麗江 > 拉市海 (無玩到，因為貴) > 長江第一灣觀景台 > 上虎跳峽 > 香格里拉 > 獨克宗古城
Lunch@虎跳峽
Dinner@獨克宗古城
今日我哋就要北上去香格里拉，約咗包車司機8點鐘就出發。早餐就係附近嘅地方到買返去客棧到食，因為架車大，所以架車就無去到客棧到接我哋，要自己推行李上去，都幾辛苦架。俾咗個路線俾個司機就出發，一開車我哋就醒兩包煙仔俾個司機，諗住好服侍D呀嗎~~~
開車無耐，就問我哋去唔去呢個拉市海騎馬玩船仔，我哋有的是時間咪去睇睇囉。
去到就介紹我哋D成三、四百蚊嘅路線，但係同行有個幾驚騎馬，所以最後係無玩到。好在無玩到咋，原來係麗江到報，可以平到$80一個人，唔去D買嘢點嘅就$150。平好多囉...
之後個司機就黑黑哋面啦，因為佢賺唔到回佣呀嗎....
然後，就車咗我哋去長江第一灣，但係同書入面個個有出入嘅~~~原來要睇個個就要去呢個石鼓鎮先睇到。呢一個基本上係睇唔到個個長江第一灣嘅~~~~
睇完就繼續行程，就係今日嘅重點，虎跳峽~~~虎跳峽有分上、中同埋下嘅。我哋只可以去呢個呢上虎跳峽，因為係最容易嘅，其餘個兩個要行好耐~~
呢個虎跳峽嘅水真係好勁，好急~~~呢個景點又係有好多人係到，睇完我哋就去食個Lunch先!
食完就繼續啦，一直去到呢個香格里拉，因為呢個獨克宗古城係2013年1月個時發生大火，將三分二個古城燒咗~~我哋住個間就係古城四方街附近，附近係到重建緊，所以去客棧嘅路都係爛路，我哋兩件大行李都幾係嘢~~~
呢間客棧都幾靚，相對哋住宿價都比較貴(係全程最貴個一間)，不過客棧主人兩夫婦非常好人，第二日朝早等車時吹咗好耐水~~
放好行李就出去行行，呢個獨克宗古城家下都重係到重建緊，唔知幾時會重建完，可能係兩至三年後都唔定，到時又可以回復返舊日色彩~~睇唔到真係有點兒可惜
行過泥路，我哋去就去搵嘢食，求其搵咗一間就入去食，味道都可以。食完行咗一陣就返去休息啦....因為聽日我哋就會去呢個普達措景區(屬都湖&碧塔海)
The old city was badly burnt!
回覆刪除係呀...真係好可惜....舊日嘅熱鬧只可以係相先睇到
刪除