餐，食完又出發~~~途經個大峽谷就停低俾我哋影下相~~~
之後大概四點半就返到客棧啦~~~放好行李，我哋就出去食晚餐 !! 今晚去咗88號小吃店，叫咗幾個餸食，不過全部都辣嘅...
之後又行下呢個四方街同埋大水車，就返去休息啦~~~重有就係我哋報咗個Local Tour，聽日參加一個拉市海一天遊純玩團~~~