麗江 > 昆明 (轉機) > 香港
今日就要離開呢個麗江喇，十一日真係一陣間就過咗。今日我哋係十一點幾機，所以我哋琳住九點前就去到機場，預多D時間呀嗎~~~朝早又係去個間小食店到食返個早餐先，食完早餐，我哋就約咗 08:15 就出發，都係經客棧老闆叫車，又係$80去機場。我哋未夠九點就到機場，因為我哋係去香港，係叫做國際航線，所以係另外一面Checkin嘅，點知去到門都未開~~~
係門口到又預返同我哋同一班機來麗江嘅幾個人，佢同我哋講...係咁架啦，佢哋無咁準時架
等到差不多九點就有一個慢慢行來開門，但係入面到係無人嘅。咁我哋咪排下隊囉，期間又同個幾個人傾下計，原來佢哋原先係買直航到麗江，不過最後個班機就取消咗，重要原來佢哋係早一日返香港，都係取消咗喎，強國果然係強國 !!
之後就傾到梅里雪山，佢哋就見唔到日出，重要佢哋係住咗兩日添，不過佢哋都無去明永冰川，都住兩日真係唔知佢哋有咩睇~~~
等咗一排，有個職員行出來話海關未有人開工，要等等喎~~~最後就海關都唔洗，不過Checkin完又要去返內陸機個邊上機，好在我哋時間多啫!!
係機場到行咗一陣，不過無咩睇。坐咗一個鐘到就到咗昆明，又係要落機辦出境同埋安檢，又係攪一輪，不過今次就趕D~~~最後比預計時間早咗45分鐘返到香港，不過等捚行李等咗成個幾鐘，等等下個顯示器重話所有行李已經送達，但係我哋件行李都未浦頭。咪走去問機場D人囉，佢就Call晒咪問係咪送晒，說是遲那時快，我哋件行李就出現啦~~~
旅程就此完結~~~~多謝各位~~~
沒有留言:
發佈留言
來到留返句說話先走啦...