二零一四年麗江香格里拉德欽之旅 第十天

二零一四年麗江香格里拉德欽之旅 第十天

大研古城一天遊

午餐 : 嘮叨坊私房菜
晚餐 : 48號納西閣餐廳


今日係旅程嘅最後一日Full Day，今日我哋嘅出發時間係.... 11:30，哈哈~~~
一出發就要去食午餐，我哋決定去返啅第一日來食過嘅嘮叨坊私房菜，因為我哋重未試過呢到嘅臘排骨火煱，同埋呢一間食店，點咗個火煱，菜同飯都係任食架....

去到我哋就叫咗個臘排骨火煱、重有一個菲菜炒蛋，重有就係酸梅湯，因為呢一間嘅真係幾好飲，重有梅酒，不過唔好味。個臘排骨火煱真係幾好食，先前我哋試過就咁炒臘排骨，唔好食嘅，原來要火煱先好食嘅~~~呢一餐食得好豐富，因為我哋食咗好多菜。

食完就開始我哋嘅一日遊，今次主要係去城嘅南面，因為我哋無行過，個面有個叫忠義市場嘅地方，重有一個叫四方廟會嘅地方。係忠義市場原來都好多嘢買，友人重買咗D三七，我哋又買咗D生果，呢一到重有一個熟食市場，不過我哋無試到，我諗D嘢應該會平D。個個四方廟會原來係幾間高級嘅食府來嘅，不過全部都無開門，呢到有三文魚食，但係我哋就唔敢試。之後就諗住去睇一個叫白馬龍潭嘅地方，行經一間買茶嘅就入咗去試茶，同個老闆幾好傾，試咗成個鐘茶，友人有買咗D茶喎，原來都有香港人來個呢一間茶舖買過茶架。
之後就去呢個白馬龍潭，但係我哋搵唔到喎.....不過上到一個位，係一個高位，可以睇到麗江古城，重有我哋睇咗好多個三眼井，三眼井三個井有唔同嘅用途。第一個係飲用，第二個係洗食材，第三個就係洗衫。之後，我哋就去春天百貨到買耗牛乾~~~但係好食個隻乾無晒...

今日晚餐就去一間叫 48號納西閣餐廳到食，呢一間食店係萬古樓個邊，行到上山上面咁濟，不過D嘢食又幾好食同埋幾抵個喎....食完就去買花餅，之後順便買咗阿安酸奶食。然後就返去食生果同酸奶，個酸奶都幾好食~~~而生果就係水蜜桃、提子同埋芒果~~~聽日就要返香港啦....