獨克宗古城 > 普達措景區(屬都湖&碧塔海) > 松贊林寺 > 獨克宗古城
Lunch@普達措景區食玉米
Dinner@獨克宗古城
今日我哋去呢個 普達措景區(屬都湖&碧塔海) ，裡面有兩個湖，晴天嘅時候都幾靚~~~司機今日遲咗成半個鐘有多。等佢嘅時候同客棧兩公婆吹水，原來有好多司機都係咁，成日都遲到~~~
上車無耐，個司機就問叫我哋去買呢個氧氣樽，但係我哋之前係麗江個時都已經買咗。跟住個就問我哋買咗幾多錢啦，我哋咪話 $22 囉，之後佢都無出聲。去到景區停咗架車，佢就帶我哋去入口，途中就話我哋買個個氧氣樽一定係有問題，入面嘅量應該好少，話我哋應該係俾人呃咗，不過我哋都無理佢~~~之後係玉龍雪山一樽兩個人都用唔晒~~~
最後我哋都要差不多十點先出發去普達措景區，去到第一個景點屬都湖都差不多十一點啦，今日天氣唔係幾好，又好多雲，所以影相悟係幾靚。呢個屬都湖有成3.3公里，行完都要一個鐘，加上我哋又要影相的話，可能要成兩個鐘先去到搭車個到。於是乎，我哋影完相就行返轉頭，係落車個個位到上返車~~~咁就慳咗好多時間啦。
然後，我哋就去呢個碧塔海，其實中間重有一個餐廳同埋觀景台，不過成車人都無人想去~~~去到碧塔海到落車，有幾檔小食買，有得買呢個玉米食，我哋當然係一人一條啦~~~
之後就行呢個碧塔海，全長有成4.3公里，要行個幾鐘重得~~~我哋諗住又係用返頭先個個方法，不過行行下影影下有人話要座下船，咁我哋就座船啦~~~每人要$50都幾貴架~~~
最後出去個時，又要經過一大輪嘅買嘢檔口先出到呢個出口，個時到差不多成三點。然後我哋就去下一站，就係松贊林寺，上去呢個松贊林寺，要行一大輪樓梯先到，參觀咗幾個殿之後就走人~~~
返到去呢個獨克宗古城 ，個司機就咁係個路口到叫我哋落車，我哋當然話唔得啦~~~因為個路口同今晚嘅住宿都有一段嘅距離，所以我哋就話要佢車到入去。
本來其實係住兩晚呢一間，不過係網上面見到前一晚個間個評語都幾好就試住下啦。尋晚個一間一間房可以當今晚兩間房租有找~~但係呢一間其實係好受外個人歡迎架...
放好行李就出去食嘢，尋日都係呢一條街到食嘢，之前見到有一間話有韓式嘢食，於是乎就今日試下先，嘢食都幾好味，食食下重有兩個韓國人同埋兩個香港人入來食嘢添~~~
食完就返去休息，聽日就要去呢個德欽梅里雪山飛來寺個邊~~~約咗司機9點出發，希望佢準時啦~~
沒有留言:
發佈留言
來到留返句說話先走啦...