2013 西班牙葡萄牙自駕之旅 Day 6 (2) Lisbon 全程最貴嘅午餐 & 最好味嘅葡撻

首先，我哋就去附近嘅地方到睇下有無得食先，最近嘅就有一間有網上面有人推薦嘅Pinóquio (皮諾丘/小木偶餐廳)，我哋住宿行去唔洗5分鐘，去到佢哋D店員重係到開緊舖，我哋問佢營業未，但係無人理我哋喎 !! 開頭諗住想走人架，不過再問多一次佢哋就帶我哋入去喇。

橄欖

 蝦湯

 鮮蝦沙律

 海鮮飯

 綠酒

入到去，我哋叫咗一個鮮蝦沙律，一個蝦湯重有一個海鮮飯，再加咗一支綠酒(其實都係網上面D人話食過幾好食，所以照叫)。個鮮蝦沙律都幾好食，不過原來有好多人都有叫沙律，平我哋呢個好多~~其實佢個沙律都幾好食。重有個湯都幾好飲，唔係太咸。重有就係個飯啦，開頭食都幾好味，但係食到最後個時，覺得有D咸咸哋。再講下支綠酒，都幾容易入口喎，唔怪得之有人推介啦。枱上面重有一兜麵包，牛油同埋新鮮嘅橄欖，D橄欖其實都幾好食個喎，不過係香港應該唔係咁容易食到。

食完埋單~~多謝EUR$51，呢一餐係我哋成個Trip最貴嘅一餐，不過又幾好食嘅。食完我哋就去睇附近嘅景點喇~~

Lisbon 睇過嘅景點 :

Rossio廣場、Praça da Figueira(無花果廣場)、聖安多尼堂(lgreja de Santo Antonio de Lisboa)、里斯本主教座堂(Largo Santo Antonio da Se) (Se Catedral de Lisboa)、凱旋門廣場 Praca do Comercio、SantaJusta 電梯 Santa Justa Elevator、卡莫教堂廢墟 Ruínas do Carmo (Convento do Carmo Ruins) SantaJusta

自由廣場其實係我哋由Apartment 個到一行出來個個就係

之後我哋就去咗Rossio 廣場，呢個廣場都幾大

繼續順住走，我哋就去到Praça da Figueira(無花果廣場)，呢到係搭車去Sintra 嘅地方

我哋跟住就繼續向海邊行，又見到一個景點，就係叫做Igreja da Madalena，其實係一個教堂，我哋開頭重以為係呢個聖安多尼堂(lgreja de Santo Antonio de Lisboa)、里斯本主教座堂(Largo Santo Antonio da Se) (Se Catedral de Lisboa)，睇返原來唔係喎，個兩個教堂原來係下一條街先係~~最後個兩個教堂我哋當然無去到啦，因為以為去咗喇嗎。睇返資料原來呢一個教堂都好有歷史，重要係大地震之後再重建過架~~

睇完呢個教堂，我哋就去買沙丁魚，呢一間買沙丁魚都幾出名架，其實我都係係網上面睇到人哋講架咋，我哋買咗幾罐返香港試下，不過家下都重未食，試咗就再話俾大家知得唔得呀。呢一間買沙丁魚都有好多唔同嘅味，重要係可以幫你Pack埋D罐頭方便你攞上機，睇來真係好多人來買都唔定~~

有好多唔同款式嘅沙丁魚買

買完我哋就去睇呢個凱旋門廣場 Praca do Comercio，個到有個哥倫布嘅像係到。

影完相我哋就行返上去睇呢個SantaJusta 電梯 Santa Justa Elevator，係去呢個Santa Justa Elevator之前係會經過呢個凱旋門，呢一條街有好多買藝嘅人係到表演架

呢個電梯都好有歷史

聖胡斯塔升降機（葡萄牙語：Elevador de Santa Justa），又名卡爾穆升降機（Elevador do Carmo），是葡萄牙首都里斯本的一台升降機，位於聖胡斯塔街（Rua de Santa Justa）末端，連接龐巴爾下城較低的街道，與較高的卡爾穆廣場（Largo do Carmo）。

新哥德式的聖胡斯塔升降機，橋通往卡爾穆廣場

聖胡斯塔升降機的設計者是工程師Raul Mesnier de Ponsard，他出生在波爾圖 父母是法國人，居斯塔夫·艾菲爾的學生。升降機始建於1900年，完成於1902年，原本使用蒸汽動力，1907年改為使用電力。

