獨克宗古城 > 納帕海 > Lunch@奔子欄 > 金沙江月亮灣 > 白茫山口 > 濃霧頂 > 德欽 > 飛來寺觀景台 > 梅里雪山
今日我哋就會去呢個飛來寺個邊，約咗司機9點都係遲到。我哋第一個景點就係去呢個納帕海，司機又車我哋去呢個騎馬仔，重要成三舊幾水一個人。之前係網上面都有睇過有人介紹係呢個納帕海到騎馬，不過我哋只係想係高位到影張相咋~~所以最後我哋都係無玩到，繼續旅程，途經一個位，可以望到呢個納帕海，就叫司機停埋一邊俾我哋影相。
之後就長車程，去到呢個奔子欄就食過Lunch先~~
食完就繼續行程啦，途經一個位，應該係入去呢個飛來寺嘅主要幹道。又要買票，呢張票就係$150，有三個景點，包括金沙江月亮灣、濃霧頂同飛來寺觀景台，都幾貴~~~
買完隔離就係呢個金沙江月亮灣，都幾靚仔，影咗好耐相，司機係到吹我哋~~~之後就去到呢個濃霧頂，可以遠望飛來寺觀景台。之後就去到我哋間酒店，酒店對正呢個梅里雪山，正~~不過入面嘅設備就好殘舊，唔係好得。Checkin個時遇到有幾個係珠海自駕到來嘅人，佢哋最終係會去到呢個西藏，真係正~~
我哋去到咁啱日落，又係到影下相，然後就食晚餐~~
今晚早瞓，因為聽日要睇呢個日出~~~
Beautiful night sky with lots of stars.
回覆刪除個到光害少所以睇到唔少嘅星星
刪除