2013 西班牙葡萄牙自駕之旅 Day 15 (3) Barcelona 格蘭大道

之後行去搭Metro都要行成差不多20分鐘，重要係落斜個喎，如果行上來都幾係嘢~~

之後我哋就搭地鐵去返格蘭大道都行下街，其實係想搵下有無 Loccitane，如果有就再入貨，因為真係平過香港，不過尋日唔記得上網Search，所以最後我哋係搵唔到。係條街到行行下見到間家樂福，咁我哋就入去睇下有咩買啦，嘩~~呢到都幾多嘢買，我哋重買咗好多嘢食添，價錢重幾平下。

買完嘢，我哋就去就行咗一陣就返去住宿到休息，然後就去住宿附近嘅El Corte Inglés百貨公司到睇下有無嘢食同埋有咩買喇，呢一個El Corte Inglés百貨公司嘅頂層有間餐廳係到，不過就唔係好啱我哋。於是我哋就去地庫嘅超市到買嘢準備今晚嘅晚餐。呢個超市都幾多嘢買，我哋又見到個隻桃，於是就諗住買兩隻來食，點知呢到係唔可以自己揀嘢，要攞飛仔，等個人幫你揀，我哋要咗兩個，盛惠 EUR$4.X。我哋到收銀個到先諗諗，要差不多成五十蚊港幣個喎，好貴喎 !! 不過都排到去俾錢，唔要好似唔係幾好咁。之後，我哋就係住宿下面嘅蔬果店到買多兩隻溝淡，咁四隻平均咗就無咁貴~~~返到去住宿就整嘢食，食完嘢就休息。聽日就要離開巴塞隆納返香港啦，十幾日咁快就過咗，真係快~~