我哋再沿河邊行過去對面岸，行經今朝嘅跳蚤市場，D攤檔繼續係到買嘢。我哋去到個酒莊區就入咗另外一間都幾大嘅酒莊叫 Calem ，啱啱又有個 Tour ，不過係葡文嘅，我哋都無咩所謂啦。呢個 Tour 又係介紹下個酒莊嘅歷史，釀酒嘅過程…之後就有試兩杯酒~~呢間酒莊試嘅酒無尋日個間咁正，我哋試完就走人。之後又經過一間細細哋嘅酒舖，佢哋都有得試酒，淨係俾 EUR$2.5就可以試喇，重有餅干送添呀~~呢一間D酒又幾Ok喎，咁我哋就買咗一支細嘅返香港。
跟住我哋就去返尋日試酒個間 Sandeman到想買返支紅酒，點知原來用個張入場卷買會有 EUR$2 Discount個喎，不過個張入場卷係住宿到。咁我哋就返咗去住宿先，然後再返轉頭去買過支紅酒，返去途中都有諗過買唔買支綠酒，因為係超市到見到都係 EUR2.85，但係呢支酒係Lisbon嘅Pinóquio (皮諾丘/小木偶餐廳)到飲就要成EUR$15支…不過最後都係無買，因為驚過…
之後就返到住宿到 Hae 一陣，然後就整今晚個餐食。聽日就要返去西班牙啦，葡萄牙之旅就咁結束。其實，Porto 呢個地方都真係幾值得再遊多一次，因為我哋其實都有D嘢未睇晒~~
聽日返去西班牙車程都幾長，又係要成差不多6個鐘車程，所以我哋聽日又係會早出發嘅~~
沒有留言:
發佈留言
來到留返句說話先走啦...