這台鋼鐵升降機高45米，新哥德式裝飾，每層不同的樣式。通過螺旋樓梯可達頂層，有一個陽台，可供觀賞聖若熱城堡、羅西烏廣場（Rossio）和龐巴爾下城的景色。它設有兩個升降機籠，均為木質內飾，最多可乘載20名乘客。

這台升降機已經成為里斯本的一大旅遊景觀，在里斯本的城市升降機中，聖胡斯塔是唯一垂直的一台。其他諸如光榮升降機（Elevador da Glória）和修道院升降機（Elevador da Lavra），都更像是幫助人們登上里斯本山坡的纜索鐵路。

原先諗住試下搭呢部Lift嘅，不過係網上面有網友講呢個唔係咁值得一搭，每一程要EUR$5一次，網上面講如果淨係想想去睇呢部Lift可以係佢哋嘅出口到入去睇都得。不過如果你有買以下嘅卡或者票就可以免費搭呢個Lift啦

Lisboa Viva, 7Colinas or Viva Viagem cards with tickets valid on CARRIS;

Yellow Bus/Aerobus tickets;

Lisboa Card tickets.

因為我哋基本上係步行嘅，所以都無買到呢幾款卡。於是我哋就由出口到行入去睇，不過你都唔好話，由搭Lift個到行去個出口到都幾遠下架..

係完~~隔離重有個卡莫教堂廢墟 Ruínas do Carmo (Convento do Carmo Ruins)

卡爾莫修道院（葡萄牙語：Convento da Ordem do Carmo）是葡萄牙里斯本的一座歷史建築。其中世紀建築在1755年里斯本大地震中成為廢墟，其哥德式教堂的廢墟為該市仍可看到的大地震的主要痕迹。

卡爾莫修道院位於希亞多區，在一座俯瞰羅西烏廣場的小山上，面向聖若熱城堡山。它坐落在安靜的卡爾莫廣場，非常接近聖胡斯塔升降機。

如今毀壞的卡爾莫教堂被用作卡爾莫考古博物館（Museu Arqueológico do Carmo）。

歷史

卡爾莫修道院由國王若昂一世的將軍佩雷拉建立於1389年，1392年起屬於加爾默羅會。將軍在決定性的阿勒祖巴洛特戰役（1385年）中指揮葡萄牙軍隊戰勝卡斯蒂利亞軍隊，保證了葡萄牙的獨立。1423年，將軍本人亦在修院出家修道。

1755年11月1日，1755年里斯本大地震摧毀了大部分修院。5000冊圖書全部丟失。修道院改造成為軍事區。教堂沒有重建，於1864年捐贈給葡萄牙的考古學會，變成一個博物館。

在20世紀，康乃馨革命期間，卡爾莫總部是馬爾塞洛·達斯內維斯·阿爾維斯·卡丹奴和忠於他的軍隊的最後堡壘。老卡爾莫修道院建築現在由市政衛隊使用。

之後我見時間尚早，就搭車去食葡撻喇，呢到搭車去要EUR2.75一程，家下諗諗下我哋其實應該買張One Day Travel Card，可能會抵D。去到我哋首先去睇呢個發現者紀念碑 Padrão dos、貝倫塔 Torre de Belėm同埋4月25日大橋 Ponte 25 de Abril，係我哋研究係邊到落嘅時候，有一個應該係亞洲人用廣東話問我哋想去邊，之後就叫我哋係邊到落車~~我哋搭到去食葡撻嘅Pastéis de Belém落車，然後見又幾早就行咗去睇呢個發現者紀念碑 Padrão dos、貝倫塔 Torre de Belėm同埋4月25日大橋 Ponte 25 de Abril，開頭以為應該行得幾近，原來都要行唔少路個喎~~去到發現者紀念碑發現原來呢到應該可以免費泊車嘅，即係話如果你有揸車的話，可以揸來呢到泊低睇嘢兼食躂~~

睇完嘢就食嘢，入到去自己搵位，之後就會有人招呼你，我哋叫咗4個撻加兩個飲品。之前係網上面好多人都又對呢個撻有贊無彈，食嘢嘅嘢真係好難講，人人口味唔同。不過呢一個撻真係同香港食到嘅有好大分別，重要真係幾好味添喎。呢一個撻每一個要 EUR$1.05 ，但係都真係幾好食。佢個底好脆，個撻嘅餡又唔會太甜，佢哋傳統係會加D玉桂粉同埋糖霜粉，加咗落去又真係幾好食喎。其實，再食多幾個我都重得，不過都係試下就算啦~~~

食完之後我哋就搭電車返去住宿個到，之後都無食到晚餐，因為都幾飽下。